Tekang Kbuten 19:2 - Udél Dwata: Gna Kesfasad ne Lomi Kesfasad

² ne monen mò kul, “Ó kem Sér, ke yó dum hyu bélê ye, na ye mung dou ebè gónô. Na ye holob ti ye bè yó ne tungô ye bélê me. Hlafus haya he kehlós ye.” Okóm yó balà le du, mon le, “Bayaem ne, bè ni ne gónó me tungô bè plasa.”

Tekang Kbuten 19:2 Iomraidhean Croise

Tekang Kbuten 18:4

Na ma él mò olob ti ye. Na ye hlun hegnô bè ni laan nim koyu nii.

Tekang Kbuten 19:1

Deng móyón kifu ne bè yóm kkól le bè Sodom yóm lewu kem hógów Dwata yó. Lemwót Lat, tolo myón bè bak tikeb yóm syudad yó. Unihen mton kul, tódô henmung mdà senlongen lu. Tódô hegdufok ebè tonok bè solu le

Tekang Kbuten 19:3

Okóm nubug Lat lu ne mung le du ebè gónóen. Yó nmò Lat, hemtifes ken bélê le ne wen mambangen ne kayen bè yó kem tau gdek béléen ne mken le.

Tekang Kbuten 24:31

Yó udél Laban ebéléen, monen, “Géhéli, mungi dou ebè gónô, yakà uu du yóm tau deng tnóbóng Dwata. Béi tlek mdà bè ni. Deng wen dfél hentifesu bélê ye bè gónô ne wen mò gónó le nô yó kem kamélem.”

Tekang Kbuten 43:24

Ominen hfusek kul elem gónô. Benlayen lu él mò olob ti le ne bud henkenen se yó kem kudà asnu le.

2 Samwél 11:8

Omin Dabid mon du mò ke Uraya, “Muléki ebè gónóem nam hegnô bè yó.” Tahu se, hewà Uraya bè gónô bong yóm tau hol geta, ne wen basa hwiten du ebè gónóen.

Job 31:32

Sal gel tinoku ebè gónóu yó kem tau milo lemwót bè benwu mayuk, là kô naw e htungô kul bè lan.

Kem Udél Hlalak Tehe Selumun 25:17

Olò bnatulem klawahem bè gónô yóm dumum sebét, déke tmakas béléem ne mutó nawan kóm.

Kun Snulat Luk 7:44

Ominen beklil ebè yóm libun, okóm nan na bud mudél ebè Simun, monen, “Lómón se ni nem libun nii. Bè kotunu bè gónóem, là kô dog benlayem do él mò olob tihu, igoen yó sana gel adat tekuy. Okóm nim libun nii, deng mom lewoken yóm timbang olob tihu, ne ifuhen du weken.

Kun Snulat Jan 13:5

Ominen ma lenggana ne nlemen él, ne nbuten molob ti yó kem gel lemolò du, ne bud gel ifuhen du yóm kayab beden bè ówóken.

Kul Nmò 16:15

Bè yóm deng kehtahuhen, ominen hbabtays, gomong se yó kem fes lówóhen. Kogol yóm kehbabtaysen, tinoken mi ebè gónóen, ne monen mò kum, “Deng tngón ye se yóm dou kehtahu bè Jisas. Yake na ye nô bélê me bè ni.” Ne tahu se, nimón me.

Hibru 13:2

Hol gel hnódó ye ke wen tau milo sut bélê ye. Deng wen se tau mò du, bede là tngónen du yóm hnódóhen, anì monem, hógów Dwata gu bè longit.