Tekang Kbuten 18:8 - Udél Dwata: Gna Kesfasad ne Lomi Kesfasad

⁸ Tikóng deng gotu tógó yóm kdéen, omin Abraham mkay du ebélê le, wen gatas mung du ne wen tsisen, ne mdà klohok le bè yóm igò le mken bè yó laan yóm koyu gónó le nô.

Tekang Kbuten 18:8 Iomraidhean Croise

Tekang Kbuten 18:7

Omin Abraham kendel mlóy etu bè kem safien, néléken yóm ngà safì mabù ne blayen bè yóm tóbóng lówóhen anì kendel tnétéen.

Tekang Kbuten 18:9

Ne wen snólók le bè Abraham, mon le, “Nô se tuha libunem du?” Mon Abraham se, “Nô lem gónô.”

Tekang Kbuten 19:3

Okóm nubug Lat lu ne mung le du ebè gónóen. Yó nmò Lat, hemtifes ken bélê le ne wen mambangen ne kayen bè yó kem tau gdek béléen ne mken le.

Isaya 7:15

Bè yóm deng khulungen hedem yóm ngà yó, són yó lowil yó kem tau són gatas ne tneb.Okóm gu laanen là deng sut yóm kdaw yó, deng sana genlà yó kem dumu tau ne yóm kul benwu yóm lewu kem tau hol geta alì knikoem yó.

Isaya 7:22

angat tey wen gatas nwahen bélê le, botong glukas béléen. Tahu se, yóm dù tau mowil bè benwu ye, són gatas ne tneb mò lowil le.

Kun Snulat Luk 12:37

Hligal le du kul yó kem tau là deng le henga bè yóm kkólen, ne ke deng le eles htifes. Yó tódô tulónu kuy,” mon Jisas, “yóm gónó le mogot yó, angat du tles bud temdof kul. Gotu senseyónen lu, ne henkenen lu.

Kun Snulat Luk 17:8

Kaem yó dé mom mon ye mò du, ‘Nam molob kut dé, moi kut ken anì henkenem o. Hulihi mken he kóm.’

Kun Snulat Luk 24:30

Bè yóm kkól le bè gónô, omin le gotu seyón mken. Ne nwa Jisas yóm mambang, ne mni bè Dwata, ne ominen kembéng du, ne sket benlayen lu.

Kun Snulat Luk 24:43

ne nahen, ne kenen bè yó lem blóng le.

Kun Snulat Jan 12:2

Yóm kkólen ditu, mò le ken béléen mò hódó le du. Lemwót Marta kun, fen tmóbóng smagid ken bélê le. Ne fen mung seyón ke Jisas mken ke Lasarus.

Kul Nmò 10:41

Okóm là tódô óyô tau du gónón hegfan, són bè yó kem tau deng eles nélék Dwata yóm deng gemtanud du, duhen mi se kem tau deng seyón du mken kogol yóm deng bud klowilen.

Glasya 5:13

Bélê ye kuy, kem dumuhu setwoli, deng tnaba Dwata yu ebéléen anì là bud ye ghesek du ne yó kem hlau Musis. Okóm baluen ke là bud ye ghesek du, hol bê ye abay tódô nmung yóm sidek knóyô lówó ye. Yó dé tles nmò ye, tnóbóng ye kem dumu ye lemwót bè kesbong ye nawa.

Dwata 32:14

Yó kem safì le ne yó kem kambing le, tey wen gatas nwa le bélê le. Hono hyu yó kem ubiha le ne kem kambing le ne kem safì le. Alì hyu yóm halay le ne tey mgélék yóm tifas grép gel ninum le.

Deng Hegfan 3:20

Ngem denge eles mdà ne mbal snolu aut ye. Ke wen tau hmungol du yóm udélu yó, ne ke hotunen o eta, motune se, ne segbóte mken béléen.

Kmukum 13:15

Là kô tngón Manu du ke hógów Dwata gu bè longit yóm dumun stulón yó, yó monen mò du, “Nam na nô bè ni he, na me tmétê béléem ngà kambing.” Mon yó sem hógów Dwata yó, “Yó sen, naw na nô bè ni okóm là kô kenu du yóm tô hkenem do yó. Okóm ke hol henkenem se o, yake tódô hkekebem ne mò dsuem ebè Dwata.”

Kmukum 5:25

Mni béléen él Sisira okóm gatas blayen du lem yóm tukung knóón bè yóm tau hol geta.