Tekang Kbuten 2:24 - Udél Dwata: Gna Kesfasad ne Lomi Kesfasad

²⁴ Yó gónóm mon, yóm tau ke myehen gtagaken maen ne yéen ne tódô le setlomin yóm kun tuha libun, ne baling le ssotu yóm lewu le.

Tekang Kbuten 2:24 Iomraidhean Croise

Tekang Kbuten 4:19

Nim Lamik ni, lewu yehenen. Yó boluy le, Ada ne Sila.

Kem Lingón 45:10

Ó Boi, ni hnungolem. Uu se ngaen libun yóm tau hol geta, hol henklinguhem nim ni. Klifótem ne yó kem fes lówó maem ne yóm kóm benwu.

Kem Udél Hlalak Tehe Selumun 12:4

Hegdóyónen ne hefligalen tuha logihen yóm libun hyu kmoen, okóm yóm libun henyaken tuha logihen lómón ke gel hengoken lem tiolen.

Kem Udél Hlalak Tehe Selumun 2:17

Ni se yóm libun là teneben bè yehenen ne mom nuléhen yóm tehe kun fasad ke Dwata bè kyehenen.

Kem Udél Hlalak Tehe Selumun 31:10

Mdangan gónó mton du yóm libun mò yehen hyu kmoen ne ke wen libun lómón yó kmoen tey hyu senta yóm kimu legen mebtes.

Kul Nmò 11:23

Timbow kól bè yó, ya tey kehyu nawahen yóm ktonen yóm któbóng Dwata kul. Gel gendufen lu anì hol le teneb, ne là monol nawa le ebè yóm gónó le mogot.

Sulat Pol Ebè Yó Kem Tau Hemtahu Bè Rom 7:2

Hlingónu bè yóm libun deng myehen. Yóm hlau bè kesyehen mfét du bè yóm igoen tolo mowil yóm tuha logihen. Okóm ke deng matay yóm tuha logihen, laen dù bud kwalisen béléen ne yóm hlau bè kesyehen mfét du yó.

Dwata 10:20

Hol knikò ye yóm sana kuy Dwata hol gónó mogot ne olon du gónó ye e tmaba. Hol ye hteneb mimón du ne olon bè boluyen gónó ye gel hlan du ke wen fasad ye.

Dwata 4:4

Okóm kuy yu kem tau là monol nawahen ebè yóm sana kuy Dwata hol gónó mogot, tolo ye mowil yóm kmoen ni.

1 Timuti 5:14

Yó gónóm mon, hyu nawahu bè yóm libun bolu ke hanà tukô nawahen ke tódô bud myehen anì wen ngaen, ne anì sen-gifaen yó kem fes lówóhen. Anì yó, laen dù bang gónó le dmelem kut yó kem hmohon kut.

Juswa 23:8

Okóm henlel ye mimón du yóm sana kuy Dwata hol gónó mogot lómón se yóm gel nmò ye ni kmoen ni.

1 Samwél 25:43

Wen gna yehen Dabid boluyen Ahinuam, libun lemwót bè Jisriil ne sedwey le yóm lewu le.