Tekang Kbuten 18:32 - Udél Dwata: Gna Kesfasad ne Lomi Kesfasad

³² Bud mon Abraham, “Hol béi lembut dou, Dwata, olohu bud smólók sulék ne. Kmoen se ke olo tek sfolò tau tonem tedeng nmoen?” Mon Dwata se, “Ke wen sfolò tau tonu tedeng nmoen, là kô genlau du.”

Tekang Kbuten 18:32 Iomraidhean Croise

Tekang Kbuten 18:30

Bud mon Abraham, “Hol béi lembut kut, Dwata, ke bud wen snólóku. Kmoen se ke tek tlu folò tau tedeng nmò le?” Mon Dwata se, “Ke wen tonu tlu folò tau tedeng nmò le, là kô genlau du.”

Tekang Kbuten 18:31

Bud mon Abraham, “Hol bud hnifótem ou, Dwata, bè yóm tendo ksólóku kóm. Kmoen se ke tek olo lewu folò tau tonem tedeng nmò le?” Mon Dwata se, “Ke wen lewu folò tau tonu tedeng nmò le, là kô genlau du yóm syudad yó.”

Tekang Kbuten 44:18

Omin Juda hloni ebè Jusif ne monen mò du, “Ó Sér, ke yóm hyu béléem, wen tô tulónu kóm. Ne béem abay lenbut ou abay se yóm uu hol lómón se yóm Faro wen kfasangen hmatay tau.

Job 33:23

Okóm ke wen hógów Dwata gu bè longit, yóm sotu bè yó kem hilu libu gel hógówen nô bè yó ne ke du mfi du yóm tau yó ne tulónen du yóm hyu mò nmoen,

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Kehewà 32:14

Tahu se, tenles Dwata hendemen, là dog dohò genlaen kul yó kem tauhen.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.

Matyu 7:7

Bud mon Jisas, “Ke wen hni ye bè Dwata, angat guta ye. Ke wen hnebel ye, tódô ton ye. Ke mbal ye gu bak sut, tódô wen hotun kuy.

Ifisus 3:20

Duhen yó, hol gel dóyón tekuy dé Dwata, lemwót bè yóm alì kegbeken bélê tekuy, tey bong he yóm kun kegbek tmóbóng tekuy senta yóm gel hni tekuy béléen, ne senta yóm gel hendem tekuy snéen.

Kmukum 6:39

Yó bud mon Gidyun mò ke Dwata, “Béem lenbut ou, Dwata, sotu duen yóm bud hnihu béléem. Ke yó dum hyu béléem, budi mò do ilô mlan bè nim bul ubiha nii. Hol hékéngem nim bul ubiha nii ne fen héfê amù yóm tonok hilol yóm gónón masà.”