Tekang Kbuten 18:31 - Udél Dwata: Gna Kesfasad ne Lomi Kesfasad

³¹ Bud mon Abraham, “Hol bud hnifótem ou, Dwata, bè yóm tendo ksólóku kóm. Kmoen se ke tek olo lewu folò tau tonem tedeng nmò le?” Mon Dwata se, “Ke wen lewu folò tau tonu tedeng nmò le, là kô genlau du yóm syudad yó.”

Tekang Kbuten 18:31 Iomraidhean Croise

Tekang Kbuten 18:27

Bud mon Abraham, “Olohe tau tonok se do, laen kô dù kwalisu alì smólók kóm.

Tekang Kbuten 18:30

Bud mon Abraham, “Hol béi lembut kut, Dwata, ke bud wen snólóku. Kmoen se ke tek tlu folò tau tedeng nmò le?” Mon Dwata se, “Ke wen tonu tlu folò tau tedeng nmò le, là kô genlau du.”

Tekang Kbuten 18:32

Bud mon Abraham, “Hol béi lembut dou, Dwata, olohu bud smólók sulék ne. Kmoen se ke olo tek sfolò tau tonem tedeng nmoen?” Mon Dwata se, “Ke wen sfolò tau tonu tedeng nmoen, là kô genlau du.”

Matyu 7:11

Balù yóm kuy là kgulit,” mon Jisas, “sana khulung ye bemlay kem ngà ye yóm hyu bélê le. Milud he yóm Mà tekuy bè longit. Ke wen hni ye béléen, angat wen tey hyu blayen kuy.

Matyu 7:7

Bud mon Jisas, “Ke wen hni ye bè Dwata, angat guta ye. Ke wen hnebel ye, tódô ton ye. Ke mbal ye gu bak sut, tódô wen hotun kuy.

Kun Snulat Luk 11:8

Mò kmò ye du de,” mon Jisas, “ke là btiken ebélê ye? Tódô tulónu kuy, anien ke là btiken na a tmóbóng kuy lemwót bè yóm keswè ye, angat btik he yó syan ke là teflok yóm kni ye béléen, ne gotu suen bélê ye yó kem hni ye.

Kun Snulat Luk 18:1

Bud wen hlingón tulón Jisas yó kem gel lemolò du mò gónó le dmalang yóm là ktakas le mni bè Dwata anì là kendelen gel hlóng sidek kegnóm le du.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Hibru 4:16

Duhen yó, bê tekuy abay likò hloni ebè Dwata, yóm gónón hol nô yóm tóbóng. Ke hloni tekuy ebéléen, angat ton tekuy yóm tey kkoduhen tekuy ne yóm tey kun któbóng bè ket kehtóbóng tekuy béléen.