Tekang Kbuten 2:1 - Udél Dwata: Gna Kesfasad ne Lomi Kesfasad

¹ Duhen yó, deng gotu deng ne kedlimun Dwata du yóm longit ne yóm tonok ne yóm kdéen ton ta le.

Tekang Kbuten 2:1 Iomraidhean Croise

Tekang Kbuten 1:1

Bè yóm hol tekang kbuten, dlimun Dwata longit ne tonok.

Tekang Kbuten 1:10

Yó boluyen yóm mékéng deng gfan, “tonok,” ne yó boluyen yóm él deng sbusung, “mohin.” Ne tey hyu kton Dwata du yóm deng nmoen yó.

Tekang Kbuten 2:4

Yó se tehe kmò kedlimun Dwata du yóm longit ne yóm tonok ne yóm kdéen ton. Bè yóm tehe kedlimun yóm sana Dwata hol gónó mogot yóm longit ne yóm tonok,

2 Bok Kem Tau Hol Geta 19:15

Mni ebè Dwata Hisikaya, monen, “Ó Dwata yóm Dwata yó kem tau Israél, yóm myón kmamal lem blóng yó kem hógówem boluyen sirubim. Tek són uu se yóm Dwata mogot yó kem kdéen benwu talak tonok. Tek són uu se tehe mò longit ne tonok.

2 Tutul Israél 2:12

Hol megdóyón yóm Dwata yó kem tau Israél yóm Dwata mò longit ne tonok. Deng blayen ke Dabid yóm ngaen logi alì hulung hedem, ne dê kenhulungen lelen hulung temnef. Du se hemdà yóm Gónô Dwata, dalang se yóm kun gónô bong.

Nihimaya 9:6

Omin le gotu mni bè Dwata yóm kdéen tau Israél, mon le, “Tek són uu Dwata, yóm Dwata hol gónó mogot, tek sotuhem. Uu se mò du yóm longit ne yó kem blotiken. Uu se mò du yóm tonok ne yóm kdê nô tahen. Ne bud uu se mò du yóm mohin ne kdê yó kem nô lemen. Uu se hlowil kul yóm kdéen. Ne kdê yó kem hógów Dwata nô bè longit, gotu le heglaan béléem ne dóyón le uu.

Kem Lingón 104:2

Hol lómón ke tendo legmotem yóm tey layagem. Ne yó kem longit seglafin, lómón ke ketefem yóm klamangen tonok.

Kem Lingón 146:6

Du se yóm Dwata tehe mò longit ne tonok ne mohin ne kdéen ton. Sal dnohoen yó kem deng fasaden.

Kem Lingón 33:6

Yóm tehe kedlimun Dwata yó kem longit seglafin, tódô lemwót bè udélen. Bud lemwót bè udélen snéen yóm tehe kedlimunen yóm kdaw ne bulón ne yó kem blotik.

Kem Lingón 33:9

Abay se tek bè olo udélen, tódô gónón baling yóm benwu. Bud bè udélen snéen, tódô gónón baling yóm kdéen ton tahen.

Kehewà 20:11

Nem kdawu mò du yóm tonok ne longit ne mohin ne yó kem kdê nô lemen. Okóm bè yóm ghituhen kdaw, hegnóe. Yó gónóm mon, htólóngu yóm Kdaw Kehegnô mò dou.

Kehewà 31:17

ne laen kô dù sónen yóm ilô yó. Tehe nem kdawu mò du yóm longit ne tonok ne bè yóm ghituhen kdaw laen dù bud nmou, tódóe hegnô.”

Isaya 42:5

Bè yóm tehe kedlimun Dwata yó kem longit seglafin, hol lómón ke mból nes lenulun bè klamangen. Ne bud dlimunen tonok ne kdê yó kem nô tahen. Deng gotu hlowilen yóm kdéen tau nô tahen. Ne ni wen udélen ebè yóm tau tóbóng lówóhen, monen,

Isaya 45:12

Ou se deng tehe dmimun du yóm klamangen benwu ne deng nmou yó kem tau nô tahen. Lemwót bè kfasangu gónóhu hnal yó kem longit seglafin. Ou se mogot du yóm kdaw ne yóm bulón ne yó kem blotik.

Isaya 45:18

Yóm Dwata gónó tekuy mogot, du se dmimun yó kem longit seglafin. Tek sónen du yóm hol Dwata. Bud du se mò yóm tonok ne tey mbegel yóm kmoen du, là kóen mahil sidek. Yóm benwu nmoen yó, là kô henbalingen du benwu là hyu menwu du, okóm henbalingen benwu alì hyu menwu du. Du se yóm gel mon du, “Ou se yóm hol gónó mogot. Laen kô dù dumu dwata, són o.

Isaya 55:9

Lómón keslayuk tonok yóm longit seglafin bud lómón yó se keslayuken bélê ye yóm dou kehedem ne yóm dou kmò.”

Isaya 65:17

Yó udél Dwata, monen, “Wen lomi tonok nmou ne kem lomi longit. Ke deng ye kól du, là bud gtulón nawa ye du ne yóm gna klowil ye.

Jirimaya 10:12

Okóm ke Dwata kun, dlimunen yóm tonok mlan bè kfasangen ne mlan bè yóm khulungen hedem gónón hbegel du yóm tonok dlimunen yó. Ne bud mlan bè yóm ketngónen gónón mból yóm longit.

Jirimaya 10:16

Yóm kun Dwata tehe Jakub, là kóen mkél bélê le. Du se mò du yóm kentihen. Deng néléken yó kem tau Israél mò hol kun tau nfun. Yó hol kun boluy, Dwata laen dù là gbeken du.

Sikaraya 12:1

Yóm udél Dwata ni, gbak ebè yó kem tau Israél. “Ni se udél yóm Dwata mból longit ne mò tud blóngón tonok ne hlowil tau, monen,

Kun Snulat Luk 2:13

Na, tódô kendel ton yó kem tau semgyok ubiha yóm tey genged hógów Dwata gu bè longit. Ya tey kwen le, semngal le, dóyón le Dwata, mon le,

Kul Nmò 4:24

Timbow deng gungol yó kem tau hemtahu, omin le gotu mni bè Dwata, mon le, “Ó Dwata, uu se tehe dmimun yóm longit ne tonok ne mohin ne kdéen ton.

Kul Nmò 7:42

Yó gónó Dwata kmogol kul. Lemwót bè yóm kbayaen kul, deng mom yó baling hentahu le yó kem blotik. Lu se gónón e gbak yóm tehe hsulat Dwata yóm sotu tehe gna tugoden, yóm monen, ‘Yu kem tau Israél,’ mon Dwata, ‘bè yóm fat folò halay ye nô bè yóm benwu là hyu menwu du, tey ógóf wen hnatay ye mò dsù ye, okóm là kô ebéléu du gónó ye e mò du.

Dwata 4:19

Ke gel ye temngel etta bè longit ne ton ye kdaw ne bulón ne yó kem blotik, hol ye temgama anì là tmaba ye ebélê le. Ni kem gel ton ye ni, deng tódô bayà Dwata lu ebè yó kem tólóng tau bè dumu benwu mò gónó le tmaba se kul.

Hibru 4:3

Okóm bélê tekuy, kem tau hemtahu, angat guta tekuy se yóm deng fasad Dwata tekuy yó. Okóm yó kem tau là hemtahu du, là kô guta le du, hol lómón yóm tehe mon Dwata, yóm monen, “Tey sidek kebutu kul, ya tey kget kmonu du, ‘Hol là kô le gehlós edu kul yóm benwu mò gónó le hlós henek nô.’” Sundu yó gónó Dwata mon du yó ke là dengen deng he kmoen du yóm benwu monen yó, deng kem deng là sekna ne, tehe segeng bè yóm kedlimunen yóm klamangen.