Tekang Kbuten 20:13 - Udél Dwata: Gna Kesfasad ne Lomi Kesfasad

¹³ Bè yóm tehe kdók Dwata dou, anì hlayuke bè gónô mà, yó monu mò ke Sara, “Yó gónón gfan yóm kbong nawahem dou, balù kihu gónó te e solu, hol monem setwoli te.”

Tekang Kbuten 20:13 Iomraidhean Croise

Tekang Kbuten 12:1

Yó mon Dwata mò ke Abram, monen, “Ó Abram, lemwóti ne. Tebelem nim benwu gónóhem nô ni ne yó kem dumuhem ne yó kem fes lówó maem, mógówi ebè yóm benwu naw e tolok kóm.

Tekang Kbuten 12:9

Ominen yó tendo mili yóm gónón kmamfù hlós tofi leged lem yóm benwu Kanan.

Tekang Kbuten 20:12

Tahu se, slibun me, ssotu me bè mà fen me stólóng bè yê, ne nwahu mò yehenu.

Tekang Kbuten 20:5

Yó tulón Abraham dou, monen, ‘libunu’ ne bud mon Sara se kun, ‘El, logihu.’ Laen dù salau ne laen se dù sidek deng nmou.”

Kem Lingón 64:5

Sónmò le tendo sbót mò sidek ne matul hmolot. Yó mon le, “Laen kô dù tau mton kum.”

Kul Nmò 5:9

Ne omin Pitér bud mon du ebéléen, monen, “Tey, mò ye mom semtilów temdek du du yóm Tulus Dwata? Yó dé lu yó kem tau lembeng ke tuha logihem koni, ne ni uu bud tmufì du.”

Hibru 11:8

Dalang se ke Abraham ekni. Lemwót bè yóm kehtahuhen bè Dwata, yó gónón tódô mimón yóm ktaba Dwata du ebè yóm benwu deng fasaden du. Tódô tnagaken yóm kun benwu, balù yóm là ketngónen du gónón seblà yóm benwu deng fasad Dwata du.

1 Samwél 23:21

Ne yó balà Sol kul, monen, “Dwata he muyag kuy bè yóm któbóng ye do.