Tekang Kbuten 19:3 - Udél Dwata: Gna Kesfasad ne Lomi Kesfasad

³ Okóm nubug Lat lu ne mung le du ebè gónóen. Yó nmò Lat, hemtifes ken bélê le ne wen mambangen ne kayen bè yó kem tau gdek béléen ne mken le.

Tekang Kbuten 19:3 Iomraidhean Croise

Tekang Kbuten 19:2

ne monen mò kul, “Ó kem Sér, ke yó dum hyu bélê ye, na ye mung dou ebè gónô. Na ye holob ti ye bè yó ne tungô ye bélê me. Hlafus haya he kehlós ye.” Okóm yó balà le du, mon le, “Bayaem ne, bè ni ne gónó me tungô bè plasa.”

Tekang Kbuten 21:8

Ngangen ne lemnok yóm ngà yó. Tikóng skó tmutù botong mò ken bong Abraham.

Tekang Kbuten 24:31

Yó udél Laban ebéléen, monen, “Géhéli, mungi dou ebè gónô, yakà uu du yóm tau deng tnóbóng Dwata. Béi tlek mdà bè ni. Deng wen dfél hentifesu bélê ye bè gónô ne wen mò gónó le nô yó kem kamélem.”

Tekang Kbuten 26:30

Tahu se, omin Isak mò ken bélê le, ne gotu le seyón mken ne wen ninum le.

2 Bok Kem Tau Hol Geta 4:8

Sotu kdaw, lemwót Ilaysa mógów ebè Suném yóm benwu gónón nô yóm sotu libun boi. Lemwót yóm boi yó tinoken Ilaysa mken bè gónóen. Lenwóten bè yó ne, ket kógów Ilaysa ebè Suném gel slob mken bè gónô yóm libun boi yó.

Kehewà 12:15

Bè yóm gel kmò ye du ket halay, hitu kdaw ye là tagad mò bulung henoken yóm mambang gel ken ye. Bè yóm tanay kdaw gotu kó ye ke wen bulung henok mambang nô lem gónô ye. Ke wen sotu bélê ye mken du yóm mambang wen bulung henoken lem yóm hitu kdaw, là bud homongu du ne bè yó kem dou tau yóm tau yó.

Kehewà 12:39

Gotu tnógó le bè lan yó kem mambang laen dù bulung henoken nwit le gu bè Idyip. Yó gónón laen dù bulung henoken abay se tey meslò yóm kehewót le kul, laen dù uras le na mangat du kenok yóm mambang. Ne laen se dù uras le hemtifes du yóm dumu ken le.

Kun Snulat Luk 11:8

Mò kmò ye du de,” mon Jisas, “ke là btiken ebélê ye? Tódô tulónu kuy, anien ke là btiken na a tmóbóng kuy lemwót bè yóm keswè ye, angat btik he yó syan ke là teflok yóm kni ye béléen, ne gotu suen bélê ye yó kem hni ye.

Kun Snulat Luk 14:23

Ne bud dók yóm tau fun gónô, monen, ‘Mógówi do elem bulul dé ebè tu kem lan lemnek, ne hol nubugem lu anì mosol le se kul, anì hol seklot tau lem gónóu.

Kun Snulat Luk 5:29

Kewót Libay bè yó, wen ken bong nmoen bè gónóen mò gónóhen tminok ke Jisas. Tey dê bè yó kem dumuhen gel mtuk bwis ne yó kem dumu tau snéen, gotu le seyón kul mken bè yó.

Kun Snulat Jan 12:2

Yóm kkólen ditu, mò le ken béléen mò hódó le du. Lemwót Marta kun, fen tmóbóng smagid ken bélê le. Ne fen mung seyón ke Jisas mken ke Lasarus.

1 Kurin 5:8

Duhen yó, bè yóm kken tekuy bè yóm Kdaw Khius, hol kó tekuy ke wen ken bali, duhen yóm dê gónó kuy gemsalà. Yake tles tekuy du yóm ken lomi, duhen yóm nawa laen dù belenen ne yóm kestulón laen dù kéngen.

2 Kurin 5:14

Là kô gbek me du ke là nmò me du nim nmò me ni lemwót bè yóm kbong nawa Krays tekuy. Deng hol mtukul ketngón me du ne yóm deng katay yóm sotu tau mò leyu lówó yóm kdéen tau. Bè yóm tehe katayen, hol lómón ke deng tekuy gotu gomong matay béléen.

Hibru 13:2

Hol gel hnódó ye ke wen tau milo sut bélê ye. Deng wen se tau mò du, bede là tngónen du yóm hnódóhen, anì monem, hógów Dwata gu bè longit.

Kmukum 6:19

Tahu se, kendel mulék ebè gónóen Gidyun, ominen tmétê sotu ngà kambing ne wen dô sfolò kilu arina nmoen mambang, yóm mambang laen dù bulung henoken. Lemwót yóm utón tnógóhen suen lem abì ne fen suen lem kuleng yóm sóbówen. Ominen mit du ebè yóm hógów Dwata myón laan koyu ok.

1 Samwél 28:24

Ominen kendel tmétê yóm ngà safì deng habuen yóm libun mton bù. Ne wen arina nwahen, kendel nmoen mambang yóm laen dù bulung henoken