Tekang Kbuten 2:17 - Udél Dwata: Gna Kesfasad ne Lomi Kesfasad

¹⁷ Okóm béem abay ken yóm bungu koyu gónóm temngón du yóm hyu ne yóm sidek. Ke sok kenem yóm bunguhen tódói matay.”

Tekang Kbuten 2:17 Iomraidhean Croise

Tekang Kbuten 2:9

Tódô kentihen koyu alì tilob mton du gotu htowok Dwata bè yó, hono kem koyu tilob kbungu le. Bè hol gónón sóól yóm hungul nmoen yó, wen sotu koyu mteg bè yó ke gken tau bunguhen tódô hlós mowil. Ne wen bud sotu koyu mteg bè yó ke gken tau bunguhen, tódô tngónen yóm hyu ne tódô tngónen se yóm sidek.

Tekang Kbuten 20:7

Ne ni, hulékem ebè yehenen yóm libun yó, yakà tugodu yóm yehenen, ne du fen mni béléu béléem anì là matayi. Okóm ke là hulékem du, hol tahu se angati matay dalang se yóm kdê tau nô lem gónóem.”

Tekang Kbuten 3:11

Ne yó snólók Dwata béléen, monen, “Tau du se tmulón du kóm yóm tódô kehlówóhem yó? Deng kenem kô yóm bungu koyu nalihu kuy?”

Tekang Kbuten 3:17

Ne yó udél Dwata ebè yóm logi, monen, “Deng nimónem udél tuha libunem ne deng kenem yóm bungu koyu nalihu kuy. Lemwót bè nim nmoem ni, tódô gomong megtafak béléem yóm klamangen tonok. Bè yóm klawihem mowil, ke là nam hol hgel mò nmò là kô wen gónóm ma mò ken ye.

Tekang Kbuten 3:19

Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”

1 Bok Kem Tau Hol Geta 2:37

Ke hewai ne nifalem Datal Kidron, bè yóm kdaw yó matayi se kóm, ne uu se mò du bè knóem yóm katayem.”

1 Bok Kem Tau Hol Geta 2:42

yó gónón hangay ke Simi, ne monen mò du, “Igou deng hsafà kóm bè Dwata, ne deng eles hetgamahu kóm hol béi abay hewà bè Jirusalim, ne béi abay mógów kihu gónóm e solu, ngem kà matayi. Ne yó balaem do, monem, ‘Tey hyu yóm udélem. Nmou yóm hmoem do.’

Jirimaya 26:8

Okóm tikóng deng ktulón Jirimaya du yóm kdê htugod Dwata du, lemwót yó kem tau gel blóng ebè Dwata ne yó kem tugod Dwata ne kdê yó kem dumu tau nô bè yó tódô kenfô le Jirimaya, omin le hetê, mon le, “Hnatay tekuy.

Isikél 18:13

Ke wen hutóngen, mom gel hngaen. Ke lómón yó kmoen yóm tau, hyu kô hlowil du? Là. Tódô hukolu klowilen ne tódô du mbô du yóm kun katay.

Isikél 18:32

Igò tey kekbéu du ke kendel ye matay. Knogol ye ne yóm kmò ye salà anì mowil ye,” udél yóm Dwata hol dandónen geta. Là gomongen bè nili yóm tsaptér 19 kól bè tsaptér 32. Yó tulónen bè ni kem tsaptér ni: Eles htugod Dwata ke Isikél yóm angat ktafaken yó kem tau hol geta bè Israél. Eles htugod Dwata ke Isikél yóm angat ktafaken yó kem tau Israél lemwót bè yóm là kimón le du. Eles htugod Dwata ke Isikél yóm angat khatay Dwata yó kem tau Israél, bede hmoen yóm tau hol geta bè Babilun. Eles htugod Dwata ke Isikél yóm ktafaken yó kem tau malak bè Israél dalang se yó kem tau nalak le, lemwót bè yóm tey kdê salà nmò le. Yóm kehlingón Dwata yóm syudad Samarya ne Jirusalim hol lómón ke libun setwoli, bede hono le hdóyón. Eles htulón Dwata ke Isikél yóm angat kmò ktafaken kul yó kem syudad yó. Eles hningón hmò Dwata ke Isikél yóm angat glumfak yó kem tau lem Jirusalim, yóm klaen dù bud lan le hewà. Hningón hmoen du bè yóm kuleng nô ta ofi hnok utón lemen. Eles htugod Dwata ke Isikél yóm angat ktafaken yó kem benwu hmilol Israél: Ktafaken yóm benwu Amon ne Muab ne Idom ne Flistya. Ktafaken yóm benwu Tayal ne Sidon. Ktafaken yóm benwu Idyip.

Isikél 18:4

Abay se kdéen tau gotu knukumu. Knukumu se yó kem tuha, bud knukumu se yó kem ngà le. Yó kukumu kul yóm tau gemsalà, du se yóm angat matay.

Isikél 33:14

Sotuhen, mò kmoen se ke eles tulónu yóm tau mò sidek yóm angat katayen, okóm kogolen bè yó tenfloken yóm kmoen sidek ne tendo gel nmoen yóm tedeng ne yóm hyu,

Isikél 33:8

Ke eles hetgamahu yóm tau mò sidek yóm angat katayen ne ke là eles tnulónem du anì tenlesen kmoen, angat matay yóm tau yó igoen tolo nô tahen yó kem salaen, okóm angat ntuku béléem yóm katayen.

Sulat Pol Ebè Yó Kem Tau Hemtahu Bè Rom 1:32

Deng hónô tngón le yóm monen bè hlau Dwata ke wen tau mò du yó kem sidek yó, sal gel tódô hnatay. Okóm là kô dog hdon le du. Tódô henlel le mò du, lel le semgduf kem dumu le mò du.

Sulat Pol Ebè Yó Kem Tau Hemtahu Bè Rom 6:16

Tódô tngón ye se ke tedu yóm gel nélék ye mò lolò ye deng yó se gónó ye ghesek. Ke mò salà se yóm nmò ye, bè salà se gónó ye ghesek ne yó nefeten yóm yó hatay. Okóm ke tendo nimón ye Dwata, yó se gónón tedeng ktonen kuy.

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

Sulat Pol Ebè Yó Kem Tau Hemtahu Bè Rom 8:2

Abay se deng nô bè klowil tekuy yóm kfasang yóm Tulus Dwata mlay klowil ne mlan bè Jisas Krays lemwà tekuy gu lem salà ne yóm lemwà kut gu lem hatay.

1 Kurin 15:22

Laen dù tau ke là matayen lemwót bè yóm kesfu le gu bè Adam. Ne bud lemwót bè yóm deng kessotu le bè Krays, angat gónó le bud mowil se kul.

1 Kurin 15:56

Yó gónón wen kfasangen bélê tekuy yóm hatay lemwót bè salà. Ne yó gónón wen kfasangen yóm salà lanen wen yóm hlau Dwata.

Glasya 3:10

Bong yó kem tau tô smalig yóm klolò le yóm hlau Musis, angat tey ktafak Dwata kul. Abay se deng monen bè Sulat Dwata, monen, “Angat tnafak Dwata yóm tau ke là gotu loloen du yóm kdê deng snulat bè yó kem hlau Musis.”Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”

Ifisus 5:14

Okóm ke wen hlayag kul, yó se gónó le baling layag se kul. Tahu yóm gel mon le, “Btiki ne, tau tungô. Mowili dé, tau matay. Wen Krays fen hlayag kóm.”

Dwata 27:26

‘Hol tnafak Dwata yóm tau là mimón du yóm kdê hlauhen ne yóm kdê toloken.’ Ne kdéen tau gotu malà du, mon le, ‘Tahu yó.’ ”

Dwata 30:15

Nim kdaw ni, wen héléku kuy. Mahi du nélék ye, hyu kô duhen ke sidek? Móyô ye mowil kô duhen ke móyô ye matay?

Dwata 30:19

Héléku yu ni, mahi du se nóyô ye? Móyô ye mowil kô duhen ke móyô ye matay? Móyô ye kô ke tnóbóng Dwata yu duhen ke tnafaken yu? Tnabahu longit ne tonok mò temksì du bélê ye yóm nélék ye kemdaw ni. Yó dé hol nélék ye yóm mò gónó ye mowil.

Kulasi 2:13

Tehe yu ekni, deng ye golu elem hatay lemwót bè yóm kegsalà ye, ne bud lemwót bè yóm là deng kkó ye du yóm óyô ye mò sidek. Okóm ni, deng hlowil Dwata yu, gomong ye bè yóm tehe kehlowilen ke Krays gu lem hatay. Ne gotu hnifóten yó kem kdê salà tekuy.

1 Timuti 5:6

Bong yóm libun bolu ke tek són yó hendeenen yóm kenbeyen nawan, lómón ke deng matay, balù yóm igoen tolo mowil.

Sulat Jim 1:15

Ngangen hembeyen du efet gmoen, ne yó gónón baling salà. Ne ke henlelen mò salà yóm tau, yó se mit du elem hatay laen dù sónen.

1 Jan 5:16

Ke ton ye yóm sotu dumu ye hemtahu deng btang elem salà, okóm ke sundu elem hatay laen dù sónen nefeten yóm salaen yó, hol utóm ye bè Dwata, ne blayen du yóm klowil laen dù sónen, syan ke là mefeten elem hatay laen dù sónen yóm salà nmoen yó. Okóm wen se yóm salà hol nefeten elem hatay laen dù sónen. Là monu du mò kuy hni ye bè Dwata yóm tau yó.

Deng Hegfan 2:11

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yó kem sidek gel sut, là kô gnóm le du yóm tafak laen dù sónen lem lanaw ofi, yóm gel mon le gewuhen dulék matay tau.”

Deng Hegfan 20:14

Omin Dwata mò són yóm hatay, dalang se yóm benwu gónó le nô yó kem tau deng matay, tódô tudaen lu elem lanaw ofi. Nim lanaw ofi ni, ni se yóm gel mon le gewuhen dulék matay tau.

Deng Hegfan 20:6

Tey kehligal yó kem tau matay gomong hlowil Dwata bè yóm tanay kehlowilen tau yó, ne tey bong kehyuhen bélê le. Là se kô le mlan lem lanaw ofi, yóm gel mon le gewuhen dulék matay tau. Ni kem tau hlowil Dwata ni, lu se yó kem tau fen gel blóng kem dumu tau ebè Dwata ne ebè Krays. Gotu le mung kmamal bè Krays bè yóm lemibu halay.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

1 Samwél 14:39

Safau hlanu bè boluy yóm Dwata là matayen yóm Dwata gel lemwà yó kem tau Israél, yóm tau gemsalà tódô hnatay kmò du. Baluen ke Junatan, yóm hol dou ngà.” Okóm balù sotu ke wen tau malà du.

1 Samwél 14:44

Yó mon Sol mò du, “Tahu se, matayi. Dwata he hol hmatay do ke là matayi, Junatan.”

1 Samwél 20:31

Taman tolo mowil talak tonok yóm ngà Jisi yó, là kói mogot benwu se kóm. Yó gónóm mon, hangayem edini na hnatay.”

1 Samwél 22:16

Ne yó udélen htê yóm tau hol geta yó, monen, “Matayi se kóm, Ahimélék, mung kóm yó kem dumuhem setwoli.”