Tekang Kbuten 19:9 - Udél Dwata: Gna Kesfasad ne Lomi Kesfasad

⁹ Okóm mom yó mon le, “Béem tô henseng mi. Olom tau milo ebè ni kóm. Moen ke tô hnauhem mi? Milud he ksideken yóm nmò me béléem ke tô hensengem mi.” Tódô tulud le Lat yó kem tau yó, kóyô le ke genbà le yóm tikeb bak dólen.

Tekang Kbuten 19:9 Iomraidhean Croise

Tekang Kbuten 11:6

Yó udélen, monen, “Ngem ni kem tau ni, tek sotu gónó le gu mbut ne tek sotu udél le. Nim nmò le ni, hanà kbuten he. Angat tey dê atul le elem hulin kdaw. Balù kihu angat sensatul le angat gbek le mò du.

Tekang Kbuten 13:12

Okóm ke Abram kun, tódô hlós nô bè yó bè yóm benwu gónón nô bè Kanan. Bong ke Lat kun, tódô nô lem blóng yó kem syudad nô bè datal, moni bè syudad Sodom yóm gónón kmamfù.

Kehewà 2:14

Ne yó balaen du yóm tau yó, monen, “Tau du de hembaling kóm mò gónó me mogot ne mò kmukum kum? Mone tô hnatayem o kô lómón yóm khatayem yóm tau Idyip?” Ya tey sidek klikò Musis ne yó hendemen, “Deng wen ne tau temngón du yóm nmou.”

Kem Udél Hlalak Tehe Selumun 14:16

Yóm tau hulung hedem eles mabung ne knogolen yóm sidek, okóm yóm tau book tey kosut nawahen ne tódô doen ktauhen.

Kem Udél Hlalak Tehe Selumun 17:12

Mom hyu he gemslong yóm sotu kay ógóf alì sidek klóbóen boluyen bér, olo yóm gemslong tau book tolo lelen mò kbooken.

Kem Udél Hlalak Tehe Selumun 27:3

Yóm botu ne helek tey blat okóm udì he keblat ni kem ni ke hsenged te bè yóm keblat yóm keglayam lemwót bè yóm tau book.

Isaya 65:5

Ne yó mon le mò yó kem dumu tau, ‘Hol bê ye hloni ebélê me abay se wen tulus me, là hyuhen ke getdol ye mi.’ Ya tey sidek kekbéu kul yó kem tau lómón yó. Yóm kebutu kul, hol lómón yóm ofi laen dù tul katayen.” Là gomongen bè nili yóm bérs 6 kól bè bérs 16. Yó tulónen bè ni yóm ktafak Dwata yó kem tau là mimón du. Tey ktabahen kul anì mni le tóbóng béléen okóm là, deng mom hebut le Dwata. Okóm yó kem tau Israél lemwót bè ból Juda ne kem sfu le, angat tey kuyag Dwata kul ne gfun le yóm tonok blayen kul.

Jirimaya 6:15

Kenyak le kô nim sidek nmò le ni? Là. Là kô kenyak le du, balù udì ke ton bélê le ke wen kyak le. Yó gónóm mon, angat le gotu mung masà lem blóng yó kem tau matay bè gida. Gotu le matay ke deng tnafaku lu mlan bè kebutu,” mon yóm sana Dwata hol gónó mogot.

Matyu 7:6

Bud monen, “Bê ye duil tmulón yóm Udél Dwata bè yó kem tau gel hemnê du, lómón ke blay ye bè ohu yóm kimu alì mebtes. Ngem kà mom nékéten kuy. Ne lómón ke blay ye bè sdô yóm ngom libun alì mebtes. Ngem kà gotu sninà ndaen du elem hitok.”

1 Samwél 17:44

Yó bud udélen htê ebè Dabid, monen, “Yó mógówi edini sen anì hkenu bè yó kem onuk koyu ne bè yó kem ógóf lóbô lem bnes ungedem.”

1 Samwél 2:16

Ne ke yó balaen du yóm tau demsù yó, “Kihu kbong nwahen, syan ke na te hkekeb yóm abuen mò ke Dwata.” Yó bud mon yóm tóbóng lówó yó, “Là, géhél blayem ne. Ke là blayem du, tódóe ma.”

1 Samwél 25:17

Ni holi géhél hedem mebel kmò atulem du, yakà wen gbunù yehenem du gomong yó kem fes lówóhen. Tu sónmoen tendo huseng, laen kô mlos mudél ebéléen.”