Tekang Kbuten 19:16 - Udél Dwata: Gna Kesfasad ne Lomi Kesfasad

¹⁶ Okóm ke Lat kun, tô sgangaw nawan lemwót. Okóm tódô lemwót bè yóm kkodu Dwata du, yó nmò yóm lewu kem tau yó, tódô nogot le bè sigelen ne bud nogot le sigel yehenen ne kem ngaen ne nit le lu hewà.

Tekang Kbuten 19:16 Iomraidhean Croise

Tekang Kbuten 19:15

Timbow minal mwas, tey keheslò le ke Lat yóm lewu kem hógów Dwata yó. Yó mon le, “Hesloi ne, hol géhél nitem hewà bè ni yehenem ne yóm lewu kem ngaem libun anì là gomong le matay ke genlà Dwata yóm syudad ni.”

Tekang Kbuten 43:10

Ke là tlek kum ganggà, deng lewu dulék me ne bud gu ditu.”

1 Tutul Israél 16:34

Hol dóyón tekuy Dwata lemwót bè yóm tey kehyuhen. Là kóen monol yóm kbong nawahen tekuy ne laen kô dù tul sónen.

Kem Lingón 103:13

Lómón yóm kbong nawahen kem ngaen yóm mà le, lómón yó se kbong nawa Dwata yó kem tau wen klikò le du.

Kem Lingón 106:1

Hol dóyón tekuy Dwata. Bemlay tekuy slamat ebè Dwata, yakà teyen hyu. Yóm kbong nawahen tau là kóen monol, laen kô dù nan e són.

Kem Lingón 106:8

Baluen ke lómón yó nmò le, sana kehewaen kul, lanen dmohò yóm deng tehe fasaden kul, ne mò gónón hegfan yóm tey kfasangen.

Kem Lingón 107:1

“Hol ye gel slamat ebè Dwata abay se tey hyu kmoen ebélê tekuy. Laen kô dù sónen yóm kbong nawahen tekuy.”

Kem Lingón 111:4

Là kô klifót kem tau du yó kem hentaw ton nmò Dwata. Tey hyu yóm Dwata tekuy, lelen tey kmodu tau.

Kem Lingón 118:1

Hol tekuy gel bemlay slamat bè Dwata abay se tey hyu yóm kmoen. Laen kô dù sónen yóm kbong nawahen tekuy.

Kem Lingón 119:60

Là kóe tlek hanggà, tódô kendel nimónu yó kem hlauhem.

Kem Lingón 136:1

Hol dóyón tekuy Dwata, yakà teyen hyu yóm Dwata tekuy. Laen kô dù tul sónen yóm kbong nawahen tekuy là monolen.

Kem Lingón 32:10

Yó kem tau là mimón ke Dwata, tey dê gónó le glayam. Okóm yó kem tau genléd nawa le Dwata, tendo nofinen lu mlan bè yóm kbong nawahen kul.

Kem Lingón 33:18

Yóm Dwata, tendo bnenteyen yó kem tau wen klikò le du, yó kem tau gléd nawa le bè yóm là konolen yóm kbong nawahen kul.

Kem Lingón 33:19

Hensengen ebélê le yóm hatay. Baluen ke mbel bitil bong, sal hlowilen lu.

Kem Lingón 34:12

Móyô ye kô ke gsengel nawa ye du yóm klowil ye? Móyô ye kô ke tahà klowil ye ne ke wen kligal ye?

Kem Lingón 86:15

Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Kehewà 34:6

Omin Dwata miwes bè soluhen, ne hgelen udélen, monen, “Ou se yóm Dwata hol gónó mogot, yóm alì kmodu tau, yóm là mahilen lembut. Gel hegfanu yóm kbong nawahu yó kem tau ne là kóen monol yóm nawahu ebélê le.Là kô kóhu du yóm kbong nawahu tau efet kól bè yó kem hilu bud lugod le. Yó kmò kehegfanu du bélê le yóm nawahu yó, gel hnifótu yó kem sidek gel nmò le ne yóm là kimón le do. Okóm yóm tau ke là kóhen du yó kem sidek gel nmoen là gbeku du ke là tnafaku du, gomong megtafak yó kem ngà le ne témê le lenwóten bè tanay lugod le efet kól bè gfat lugod le.

Kehewà 34:7

Là kô kóhu du yóm kbong nawahu tau efet kól bè yó kem hilu bud lugod le. Yó kmò kehegfanu du bélê le yóm nawahu yó, gel hnifótu yó kem sidek gel nmò le ne yóm là kimón le do. Okóm yóm tau ke là kóhen du yó kem sidek gel nmoen là gbeku du ke là tnafaku du, gomong megtafak yó kem ngà le ne témê le lenwóten bè tanay lugod le efet kól bè gfat lugod le.”

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Lanu Jirimaya 3:22

duhen yóm kbong nawa Dwata tekuy laen kô dù nan e són. Lemwót bè kkoduhen tau là sulék le matay bè yóm tey kwen glumfak le.

Lista 14:18

‘Ou se yóm Dwata hol gónó mogot. Là kóe mahil lembut ne sal gel hegfanu yóm tey kbong nawahu tau. Ne gotu hnifótu yó kem salà le ne yóm alì katù le do. Okóm là kô gbeku là tmafak kul bè yó kem salà le. Lemwót bè salà yó kem tuha le, là kô gbeku du ke là se tnafaku yó kem ngà le ne témê le efet kól bè getluhen ne bè gfat yóm lugod le.’ Yó se, Dwata, yóm tehe udélem ebélê me.

Kun Snulat Luk 18:13

Okóm kun yóm tau fen gel mtuk bwis, tódô mdà hlayuk fi lem sokok, là kô gbeken du temngel eta bè longit, botong gdofien kfuhen, yó monen, ‘Ó Dwata, hol knoduhem o, yakà tauhe gemsalà.’

Kun Snulat Jan 6:44

Laen kô dù tau tódô mógów ebéléu ke là nan na lemwót bè Mà, yóm hógów do edini. Yóm tau mógów ebéléu, angat hlowilu sok kól yóm hol són kdaw.

Sulat Pol Ebè Yó Kem Tau Hemtahu Bè Rom 9:18

Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

2 Kurin 1:3

Hol tendo dóyón tekuy dé Dwata. Du se hol Dwata yóm gónó tekuy mogot Jisas Krays, ne bud du snéen yóm hol kun Mà. Nim Dwata monu ni, du se yóm Mà tekuy alì hulung kmodu, ne yóm Dwata tekuy alì hulung tmóbóng.

Dwata 4:31

Yóm Dwata, tey kmodu. Là kô nan e bayà kuy ne là se kô nan e genlà kuy. Ne là se kô nan e klifót du yóm deng kesfasad le yó kem tehe fù ye.

Dwata 5:15

Hentulón ye nawa tehe ye ghesek bè Idyip se kuy. Yóm kehewà ye gu bè yóm benwu yó lemwót béléu yóm sana kuy Dwata hol gónó mogot, ne mlan bè yóm tey kegbeku ne kgisu. Yó se gónóhu hol hlolò du kuy yóm hlau bè Kdaw Kehegnô.

Dwata 6:21

Yó tulón ye kul, mon ye, ‘Tehe me ghesek bè Faro bè Idyip okóm lenwaen mi Dwata mlan bè yóm tey kegbeken.

Dwata 7:8

Okóm kenbong nawa Dwata yu ne là gbeken du ke là hendohoen du yóm tehe fasaden yó kem tehe fù ye. Yó se gónón lemwà kuy mlan bè yóm tey kegbeken, lenwaen yu bè yóm keghesek ye bè Faro bè Idyip.

Taytus 3:5

Là kô bè kehyu kmò du gónón lemwà kut, okóm tódô lemwót bè yóm kkoduhen kut, hlanen bè yóm Tulus Dwata. Lómón ke denyohen tu yóm Tulusen. Yóm kedyohen kut yó, yó se yóm kehbalingen kut ngà Dwata, ne blayen kut yóm lomi klowil.

Juswa 6:22

Omin Juswa mdók yóm lewu kem tau tehe hemkana, monen mò kul, “Hgéhél ye etu bè gónô Rahab yóm libun hdóyón, anì nwit ye hewà mung du yó kem fes lówóhen lómón yóm deng fasad ye du.”

2 Pitér 2:7

Bè yóm keglà Dwata kul yó, gna lensoen Lat, sotu tau hyu kmoen. Nim Lat ni, sidek keblat nawahen bè yóm gel kmò le samuk yó kem tau gel mò sidek bè yóm kul benwu yó.

2 Pitér 2:9

Bè ni kem tulónu kuy ni koni gónó tekuy mton du yóm tey khulung Dwata lemwà yó kem tau gel mimón du ke wen gel gfà le. Ne tnafaken yó kem tau gel mò sidek, bede yó he hol kehdengen du kesok kól bè yóm angat kkukumen tau.