Tekang Kbuten 19:21 - Udél Dwata: Gna Kesfasad ne Lomi Kesfasad

²¹ Ne yó balaen ke Lat yóm hógów Dwata yó, monen, “Yó ne, nmungu yóm kóyóem. Là dog homong genlau du ne yóm ngà benwu yó.

Tekang Kbuten 19:21 Iomraidhean Croise

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 18:24

Mò kmoen se ke wen limu folò tau tedeng nmò le menwu bè yó, genlaem kô klamang yóm syudad yó? Là knamaem du kô yóm syudad yó anì mowil yó kem limu folò tau tedeng nmò le nô lemen?

Tekang Kbuten 19:20

Tonem kô yóm ngà benwu udì yóó? Malù moni. Yake olon ebè yó dé gónóm hefet dou anì là mataye. Tonem se yóm tey kudien yó.”

Tekang Kbuten 19:22

Bede heslò ye sen, mlóy ye. Là tagad wen nmou ke là deng ye kól bè yó.” Lemwót bè yóm kboluy Lat du benwu udì yóm benwu yó, yó gónó le moluy du Sur.

Tekang Kbuten 4:7

Ke yóm hyu yóm dsuem, tedu duónu là hemmóyô du? Okóm lemwót bè yóm là kehyuhen, hol lómón ke wen salà mangat kóm bè bak autem anì nwiten uu. Tódô kenbéem dé anì là gmungi.”

Kem Lingón 102:17

Angat bnalaen yóm hni yó kem tau laen dù gónó le ma. Là kô nan e kenbê du yó kem hni le.

Kem Lingón 145:19

Gel blayen bè yó kem tau wen klikò le du yóm wen mu le du. Hnungolen yóm alì kni le béléen, ne lenwaen lu.

Kem Lingón 34:15

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.

Kehewà 33:17

Mon Dwata mò ke Musis, “Lemwót bè yóm tey tilob ketngónu kóm ne kehyu nawahu ebéléem, nmou yóm hnihem béléu yó.”

Jirimaya 14:10

Yó udél Dwata gbak ebè yó kem tauhen, monen, “Tey kóyô le du yóm kehlayuk le béléu ne là bud lolò le du yóm dou lan. Yó gónóm mon, là kô bud henmóyóu kul mò dou tau. Gtulón nawaw yóm kdê sidek deng gel nmò le, naw na tnafak lu bè yó kem salà le yó.”

Matyu 12:20

Bè yóm któbóngen tau, là kô tennù tenfoken du yóm hulu deng metngù, ne là tennù hnatayen du yóm solok sónmoen mudof. Okóm henlelen yóm któbóngen kul efet hol gfan yóm kukum tedeng nogoten.

Kun Snulat Luk 11:8

Mò kmò ye du de,” mon Jisas, “ke là btiken ebélê ye? Tódô tulónu kuy, anien ke là btiken na a tmóbóng kuy lemwót bè yóm keswè ye, angat btik he yó syan ke là teflok yóm kni ye béléen, ne gotu suen bélê ye yó kem hni ye.

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.

1 Samwél 25:35

Omin Dabid hemmóyô yó kem basahen du, ne monen mò du, “Muléki ebè gónóem, Dwata he henek nawahem. Deng gungolu yóm monem ne nmou yóm nóyóem.”