Tekang Kbuten 2:2 - Udél Dwata: Gna Kesfasad ne Lomi Kesfasad

² Bè yóm ghituhen kdaw là buden mò nmò Dwata, deng gotu deng ne kedlimunen du yóm kentihen.

Tekang Kbuten 2:2 Iomraidhean Croise

Tekang Kbuten 1:31

Omin Dwata bud temngel du yóm kdê deng dlimunen yó, ne tey bong hyu ktonen kul. Timbow deng kmoen du yóm yó, ominen bud kifu ne bud mwas, tu se yóm gnemen kdaw.

Tekang Kbuten 2:3

Ne wen oluhen du yóm ghituhen kdaw yó, htólóngen mò kun abay se hegnô bè yóm kdaw yó bè yóm kedlimunen du yóm kentihen.

Kehewà 31:15

Wen nem kdaw ye bè ket fedyan mò du yóm kuy nmò, okóm yóm ghituhen kdaw hol kdaw ye hegnô abay se yó se yóm dou kdaw. Ke wen tau mò nmò bè yóm kdaw yó, tódô hnatay kmò du.

Kehewà 31:17

ne laen kô dù sónen yóm ilô yó. Tehe nem kdawu mò du yóm longit ne tonok ne bè yóm ghituhen kdaw laen dù bud nmou, tódóe hegnô.”

Isaya 58:13

Yó bud udél Dwata, monen, “Hyu ke hol nadat ye yóm Kdaw Kehegnô ne ke là kulel kebel ye filak bè yóm kdaw yó. Hyu ke hol bong muhen bélê ye yóm dou kdaw yó ne ke là wen gónó ye e solu ne là wen gel nmò ye ne là mon ye du yó kem udél laen dù muhen.

Kun Snulat Jan 5:17

Okóm yó balà Jisas kul, monen, “Yóm Mà, senflósen mò nmò, là kóen hegnô. Senged se dou, tódô senflósu mò nmò.”

Dwata 5:14

okóm bè yóm ghituhen kdaw, yó se yóm Kdaw Kehegnô hetfing ye ebéléu. Bè yóm kdaw yó, béen abay wen bélê ye mò nmò, balù uu ne yó kem ngaem ne yó kem hesekem ne yó kem ógófem duhen ke yó kem tau milo nô bè yóm kuy benwu, hol bê le abay mò nmò. Yó kem hesekem, hol le hegnô lómón yóm kóm kehegnô.

Hibru 4:10

Ke deng guta tekuy yóm fasaden tekuy yó, là bud nmò tekuy du ne yóm kut nmò, tódô tekuy hegnô, hol lómón se yóm tehe kun kehegnô Dwata ekni.

Hibru 4:4

Yakà wen monen bè Sulat Dwata gbak ebè yóm tehe ghituhen kdaw, yó monen, “Bè ghituhen kdaw hegnô Dwata, abay se deng gotu deng ne kdê nmoen.”Ne bud sensulit Dwata yóm tehe monen, “Hol là kô le gehlós edu kul tum benwu mò gónó le angat hlós henek nô.”