Tekang Kbuten 18:25 - Udél Dwata: Gna Kesfasad ne Lomi Kesfasad

²⁵ Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Tekang Kbuten 18:25 Iomraidhean Croise

Tekang Kbuten 18:24

Mò kmoen se ke wen limu folò tau tedeng nmò le menwu bè yó, genlaem kô klamang yóm syudad yó? Là knamaem du kô yóm syudad yó anì mowil yó kem limu folò tau tedeng nmò le nô lemen?

1 Tutul Israél 16:33

Ne yó kem koyu dlag, gotu le hligal semngal bè solu Dwata, yakà angaten kól Dwata mò kmukum yóm klamangen.

2 Tutul Israél 19:7

Dwata dé hol knikò ye, ne hol ten-gama ye yóm nmò ye, abay se bè Dwata kun yóm Dwata hol gónó tekuy mogot, là kóen móyô du yóm kukum là tedengen, ne ke wen nfi ye, ne ke wen gel nwa ye mò wa nawa ye.”

Nihimaya 9:33

Laen kô gónón sidek yóm ktafakem kum, Dwata. Là kóen monol yóm nawahem ebélê me, balù yóm deng kmò me du yóm kenbéem.

Kem Lingón 50:6

Yó heglalag yó kem lafin longit, duhen yóm ktedeng Dwata, yakà du se yóm kmukum.

Kem Lingón 58:11

Yó angat mon yó kem tau, “Tahu se, wen ofol blay Dwata kul yó kem tau tedeng kmò le. Bè ktahuhen, Dwata se fen mit du yóm kukum tedeng bè yó kem tau talak tonok.”

Kem Lingón 7:12

Ke là hegselen yóm tau, yó nmò Dwata, eles gel néhéken sudengen, eles gel bentulen bohohen.

Kem Lingón 75:3

Ke megsinsig tonok, ne gotu le likò yó kem tau, botong le kenkel, ou se hol hbegel du yó kem hehek begel tonok.

Kem Lingón 94:2

Uu se fen kmukum yóm kdéen tau, géhél nem e knukum yó kem tau hegmón. Kukumem kul yóm tafak geblà bè yóm deng nmò le.

Kem Lingón 98:9

bè solu Dwata. Yakà kól Dwata nan e knukum klamang benwu. Knukumen klamang benwu mlan bè ktedengen, ne laen kô dù mtukul nfihen.

Kehedem Tau Tmolok 3:17

Yó hendemu, “Angat wen kdawen knukum Dwata yóm kdéen tau hlanen bè yó kem gel nmò le, tau tedeng nmoen, duhen ke tau sidek nmoen.”

Jirimaya 12:1

Ó Dwata, ke wen klamohu béléem sal tedeng yóm kukumem du. Ni wen snólóku béléem mò knukumem. Moen de kul yó kem tau mò sidek ke tilob kógów klowil le? Moen de ke gel le hligal yó kem tau là tedeng kmò le?

Isikél 18:25

Okóm mom yó udél ye, mon ye, ‘Là kóen tedeng yóm nmò Dwata yó.’ Ó kem tau Israél, hol hnungol ye ou. Là tedengen kô yóm dou nmò? Kaem yó dém kuy nmò yóm là tedengen.

Malakay 3:18

Omin ye yó he mton du yóm gónón stólóng kbalau yóm tau tedeng ne yóm tau gel mò sidek ne gónón stólóng kbalau yóm tau mimón ke Dwata ne yóm tau là mimónen.”

Lista 16:22

Okóm tódô le lemfen bè tonok le Musis ne Aron ne yó mon Musis mò ke Dwata, “Ó Dwata, uu se hlowil yóm kdéen mowil. Ke olohen tek sotu tau yóm mò sidek gotu homong lenbutem kô yóm kdéen tau?”

2 Kurin 5:10

Yakà kdê tekuy du angat mdà bè solu Krays hulin kdaw anì knukumen tekuy. Tódô ket tau angat gmuta du balà yóm tehe deng kun nmò te tonok, ke hyu duhen ke sidek.

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

Hibru 12:23

Hol lómón ke deng tekuy gomong ne bè yó kem gna ngà Dwata deng gsulat bè longit yóm kul boluy, ne deng tekuy gbót ne bè yóm tey kligal le bè yó. Hol lómón ke deng tekuy hloni ebè Dwata, yóm fen kmukum kdéen tau. Lómón ke deng tekuy hloni ebè yó kem kdéen tau hemtahu deng tehe matay, yó kem tau hyu kmò le, kem tau deng baling gulit ni kmoen ni.