Tekang Kbuten 19:29 - Udél Dwata: Gna Kesfasad ne Lomi Kesfasad

²⁹ Okóm bè yóm keglà Dwata yó kem syudad nô bè yóm datal gónón menwu Lat, là homongen ke Lat abay se là klifóten du yóm hni Abraham béléen.

Tekang Kbuten 19:29 Iomraidhean Croise

Tekang Kbuten 11:27

Ni se yó kem kun sfu Tira, yóm mà le Abram ne Nahor ne Haran. Yóm Haran, du se mà Lat.

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 30:22

Bè Rakél kun, là kô klifót Dwata du ne bnalaen yóm kun kni ne kóhen béléen yóm katilen anì mngà.

Tekang Kbuten 8:1

Bè yóm tey kdunuken yó, là kô klifót Dwata kul le Nuwa ne yó kem ógóf tehe nwiten elem yóm kafal. Ne wen lenos hbel Dwata anì nbuten mtón yóm él.

Kem Lingón 105:42

Abay se là kô klifóten du yóm deng fasad mget tehe nmoen bè Abraham yóm kun tau tóbóng lówó.

Kem Lingón 105:8

Ne yóm deng tehe fasaden yó kem kun tau, laen kô dù sónen. Anien ke hilu libu bud lugod le, senged kdohoen yóm tehe fasaden yó.

Kem Lingón 106:4

Ó Dwata, hentulón nawam se ou ke deng bangem tmóbóng yó kem tauhem. Ke lenwaem lu, lenwaem se ou,

Kem Lingón 136:23

Là kô klifóten du yóm tehe gónó tekuy là gemmò bè yó kem hohon tekuy. Laen kô dù tul sónen yóm kbong nawahen tekuy là monolen.

Kem Lingón 145:20

Nofinen yó kem tau kembong nawa du, okóm fen genlaen yó kem tau gel mò sidek.

Kem Lingón 25:7

Hol hnifótem dou yó kem salà tehe nmou bè yóm klomihu tau. Lemwót bè yóm là konolen yóm kbong nawam, hol hentulón nawam ou, Dwata, abay se uu yóm Dwata alì hulung kmodu.

Husiya 11:8

Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.

Dwata 7:8

Okóm kenbong nawa Dwata yu ne là gbeken du ke là hendohoen du yóm tehe fasaden yó kem tehe fù ye. Yó se gónón lemwà kuy mlan bè yóm tey kegbeken, lenwaen yu bè yóm keghesek ye bè Faro bè Idyip.

Dwata 9:27

Béem abay bud hendem bélê le ne yóm alì kgel kulu le ni kem tau ni ne yóm tey kmò le sidek. Yó dé hendemem yóm le tehe Abraham ne Isak ne Jakub, yó kem tau tóbóng lówóhem.

Dwata 9:5

Là kô yó du gónó Dwata hemlus du kuy nim tonok ni ke mlan bè kehyu kmò ye ne bè kmò ye yóm tedeng. Yó dé gónón mlo kul lemwót bè yóm tendo kmò le sidek ne lemwót bè yóm tehe fasaden yó kem tehe fù ye le Abraham ne Isak ne Jakub.

2 Pitér 2:7

Bè yóm keglà Dwata kul yó, gna lensoen Lat, sotu tau hyu kmoen. Nim Lat ni, sidek keblat nawahen bè yóm gel kmò le samuk yó kem tau gel mò sidek bè yóm kul benwu yó.