Tekang Kbuten 19:15 - Udél Dwata: Gna Kesfasad ne Lomi Kesfasad

¹⁵ Timbow minal mwas, tey keheslò le ke Lat yóm lewu kem hógów Dwata yó. Yó mon le, “Hesloi ne, hol géhél nitem hewà bè ni yehenem ne yóm lewu kem ngaem libun anì là gomong le matay ke genlà Dwata yóm syudad ni.”

Tekang Kbuten 19:15 Iomraidhean Croise

Tekang Kbuten 19:14

Omin Lat mógów ebè yó kem logi deng leminti yóm lewu kem ngaen libun, monen mò kul, “Géhél tekuy lemwót ne, hewà tekuy bè ni abay se móyón genlà Dwata nim benwu ni.” Okóm ofo kul ke hlowon Lat yóm monen yó.

Tekang Kbuten 19:16

Okóm ke Lat kun, tô sgangaw nawan lemwót. Okóm tódô lemwót bè yóm kkodu Dwata du, yó nmò yóm lewu kem tau yó, tódô nogot le bè sigelen ne bud nogot le sigel yehenen ne kem ngaen ne nit le lu hewà.

Tekang Kbuten 19:17

Ominen wen sotu bè yó kem hógów Dwata mon du mò kul, “Hol ye hetlasik mlóy anì là matay ye. Hol bê ye abay temngel semfulék ne hol bê ye abay tlek hegsud bè yó bè datal. Géhél ye mlóy etu lem bulul anì là matay ye.”

Tekang Kbuten 19:22

Bede heslò ye sen, mlóy ye. Là tagad wen nmou ke là deng ye kól bè yó.” Lemwót bè yóm kboluy Lat du benwu udì yóm benwu yó, yó gónó le moluy du Sur.

Kem Lingón 94:23

Angat hulék Dwata eta yó kem tau gel mò sidek yó kem ksidek nmò le. Angat gotu genlaen lu lemwót bè yó kem salà le. Yóm Dwata hol gónó tekuy mogot fen gemlà kul.

2 Kurin 6:2

Hnungol ye yóm tehe mon Dwata, yóm monen, “Bè yóm deng kehto yóm buteng tehe fétu mò tmóbóng kuy, deng tódô gungolu se yóm taba ye do. Bè kehto yóm butengu lemwà kuy, deng tódô tnóbóngu yu.” Ngem, deng duhen ni se yóm kdaw tô któbóng Dwata kuy. Ne deng duhen ni se yóm kdawen tô lemwà kuy.

Deng Hegfan 18:4

Ominu mungol yóm sotu mudél gu bè longit, monen, “Ó kem dou tau, mdó ye du ne yóm benwu yó. Hol bê ye abay gbót bè yó kem sidek nmoen anì là gomong ye bè yó kem glumfaken.