Tekang Kbuten 19:24 - Udél Dwata: Gna Kesfasad ne Lomi Kesfasad

²⁴ Omin Dwata yó hkulón du ofi nbol kbuda eta Sodom ne Gomora.

Tekang Kbuten 19:24 Iomraidhean Croise

Tekang Kbuten 13:10

Tahu se, temngel gu hilol Lat, tonen yóm klamang datal él Jurdan, tey wen él mlel bè yó efet kól bè Sur, skél bè yóm tehe hungul koyu Dwata ne bud skél bè benwu Idyip snéen. (Nim kestulón le Abram ne Lat ni, là deng genlà Dwata du he yó kem syudad Sodom ne Gomora.)

Tekang Kbuten 13:12

Okóm ke Abram kun, tódô hlós nô bè yó bè yóm benwu gónón nô bè Kanan. Bong ke Lat kun, tódô nô lem blóng yó kem syudad nô bè datal, moni bè syudad Sodom yóm gónón kmamfù.

Tekang Kbuten 18:17

Ne yó hendem Dwata, “Là gbunihu du bè Abraham yóm nmou bè Sodom ni.

Tekang Kbuten 19:23

Deng sut mata kdaw ne yóm kgefet le Lat bè Sur.

Job 1:16

Là dengen gfu kudél yóm tau yó koni bud wen sotu tau sut, monen, “Gotu kenfô leték lu yóm kdê ubihahem ne yó kem tau semgyok kul. Tek són o là matayen. Tódóe mlóy edini naw e tulón kóm.”

Kem Lingón 11:6

Bè yó kem tau gel mò sidek yó, hkulón Dwata eta le yóm bala ofi kemyóngón nbol kbuda, ne bud wen tey lenos kinì hwiten ebélê le mò tmafak kul.

Kehewà 9:23

Tahu se, tayal Musis eta bè longit tugeden ne sen-geng Dwata se heték du ne hetbóhen yóm hol tey bulók kulón ne tey leték kemfô gu talak tonok.

Isaya 1:9

Ke là lemwóten bè Dwata yóm Dwata laen dù là gbeken du, deng gotu genbà le ne Jirusalim, balù udì ke wen dù tebel du hol lómón yóm tehe kegbà yó kem syudad Sodom ne Gomora.

Jirimaya 20:16

Hyu ke hol meglà yóm tau yó, lómón keglà yó kem tehe syudad gna, bà udì ke wen kkodu Dwata kul. Hyu ke hol sidek klikoen bè yóm angat kungolen uni yó kem tau sgida,

Jirimaya 23:14

Okóm nim kmoen ni, milud he ksideken yóm kul gel nmò yó kem tugodu bè Jirusalim. Ndà le yehen le ne deng knalam le yóm kmò le kéng. Deng mom genduf le yó kem tau gel mò sidek anì là tenflok le du yóm kmò le sidek. Yóm ksidek nmò le yó mkél bè yóm tehe kul ksidek nmò yó kem tau bè Sodom ne Gmura.”

Husiya 11:8

Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.

Amus 4:11

“Deng wen genlau bè yó kem syudad ye lómón yóm tehe ksulék keglau yóm benwu Sodom ne Gumura. Yó kem dù mowil bélê ye, hol lómón ke yóm koyu deng ken ofi dolihen bè yóm keskot le du lem ofi. Ewenem sana là kóyô ye semfulék ebéléu,” mon Dwata.

Sifanaya 2:9

Yó gónóm mon, lemwót bè yóm là katayu, yó gónón dohò yóm udél deng monu, Angat genlau yó kem tau Muab ne yó kem tau Amun, lómón yóm tehe tódô sulék keglau yó kem tau bè yóm benwu Sodom ne Gmura. Yó angat kmou yóm kul tonok ni kem tau genlau ni, angat tódô tfeng tahen bnes semnual ne angat baling hono sol gónó le ma kahì, tonok laen dù bud muhen kól bè laen dù tul sónen. Yó kem dou tau dù tebel, angat wen megef yó kem kimu le ne gotu nwa le yó kem tonok le.”

Kun Snulat Luk 10:12

Bede yó tulónu kuy,” mon Jisas, “ke deng kól yóm kdaw kkukum Dwata tau, angat tey bong ktafaken kul yó kem tau bè yóm benwu là hmódó kuy yó senta yóm angat ktafaken yó kem tau bè syudad boluyen Sodom, yóm benwu tódô hensulék genlà Dwata.”

Dwata 28:24

Mom yó nmoen bélê ye, hwiten ebélê ye yóm tey lenos mit kfung, ngangen mò kuy efet ye gotu meglà.

2 Pitér 2:6

Tehe yu ekni, tódô tnafak Dwata yó kem tau menwu bè yó kem syudad Sodom ne Gomora lemwót bè yóm tey kegsalà le. Yó nmò Dwata, tódô ntemen lu. Yó gónón gemlà kul mò ton yó kem dumu tau yóm gónón e kól yóm tau laen dù klikoen ke Dwata.

Sulat Jud 1:7

Ne hentulón ye nawa yó kem tau tehe menwu bè yó kem syudad Sodom ne Gomora ne yó kem benwu hmilol kul. Tódô nmò le yóm tehe kul nmò yó kem hógów Dwata monu yó koni bè yóm kmò le samuk. Là són du bè kem libun gónó le mò du, balù bè kem kul dumu logi snéen sana kmò le du. Yó kmò Dwata kul, gotu tnafaken lu bè yóm ofi laen kô dù sónen. Ni se yóm eles hetngónen bélê tekuy anì là nmò tekuy du yóm sidek.

Deng Hegfan 14:10

angat tey kebut Dwata kul, hol lómón ke wen ninum alì lóbô laen dù bolen hinumen kul. Bè yóm angat ktafaken kul, sónmò le heslaf ditu lem lanaw ofi wen kbudahen tendo dmilóf. Yóm keheslaf le yó, hyu bud ton yó kem hógów Dwata gu bè longit ne yóm Ngà Ubiha.