Tekang Kbuten 19:4 - Udél Dwata: Gna Kesfasad ne Lomi Kesfasad

⁴ Gu laan le là deng lemwót tungô, deng sana snibut le gónô Lat yó kem logi bè yó bè Sodom. Tódô kdéen kem logi lomi lemnok kkólen bè yó kem tuha, gotu le lemibut bè yó.

Tekang Kbuten 19:4 Iomraidhean Croise

Tekang Kbuten 13:13

Yó kem tau bè Sodom yó, hol kem tau gónón smala sidek, kem tau alì gemsalà bè Dwata.

Tekang Kbuten 18:20

Omin Dwata mon du mò ke Abraham, “Tey sidek yóm gel tifù le kul yó kem tau bè Sodom ne Gomora. Alì sidek bè kdéen yó kem salà nmò le.

Kehewà 16:2

Bè yó bè yóm benwu laen hol wen tauhen gotu le tmalaw ebè le Musis ne Aron yó kem tau,

Kem Udél Hlalak Tehe Selumun 4:16

Yakà là kô le gtungô ke là nan wen sidek nmò le, duhen ke là nan wen dumu tau nwit le mò sidek.

Kem Udél Hlalak Tehe Selumun 6:18

Gfaten yóm tendo hemdem matul mò sidek. Glimuhen yóm tendo módód mò sidek.

Sulat Pol Ebè Yó Kem Tau Hemtahu Bè Rom 3:15

Són nawa monok nô bélê le.