Tekang Kbuten 19:28 - Udél Dwata: Gna Kesfasad ne Lomi Kesfasad

²⁸ Temngel etlem Abraham bè Sodom ne Gomora ne ebè klamang yóm datalen, tódô tonen yóm tey kebel mget gu bè klamang yó kem benwu yó.

Tekang Kbuten 19:28 Iomraidhean Croise

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Kehewà 19:18

Yóm Bulul Sinay, tódô tfeng kebel abay se mnaul elaan Dwata mung bè ofi. Yóm kebel yó, hol lómón ke kebel ofi alì hitem kmò kboben etta ne ya tey sidek kegsinsigen yóm bulul yó.

Malakay 3:2

Okóm bè yóm ksuten, tau du se gembek hembala du? Tau du se gembek mdà bè soluhen bè yóm kdaw kegdeken? Laen duen. Abay se yóm nangat ye yó, hol mkél bè yóm tey ofi gbeken hnò bala tók, duhen ke mkél bè yóm sabun alì lóbô gbeken hbukay nes.

2 Pitér 2:7

Bè yóm keglà Dwata kul yó, gna lensoen Lat, sotu tau hyu kmoen. Nim Lat ni, sidek keblat nawahen bè yóm gel kmò le samuk yó kem tau gel mò sidek bè yóm kul benwu yó.

Sulat Jud 1:7

Ne hentulón ye nawa yó kem tau tehe menwu bè yó kem syudad Sodom ne Gomora ne yó kem benwu hmilol kul. Tódô nmò le yóm tehe kul nmò yó kem hógów Dwata monu yó koni bè yóm kmò le samuk. Là són du bè kem libun gónó le mò du, balù bè kem kul dumu logi snéen sana kmò le du. Yó kmò Dwata kul, gotu tnafaken lu bè yóm ofi laen kô dù sónen. Ni se yóm eles hetngónen bélê tekuy anì là nmò tekuy du yóm sidek.

Deng Hegfan 18:18

ya tey kkik le du igò le temngel yóm tey kebel lemwót gu bè yóm ofi sulék mken du, mon le, “Laen kô dumu syudad bong mkay senta yóm syudad yó.”

Deng Hegfan 18:9

Ya tey sidek kkik le du yó kem tau hol geta bè klamangen benwu yóm kton le du kebel yóm ofi mken du. Lu se yó kem tau tehe dumuhen sesamuk, ne tehe tódô nmung le yóm sidek knóyô lówóhen.

Deng Hegfan 19:3

Omin le gotu mensag, mon le, “Hol dóyón tekuy dé Dwata. Ngem tu dé kebelen yóm ofi mken du yóm syudad bong tuu, laen kô nan e són.”

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Deng Hegfan 9:2

Ominen lemungkà du yóm bak yóm sol leyóng yó, ne tódô hesut se yóm tey kebel gu lemen, lómón kebel yóm tey dutung bong, botong tódô kmifu talak kmawang.