Tekang Kbuten 19:12 - Udél Dwata: Gna Kesfasad ne Lomi Kesfasad

¹² Yó mon le mò ke Lat yóm lewu kem tau nô béléen yó, “Wen kô dumuhem nô bè nim syudad ni? Ke wen dumu ngaem duhen ke towuhem duhen ke yó kem dumuhem eddoli, géhél nitem lu hewà

Tekang Kbuten 19:12 Iomraidhean Croise

Tekang Kbuten 19:11

Omin le gotu hbutô kul yó kem logi nô bè lewà yó koni anì là ton le du yóm bak dól.

Tekang Kbuten 19:13

abay se genlà me ne nim syudad ni. Deng gungol Dwata yóm sidek tifù le kul ni kem tau nô bè ni, yó gónón hógów kum anì ne me e genbà nim syudad Sodom ni.”

Tekang Kbuten 19:14

Omin Lat mógów ebè yó kem logi deng leminti yóm lewu kem ngaen libun, monen mò kul, “Géhél tekuy lemwót ne, hewà tekuy bè ni abay se móyón genlà Dwata nim benwu ni.” Okóm ofo kul ke hlowon Lat yóm monen yó.

Tekang Kbuten 19:17

Ominen wen sotu bè yó kem hógów Dwata mon du mò kul, “Hol ye hetlasik mlóy anì là matay ye. Hol bê ye abay temngel semfulék ne hol bê ye abay tlek hegsud bè yó bè datal. Géhél ye mlóy etu lem bulul anì là matay ye.”

Tekang Kbuten 19:22

Bede heslò ye sen, mlóy ye. Là tagad wen nmou ke là deng ye kól bè yó.” Lemwót bè yóm kboluy Lat du benwu udì yóm benwu yó, yó gónó le moluy du Sur.

Tekang Kbuten 7:1

Bè yóm deng kdeng yóm kafal hmò Dwata ke Nuwa, bud mudél ebè Nuwa Dwata, monen, “Huseki elem yóm kafal ne, nwitem yó kem fes lówóhem. Bè kdê yó kem tau nô talak tonok, tek són uu yóm tonu mò du yóm tedeng.

Jirimaya 32:39

Ne laen kô dù tul sónen yóm keblayu kul yóm kessotu nawa le anì sónmoen wen klikò le dou mò kul kehyu dalang se yó kem angat lugod le.

Lista 16:26

Yó udél Musis ebè yó kem dumu tau mdà bè yó, monen, “Hol ye hlayuk bè gónô le ni kem tau mò sidek nii ne bê ye abay nogot yó kem kimu le. Ke nogot ye gotu ye gomong megtafak bélê le bè yó kem salà le.”

2 Pitér 2:7

Bè yóm keglà Dwata kul yó, gna lensoen Lat, sotu tau hyu kmoen. Nim Lat ni, sidek keblat nawahen bè yóm gel kmò le samuk yó kem tau gel mò sidek bè yóm kul benwu yó.

2 Pitér 2:9

Bè ni kem tulónu kuy ni koni gónó tekuy mton du yóm tey khulung Dwata lemwà yó kem tau gel mimón du ke wen gel gfà le. Ne tnafaken yó kem tau gel mò sidek, bede yó he hol kehdengen du kesok kól bè yóm angat kkukumen tau.

Deng Hegfan 18:4

Ominu mungol yóm sotu mudél gu bè longit, monen, “Ó kem dou tau, mdó ye du ne yóm benwu yó. Hol bê ye abay gbót bè yó kem sidek nmoen anì là gomong ye bè yó kem glumfaken.