Tekang Kbuten 19:1 - Udél Dwata: Gna Kesfasad ne Lomi Kesfasad

¹ Deng móyón kifu ne bè yóm kkól le bè Sodom yóm lewu kem hógów Dwata yó. Lemwót Lat, tolo myón bè bak tikeb yóm syudad yó. Unihen mton kul, tódô henmung mdà senlongen lu. Tódô hegdufok ebè tonok bè solu le

Tekang Kbuten 19:1 Iomraidhean Croise

Tekang Kbuten 11:27

Ni se yó kem kun sfu Tira, yóm mà le Abram ne Nahor ne Haran. Yóm Haran, du se mà Lat.

Tekang Kbuten 13:12

Okóm ke Abram kun, tódô hlós nô bè yó bè yóm benwu gónón nô bè Kanan. Bong ke Lat kun, tódô nô lem blóng yó kem syudad nô bè datal, moni bè syudad Sodom yóm gónón kmamfù.

Tekang Kbuten 18:16

Kewót le bè yó, yó kem tau yó koni, hlós le ebè yóm gónón gedwóng etu bè yóm syudad Sodom. Mung kul Abraham, nan e tolok kul yóm lan etu.

Tekang Kbuten 18:22

Omin le lemwót yó kem lewu tau, mógów le etu bè Sodom, ne fen tebel likót bè Abraham ke Dwata.

Tekang Kbuten 19:10

Okóm yó nmò yóm lewu kem tau nô lem gónô Lat, tódô kteng le elem gónô Lat ne kendel tnikeb le yóm beng.

Tekang Kbuten 19:2

ne monen mò kul, “Ó kem Sér, ke yó dum hyu bélê ye, na ye mung dou ebè gónô. Na ye holob ti ye bè yó ne tungô ye bélê me. Hlafus haya he kehlós ye.” Okóm yó balà le du, mon le, “Bayaem ne, bè ni ne gónó me tungô bè plasa.”

Tekang Kbuten 23:12

Omin Abraham tódô bud mtud bukol bè solu yó kem tau Hitayt

Tekang Kbuten 48:12

Omin Jusif ma yó kem ngaen nô klohok bukol témê le ne tódô hegdufok ebè tonok bè solu maen.

Job 31:32

Sal gel tinoku ebè gónóu yó kem tau milo lemwót bè benwu mayuk, là kô naw e htungô kul bè lan.

Kem Lingón 69:12

Sentulón le ou bè gónón wen. Balù yó kem tau lengel, gel utóm le ou lingón.

Kun Snulat Luk 17:28

Senged se bè tehe kun kdaw Lat,” monen. “Yó nmò kem tau, mken le, ne minum le, ne senflós le bemli ne hembalù, ne senflós le se mò hulu, ne hdà le kgónô le.

Hibru 13:2

Hol gel hnódó ye ke wen tau milo sut bélê ye. Deng wen se tau mò du, bede là tngónen du yóm hnódóhen, anì monem, hógów Dwata gu bè longit.

Rut 4:1

Lemwót ke Buas kun, mógów ebè yóm gónó le gel stifun bè bak tikeb yóm benwu yó ne bè yó gónón myón. Ominen mton yóm tau tehe monen hol moni bè Ilimélék, yóm tau tehe tulónen ke Rut ne tnabahen, monen, “Ó Wè, mógówi edini kun nam e myón.” Tahu se, mógów ebéléen, ne myón.