Tekang Kbuten 18:5 - Udél Dwata: Gna Kesfasad ne Lomi Kesfasad

⁵ Nahe hemtifes bélê ye mò ken ye anì wen kgis ye bè yóm bud kógów ye kedeng. Tey hyu nawaw nim keslob ye béléu ni. Là hyuhen ke là na ye mken béléu.” Ne mon le se, “Yó sen. Nmoem yóm deng monem.”

Tekang Kbuten 18:5 Iomraidhean Croise

Tekang Kbuten 18:6

Omin Abraham hetlasik mógów elem gónóen ne monen mò ke tuha libunen, “Ó Sara, hetlasiki kut, mahi sotu lata yóm arina alì hyu, nmoem mambang.”

Tekang Kbuten 19:8

Ngem, nitu lu hewà ebélê ye yóm lewu kem ngau hanà sawang libun. Tódô nmò ye bélê le kihu kóyô nmò ye. Okóm bè ni du kem tau nô béléu, béen abay wen nmò ye bélê le, tau le mauy bè gónóu, nofinu lu.”

Tekang Kbuten 33:10

Okóm yó mon Jakub, “Béem mom tô kenbê. Ke deng mulék hyu se nawahem ebéléu, henmóyóem sen yó kem basahu kóm yó. Bè yóm ktonu lem uyóhem ni, hol lómón ke deng tonu lem uyó Dwata lemwót bè yóm tey kehyu yóm nmoem béléu ni.

1 Bok Kem Tau Hol Geta 17:11

Ne bè yóm igoen tolo ma él yóm libun bolu yó, yó bud tabahen huli du, monen, “Miti do ke wen mambangem kut bè yó.”

Kem Lingón 104:15

Wen se mò gónó le ma tifas grép mò ninum le mò hefligal kul. Ne wen se gónó le ma hnolo ulib mò lunol le bè lówó le. Ne wen se mò gónó le ma ken mò hekgis kul.

Matyu 6:11

Benlayem mi sfeng ken me ket haya.

Kmukum 13:15

Là kô tngón Manu du ke hógów Dwata gu bè longit yóm dumun stulón yó, yó monen mò du, “Nam na nô bè ni he, na me tmétê béléem ngà kambing.” Mon yó sem hógów Dwata yó, “Yó sen, naw na nô bè ni okóm là kô kenu du yóm tô hkenem do yó. Okóm ke hol henkenem se o, yake tódô hkekebem ne mò dsuem ebè Dwata.”

Kmukum 6:18

Hol béi tagad mulék nahem nangat ou, wen blayu kóm.” Mon Dwata se, “Yó sen, nahu na nangat uu.”

Kmukum 6:19

Tahu se, kendel mulék ebè gónóen Gidyun, ominen tmétê sotu ngà kambing ne wen dô sfolò kilu arina nmoen mambang, yóm mambang laen dù bulung henoken. Lemwót yóm utón tnógóhen suen lem abì ne fen suen lem kuleng yóm sóbówen. Ominen mit du ebè yóm hógów Dwata myón laan koyu ok.