Tekang Kbuten 19:14 - Udél Dwata: Gna Kesfasad ne Lomi Kesfasad

¹⁴ Omin Lat mógów ebè yó kem logi deng leminti yóm lewu kem ngaen libun, monen mò kul, “Géhél tekuy lemwót ne, hewà tekuy bè ni abay se móyón genlà Dwata nim benwu ni.” Okóm ofo kul ke hlowon Lat yóm monen yó.

Tekang Kbuten 19:14 Iomraidhean Croise

Tekang Kbuten 19:15

Timbow minal mwas, tey keheslò le ke Lat yóm lewu kem hógów Dwata yó. Yó mon le, “Hesloi ne, hol géhél nitem hewà bè ni yehenem ne yóm lewu kem ngaem libun anì là gomong le matay ke genlà Dwata yóm syudad ni.”

Tekang Kbuten 19:17

Ominen wen sotu bè yó kem hógów Dwata mon du mò kul, “Hol ye hetlasik mlóy anì là matay ye. Hol bê ye abay temngel semfulék ne hol bê ye abay tlek hegsud bè yó bè datal. Géhél ye mlóy etu lem bulul anì là matay ye.”

Tekang Kbuten 19:22

Bede heslò ye sen, mlóy ye. Là tagad wen nmou ke là deng ye kól bè yó.” Lemwót bè yóm kboluy Lat du benwu udì yóm benwu yó, yó gónó le moluy du Sur.

2 Tutul Israél 30:10

Lemwót yó kem tau hógów yóm tau hol geta yó koni, mógów le ebè ket benwu bè klamang tonok Ifraim ne Mansai efet kól etu bè kun tonok snakuf Sibulun. Okóm deng mom senkuli le lu yó kem tau, deng mom sendekà le lu.

2 Tutul Israél 36:16

Okóm deng mom hennê le yó kem tugod Dwata yó kem tau, là kô hnungol le kul, mom knuli le lu, efet là bud gbek Dwata hembala nawan, ne laen kô dù bud lan le gewà bè yóm kebuten kul.

Kehewà 12:31

Bè yóm kifu yó, bud htaba Faro Musis ne Aron ne monen mò kul, “Mdó ye bè ni bè dou benwu, nwit ye yó kem dumu ye Israél. Géhél ye lemwót ne na ye e tmaba bè yóm kuy Dwata, hol lómón yóm deng hni ye béléu.

Kehewà 9:21

Okóm yó kem dumu, là kô kenmón le du kul yóm eles hetgama Dwata kul yó. Tódô bayà le lu bè lewà yó kem hesek le ne yó kem ógóf le.

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

Jirimaya 20:7

Yó udél Jirimaya ebè Dwata, monen, “Ó Dwata, deng tey kubugem dou bè yóm kehtugodem do. Teyi kemgis sentahu ne uu gemmò béléu. Ne ni, tey sidek kesedekà le dou yóm kdéen tau bè nim syudad ni.

Lista 16:21

“Hlayuk ye bélê le ni kem tau ni anì tódô géhél genlau lu.”

Lista 16:26

Yó udél Musis ebè yó kem dumu tau mdà bè yó, monen, “Hol ye hlayuk bè gónô le ni kem tau mò sidek nii ne bê ye abay nogot yó kem kimu le. Ke nogot ye gotu ye gomong megtafak bélê le bè yó kem salà le.”

Lista 16:45

“Hlayuk ye bélê le ni kem tau nii, na gotu genlà lu.” Tódô le lemfen bè tonok le Musis lewu le Aron ne mni le bè Dwata.

Matyu 1:18

Ni se mò kewóten yóm tehe ksut Jisas Krays. Yóm yéen Midi, deng leninti yóm sotu sawang logi boluyen Jusif. Okóm yóm gu laan le là deng sgefet, tódô mlutut Midi mlan bè Tulus Dwata.

Matyu 9:24

Là kóen deng matay he yóm ngà libun yó, tódô olon tungô.” Okóm deng mom són mò le hemkéng du yóm mon Jisas yó.

Kun Snulat Luk 24:11

Okóm là kô dog hentahu le du yó kem tehe hógów Jisas yó, ofo kul ke tódô kem kul lenbù tulón.

Kun Snulat Luk 9:42

Yóm igoen mógów ebè Jisas yóm ngà, tódô sut béléen yóm busaw gel malak du, ne kento mugod se yóm ngà, ne tódô hkengkel. Okóm tódô hdó Jisas yóm busaw gel malak du yó, ne tódô bud hyu se yóm ngà yó. Mon Jisas mò ke maen, “Ni ngaem.”

Kul Nmò 17:32

Timbow gungol le yóm mon Pol mowil, wen se bélê le mom kmuli du. Okóm yó mon kem dumu, “Móyô me bud hmungol du he sotu kdaw yóm kóm tulón ni.”

1 Tisalunika 5:3

Ofo kul tô mon du yó kem tau, “Hyu ne ni. Deng tinof ne laen bud knikò tekuy.” Okóm tódô mekto sut bélê le yóm tey glumfak le. Tódô le gotu ktut, lómón kektut yóm libun kmuleng blututen, ne là kô wen lan le hemlóy du snéen.