Tekang Kbuten 19:32 - Udél Dwata: Gna Kesfasad ne Lomi Kesfasad

³² Yake hlengel te mà ne stungô te du anì mngà te béléen.”

Tekang Kbuten 19:32 Iomraidhean Croise

Tekang Kbuten 11:3

Yó sentulón le, mon le, “Lemwót tekuy ne. Na tekuy mò ngom gónô lemwót bè tonok miket, hékéng tekuy bè ofi anì hol mgemel.” Tahu se, wen ngom gónô nmò le, ne wen dket le du anì hol tilob kesedket le.

Tekang Kbuten 19:33

Tahu se, bè yóm kifu yó hlengel le mà le, ominen semtungô du yóm ngaen twogu. Lemwót bè yóm alì klengel yóm mà le, yó gónón là temngón du yóm nmoen.

Tekang Kbuten 9:21

Bè yóm kinumen yóm tifas yóm grép huluhen, deng mom lengel du, ne tódô hlilil bè gónóen laen dù nesen.

Mark 12:19

mon le, “Ó Sér, wen yóm tehe hlau snulat Musis bélê tekuy, yóm monen, ‘Yóm tau setwoli, ke matay yóm twogu le, ne ke wen yehenen tebelen, ne lelen laen deng ngà le he, yóm twolihen tmodol béléen bud myehen du yóm yehen twoguhen anì wen ngà le mò sfu yóm twoguhen deng matay.’Na,” mon le, “tehe yu ekni, wen hitu kem tau ssotu sut le. Myehen yóm hol twogu bélê le, okóm kendel matay igoen là deng wen ngà le.

Kun Snulat Luk 21:34

Bud mon Jisas mò kul, “Eles ye hol temgama anì là són du yó gónón nô nawa ye bè kken ye ne bè kinum ye ne bè kmò kebel ye klowil ye. Déke tódô mekto ksuten bélê ye yóm kdaw yó igò ye là deng getgama.