Tekang Kbuten 19:5 - Udél Dwata: Gna Kesfasad ne Lomi Kesfasad

⁵ Yó taba le ebè Lat, mon le, “Ó Lat, nô se lu du yó kem logi nô béléem kifu ni? Hewaem lu edini bélê me anì sentungô me lu.”

Tekang Kbuten 19:5 Iomraidhean Croise

Tekang Kbuten 19:6

Omin Lat hewà, okóm kendel tnikeben yóm bak dólen

1 Bok Kem Tau Hol Geta 22:46

Gotu kóhen lu bè gónô yó kem dwata kéng yó kem libun ne logi hdóyón, yó kem dù tebel bè yóm tehe kun kdaw Asa yóm maen.

Isaya 1:9

Ke là lemwóten bè Dwata yóm Dwata laen dù là gbeken du, deng gotu genbà le ne Jirusalim, balù udì ke wen dù tebel du hol lómón yóm tehe kegbà yó kem syudad Sodom ne Gomora.

Jirimaya 6:15

Kenyak le kô nim sidek nmò le ni? Là. Là kô kenyak le du, balù udì ke ton bélê le ke wen kyak le. Yó gónóm mon, angat le gotu mung masà lem blóng yó kem tau matay bè gida. Gotu le matay ke deng tnafaku lu mlan bè kebutu,” mon yóm sana Dwata hol gónó mogot.

1 Kurin 6:9

Deng hónô tngón ye, là kóen gmung bè yóm tau nogot Dwata yóm tau là tedeng nmoen. Béen tólóng kehedem ye du nim ni. Là kô le gmung yó kem tau gel mò samuk, ne yó kem tau hemtahu bè yóm dwata kéng, ne yó kem tau mdà yehen, ne yó kem tau deng mom senwì le yóm kmò kesyehen, syehen hono logi, ne syehen hono libun.

1 Timuti 1:10

ne yó kem tau smamuk, yó kem logi sefdóyón honon lu, dalang se kem libun sefdóyón honon lu, yó kem tau kemfô dumuhen tau, yó kem tau mò kéng, ne yó kem tau tmifù kéng, ne yó kem tau mò du yóm dumu nmò là segtónen ebè yóm tahu tolok.

2 Timuti 3:13

Yó kem tau deng solò kmò le sidek ne yó kem dumu tau sekban ktolok le, tódô hlós temnù ksidek nmò le. Snukat le kem dumu le, ne bud le gsukat se kul.

2 Pitér 2:2

Ewenem, sana tey dê tau hemtahu gbót bè yóm gel ksamuk le. Ne yó se lewót yóm kesedekà yó kem dumu tau du yóm tahu tolok.

2 Pitér 2:7

Bè yóm keglà Dwata kul yó, gna lensoen Lat, sotu tau hyu kmoen. Nim Lat ni, sidek keblat nawahen bè yóm gel kmò le samuk yó kem tau gel mò sidek bè yóm kul benwu yó.

Sulat Jud 1:7

Ne hentulón ye nawa yó kem tau tehe menwu bè yó kem syudad Sodom ne Gomora ne yó kem benwu hmilol kul. Tódô nmò le yóm tehe kul nmò yó kem hógów Dwata monu yó koni bè yóm kmò le samuk. Là són du bè kem libun gónó le mò du, balù bè kem kul dumu logi snéen sana kmò le du. Yó kmò Dwata kul, gotu tnafaken lu bè yóm ofi laen kô dù sónen. Ni se yóm eles hetngónen bélê tekuy anì là nmò tekuy du yóm sidek.