Tekang Kbuten 2:7 - Udél Dwata: Gna Kesfasad ne Lomi Kesfasad

⁷ Bè yóm tehe kmò Dwata tau, wen tonok nwahen ne nifilen, henbalingen tau. Ominen myuf lem ilungen yóm nawa mò hlowil du ne tódô mnawa se yóm tau nifilen yó ne sen-gengen se mowil.

Tekang Kbuten 2:7 Iomraidhean Croise

Tekang Kbuten 1:27

Tahu se, nmò Dwata tau ne heskélen lu béléen. Nmoen logi ne nmoen libun.

Tekang Kbuten 2:6

Okóm balù yóm là deng kehkulón Dwata du, wen él tembul gu lem tonok mò hméfê du.

Tekang Kbuten 3:19

Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”

Tekang Kbuten 3:23

Yó gónóm mon, tódô hdó Dwata le Adam bè yóm hungul koyu bè Idin anì nbuten mò nmò ta yóm tonok tehe gónó le mò du.

Tekang Kbuten 7:22

Tódô kentihen mowil talak tonok gotu le matay.

Job 33:4

Yakà yóm Tulus Dwata fen mò do ne kun nawa Dwata yóm yufen do mò hlowil dou, yóm Dwata laen dù là gbeken du.

Job 33:6

Yakà senged kton Dwata kut yóm lewu te, hono te lemwót bè tonok.

Job 4:19

Sélétem tô yó ne snaligen yó kem tau olo nifilen lemwót bè tonok. Lemwót le bè kfung se kul. Mkél le bè ngà kbangi udì, mahil lemuna du.

Kem Lingón 100:3

Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.

Kem Lingón 103:14

Tódô tngón Dwata yóm tehe kifilen tekuy, olo kuy lemwót bè kfung.

Kem Udél Hlalak Tehe Selumun 20:27

Bè Dwata gónón lemwót yóm kehedem tau ne tódô tngón tau se yóm hyu ne yóm là hyuhen ne laen dù gbuni bè Dwata.

Kehedem Tau Tmolok 12:7

Abay se yóm lówó tekuy bud baling kfung, ne fen mulék ebè Dwata yóm nawa tekuy bè yóm tehe gónón gu lemwót.

Kehedem Tau Tmolok 3:7

Wen se kdaw kemsê ne wen se kdaw kmefeng. Wen se kdaw tódô yem ne wen se kdaw mudél.

Isaya 2:22

Yó gónóm mon, bê tekuy abay smalig bè tau, mahil le matay se kul. Laen dù mu te smalig kul. Là gomongen bè nili yóm tsaptér 3. Yó htulón Dwata ke Isaya yóm angat ktafak Dwata yó kem tau bè benwu Juda. Yó monen bè bérs 8, “Angat gbà Juda ne Jirusalim lemwót bè yóm alì kehnê le ke Dwata ne yóm là kimón le du. Tey le móyô mò salà mkél bè yó kem tau bè Sodom. Bà udì ke olò wen yak le. Tey angat ksideken yóm angat kól bélê le. Yóm gel kmò le sidek mit kul meglà.” Bè yóm keglà Dwata kul yó, yó udél Dwata ebè yó kem gel mimón du, monen, “Wen ofol knóón blayu kuy.” Okóm yó udélen ebè yó kem gel mò sidek, “Dohò ye meglà. Yu snéen gemwa du yóm kuy ofol. Deng ye móyón megtafak ne.” Yó kem tau tanay gónó Dwata hegnóm du yóm ktafaken kul, duhen yó kem tau gel malak bè yó kem benwu le, abay se deng mom lu yóm wen gónó le ma lemwót bè yóm kehegnok le yó kem tau élél. Yó todol gónó Dwata bud hegnóm du, duhen bè yó kem libun hton dóyón gel lemsek yó kem nes gónó le gel gbóy yó kem logi. Yóm alì sidek ktafak Dwata kul yó duhen yóm gotu kegef le kul ebè Babilun. Laen kô dù bud tebel bélê le són yóm yak le. Ne yó kem logi bè yóm syudad Jirusalim yó, gotu le matay bè gida. Là gomongen bè nili yóm tsaptér 4. Htulón Dwata ke Isaya yóm angat kól, monen bè bérs 1, “Bè yóm kdaw yó là holen dê yó kem logi tebel. Hitu libun semgled du bè yóm ket sotu logi ne yó mon le, ‘Bayaem mi myehen kóm! Tódô mi mebel mò kmò kken me ne knes me. Okóm hyu ke gel tnaba le mi mlan bè yóm kóm boluy anì là gel henlò le kum kem libun là myehen.’ ” Okóm yó sotu bud htulón Dwata ke Isaya yóm bud kehguléken klowil yó kem tau, kogol yóm kegbaen yóm benwu Juda ne Jirusalim ne khegefen yó kem tau. Yó monen bè bérs 3—5, “Tu kem kdê boluy deng snulat le, tu se yó kem tau tolo mowil kdeng yóm kegbà Jirusalim, gotu le baling tau mólós. Gotu nolob Dwata yóm kehdóyón yó kem libun bè Jirusalim. Gotu hólósen yó kem tau bè Jirusalim bè yóm gónó le là gulit. Ne kenlung Dwata Jirusalim ne gomong yó kem tau nô bè yó.”

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Isikél 37:5

Ni se udél yóm sana Dwata hol dandónen geta, yó monen, Ngem, wen nawa suu bélê ye anì bud ye mowil.

Isikél 37:6

Bud nmou ulat ye ne unged ye ne bud nmou kulit ye. Wen nawa suu bélê ye anì bud ye mowil. Omin ye yó he temngón du ou se yóm sana Dwata hol gónó mogot.’ ”

Sikaraya 12:1

Yóm udél Dwata ni, gbak ebè yó kem tau Israél. “Ni se udél yóm Dwata mból longit ne mò tud blóngón tonok ne hlowil tau, monen,

Lista 16:22

Okóm tódô le lemfen bè tonok le Musis ne Aron ne yó mon Musis mò ke Dwata, “Ó Dwata, uu se hlowil yóm kdéen mowil. Ke olohen tek sotu tau yóm mò sidek gotu homong lenbutem kô yóm kdéen tau?”

Lista 27:16

“Ó Dwata, yóm dou gónó mogot. Uu se gónón lemwót yóm kdéen mowil. Mnihe béléem anì méléki sotu tau mò hlós malak kul ni kem tau ni,

Kun Snulat Jan 20:22

Ominen myuf ebélê le, monen, “Yó ne, henmóyô ye ne yóm Tulus Dwata.

Kul Nmò 17:25

Ne laen se kô gónón htóbóng bè tau, abay se laen dù gónón élél. Mom du ne hlowil tau, ne bemlay kul nawa le, ne kdê yó kem wen mu le du.

Sulat Pol Ebè Yó Kem Tau Hemtahu Bè Rom 9:20

Ni se balau du yóm monem yó, “Tmau kóm de tô gembek smabà ke Dwata? Là gbek yóm kuleng tonok smabà yóm tau mifil du, ke monen ‘Moen ke lómón ni kifilem do?’ ”

1 Kurin 15:45

Monen bè Sulat Dwata, “Yóm tanay tau boluyen Adam, nyuf Dwata lem baken, ominen yó he baling mowil.” Okóm ke Krays kun, yóm niba le hol són Adam, du se fen bemlay tekuy yóm klowil laen dù tul sónen.

1 Kurin 15:47

Yóm tanay Adam, tau tonok, abay se nifil Dwata lemwót bè tonok. Okóm yóm sotu Adam, lemwót gu bè longit.

2 Kurin 4:7

Bélê me kum kem tau mit du nim Tulón Hyu ni, hol lómón ke kuleng tonok yóm klowil me, bede wen yóm alì mebtes nô lemen. Yó gónó Dwata hmingón du bè kuleng anì gfan yóm là kewóten bélê me yóm tey kfasangen yóm tulón nwit me, okóm tódô lemwót bè Dwata.

2 Kurin 5:1

Nim lówó tekuy ni, hol lómón ke slung. Ke deng bangen gbà nim slung ni, eles tngón tekuy se angat wen tahu gónó tles Dwata du ditu bè longit, yóm gónó kun nmò Dwata, yóm laen dù tul sónen.

1 Timuti 2:13

Abay se bè yóm tehe kmò Dwata tau, Adam yóm gna nmoen, ominen tmodol mò ke Ib.

Hibru 12:9

Bè yó kem mà tekuy te tonok, tey gel kadat tekuy kul baluen ke wen gónó le gel tmedeng tekuy. Mom milud he kadat tekuy du yóm Mà tekuy bè longit anì blayen tekuy yóm klowil laen dù sónen.