Tekang Kbuten 19:25 - Udél Dwata: Gna Kesfasad ne Lomi Kesfasad

²⁵ Gotu himot genlà Dwata yóm lewu kem syudad yó, gomong genlaen yóm tey datal hmilol kul. Yóm kdéen tau nô lemen, ne kdê yó kem tmowok bè yó, gotu homong Dwata lu.

Tekang Kbuten 19:25 Iomraidhean Croise

Tekang Kbuten 13:10

Tahu se, temngel gu hilol Lat, tonen yóm klamang datal él Jurdan, tey wen él mlel bè yó efet kól bè Sur, skél bè yóm tehe hungul koyu Dwata ne bud skél bè benwu Idyip snéen. (Nim kestulón le Abram ne Lat ni, là deng genlà Dwata du he yó kem syudad Sodom ne Gomora.)

Tekang Kbuten 13:12

Okóm ke Abram kun, tódô hlós nô bè yó bè yóm benwu gónón nô bè Kanan. Bong ke Lat kun, tódô nô lem blóng yó kem syudad nô bè datal, moni bè syudad Sodom yóm gónón kmamfù.

Tekang Kbuten 14:3

Nim limu kem tau hol geta ni, deng ssotu atul le sofin, ne gotu sentifun le lu bè datal Sidim yó kem sendalù le. Yó boluy le du ni kmoen ni yóm datal yó, Mohin Héét.

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Jirimaya 20:16

Hyu ke hol meglà yóm tau yó, lómón keglà yó kem tehe syudad gna, bà udì ke wen kkodu Dwata kul. Hyu ke hol sidek klikoen bè yóm angat kungolen uni yó kem tau sgida,

Jirimaya 23:14

Okóm nim kmoen ni, milud he ksideken yóm kul gel nmò yó kem tugodu bè Jirusalim. Ndà le yehen le ne deng knalam le yóm kmò le kéng. Deng mom genduf le yó kem tau gel mò sidek anì là tenflok le du yóm kmò le sidek. Yóm ksidek nmò le yó mkél bè yóm tehe kul ksidek nmò yó kem tau bè Sodom ne Gmura.”

Amus 4:11

“Deng wen genlau bè yó kem syudad ye lómón yóm tehe ksulék keglau yóm benwu Sodom ne Gumura. Yó kem dù mowil bélê ye, hol lómón ke yóm koyu deng ken ofi dolihen bè yóm keskot le du lem ofi. Ewenem sana là kóyô ye semfulék ebéléu,” mon Dwata.

Sifanaya 2:9

Yó gónóm mon, lemwót bè yóm là katayu, yó gónón dohò yóm udél deng monu, Angat genlau yó kem tau Muab ne yó kem tau Amun, lómón yóm tehe tódô sulék keglau yó kem tau bè yóm benwu Sodom ne Gmura. Yó angat kmou yóm kul tonok ni kem tau genlau ni, angat tódô tfeng tahen bnes semnual ne angat baling hono sol gónó le ma kahì, tonok laen dù bud muhen kól bè laen dù tul sónen. Yó kem dou tau dù tebel, angat wen megef yó kem kimu le ne gotu nwa le yó kem tonok le.”

2 Pitér 2:6

Tehe yu ekni, tódô tnafak Dwata yó kem tau menwu bè yó kem syudad Sodom ne Gomora lemwót bè yóm tey kegsalà le. Yó nmò Dwata, tódô ntemen lu. Yó gónón gemlà kul mò ton yó kem dumu tau yóm gónón e kól yóm tau laen dù klikoen ke Dwata.