Tekang Kbuten 18:26 - Udél Dwata: Gna Kesfasad ne Lomi Kesfasad

²⁶ Ne yó balà Dwata du, monen, “Ke wen limu folò tau tonu tedeng kmò le bè yó bè Sodom, là kô genlau du yóm syudad yó.”

Tekang Kbuten 18:26 Iomraidhean Croise

Tekang Kbuten 18:17

Ne yó hendem Dwata, “Là gbunihu du bè Abraham yóm nmou bè Sodom ni.

Isaya 10:22

Balù yóm tey kwen yó kem tau Israél nim kmoen ni, lómón kwen le helek bè kilil mohin, okóm là kóen hol wen bélê le bud gesfulék. Angat le gotu meglà yó kem dumu tau Israél ne yó se yóm hol knóón bélê le.

Isaya 19:24

Bè yóm kdaw yó yóm ngà benwu Israél, tódô senged bè benwu Idyip ne benwu Asirya yóm kbegelen ne mlan bè yóm tlu kem benwu yó gónó Dwata tmóbóng yó kem tau bè klamangen benwu.

Isaya 6:13

Baluen ke olon sotu dù tebel bè yóm sfolò kem tauhen, kaem senged snéen angat bud keglà le du yó kem hohon le. Hol lómón ke du yóm tuhod koyu tehe nofok le.” Bede yóm tuhoden yó sal wen uléken, hningónen yóm bud kehgulék Dwata kul yó kem kun tau.

Matyu 24:22

Okóm lemwót bè yóm kkodu Dwata kul yó kem tau deng néléken, yó gónón là hol hegen du yóm alì hlayam yó. Ke hegenen, bà sotu ke wen tau bud mowil te tonok.