Tekang Kbuten 18:19 - Udél Dwata: Gna Kesfasad ne Lomi Kesfasad

¹⁹ Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

Tekang Kbuten 18:19 Iomraidhean Croise

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 12:3

Tey angat któbóngu kul yó kem tau gel tmóbóng kóm, okóm tnafaku yó kem tau hemmulà kóm. Ne mlan béléem gónóhu tmóbóng yóm kdéen tau bè klamangen benwu.”

Tekang Kbuten 17:9

Bud mon Dwata mò ke Abraham, “Dalang se kóm Abraham, hol loloem se kóm yóm senfasad te ni, kkólen bè yó kem angat bólem elem hulin kdaw.

Tekang Kbuten 22:18

Lemwót bè yóm tey kimónem dou, angat wen bè yó kem bólem gónóhu hlan du yóm tóbóngu yóm kdéen but tau talak tonok.”

Tekang Kbuten 35:2

Tahu se, lemwót Jakub ne yó udélen ebè yó kem fes lówóhen ne ebè kdê yó kem tau nô béléen, monen, “Gotu kó ye yóm kdéen dwata lennged lemwót bè tólóng benwu deng nô bélê ye. Dyo ye anì mólós ye ne lesek ye yóm nes mólós mò gónó ye hegfan du tek són Dwata yóm hol nimón ye.

2 Samwél 22:22

Abay se deng lolou yóm kun lan Dwata, ne là kô knogolu du ke tô nmou yóm sidek.

2 Samwél 7:20

Tedu se tô bud dumu udélu ebéléem du, Dwata yóm Dwata hol dandónen geta, yakà deng gotu tngónem du yóm dou kmò, yóm kóm tóbóng lówó.

1 Tutul Israél 28:9

Ne uu, ngau Selumun, yake holi setngón ke Dwata yóm Dwata yó kem fuem. Hol nmoem yóm hmoen kóm Dwata, ne hol hewótem lem but blututem yóm óyóem hol mimón du. Yakà yóm Dwata yó, gotu tonen yóm nô lem hendem yóm ket tau, ne gotu tngónen yóm kdê atulen ne kdê hendemen. Ke hnebelem Dwata, dohò se ktonem du. Okóm ke tebelem, bud laen kô dù tul sónen yóm kdohò yóm kekbéen kóm.

2 Tutul Israél 14:3

Gotu kóhen yó kem gónó demsù ebè yó kem dwata kéng, ne yó kem gónó le tmaba kul. Gotu hlusoken snéen yó kem hehek botu le, ne hofoken hehek yóm dwata libun boluyen Asira.

Nihimaya 9:7

Uu se yóm Dwata hol gónó me mogot tehe mélék ke Abram ne nwitem gu bè syudad Ur, yóm syudad glem lem Babilun ne deng tles boluyem du Abraham.

Job 1:5

Ke sok deng yóm kdaw gel kmò le ken, yó gel nmò Job gotu hfangayen lu anì nan e bud hfólós lu. Tódô hlafus btik nan e demsù yóm dsù gel hkekeb le ebè Dwata bè ket yó kem ngaen. Yó gónón mò du yóm yó, abay se hendemen déke wen sotu bélê le deng wen gónóhen gemsalà bè Dwata ne deng wen gmon le sidek eta Dwata, yóm là lenbù le du. Ni se yóm tendo gel nmò Job bè yó kem ngaen.

Kem Lingón 1:6

Bong yó kem tau tedeng kmò le, tendo gel sen-galak Dwata lu ne nofinen lu. Bede yó kem tau gel mò sidek, deng le golu elem hatay ne.

Kem Lingón 11:4

Okóm yóm Dwata, nô bè yóm kun Gónô hol mólós. Ditu bè longit gónón myón kmamal. Ditu gónón lemwót temngel yóm kdéen tau, tey keheklol ketngelen kul.

Kem Lingón 34:15

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.

Kem Udél Hlalak Tehe Selumun 22:6

Eles hdalang yóm ngà yóm kmò kwiten du hyu yóm kun kmò ne sok deng malay knawahen là kô gkóhen du.

Amus 3:2

“Bè kdê yó kem kmuleng talak tonok tek sónen yu yóm dou nélék. Yó gónóm mon là kô gbeku du ke là tnafaku kuy bè kdê yó kem sidek gel nmò ye.”

Matyu 25:17

Ne bud lemwót se kun yóm mogot lewu libu. Ngangen hból yóm kun efet bud lewu libu se uléken.

Kun Snulat Jan 10:14

Ou se,” mon Jisas, “yóm tau hyu kesegyoken ubiha. Gotu tngónu yó kem dou ubiha ne tngón le se ou kul,

Kun Snulat Jan 21:17

Bud mon Jisas mò ke Pitér bè getluhen dulék, monen, “Ó Simun, ngà Jan, bong nawahem dou kô?” Tô muni nawa Pitér abay se deng tlu dulék Jisas smólók du. Ne mon Simun se kun, “Tódô gotu tngónem se yóm kdéen, Sér. Tngónem se yóm kbong nawahu kóm.” Bud mon Jisas se, “Sen-gyokem dou sen ubihahu.

Kul Nmò 27:31

Okóm mon Pol mò yóm kfitan ne yó kem sendaluhen, monen, “Ke tô le hewà yó kem tau mit kafal, laen kô na a mowil bélê ye.”

Ifisus 6:4

Ne yu kem tuha, bê ye abay nmò yóm gónó le lembut yó kem ngà ye. Okóm lemwót bè yóm deng kehtahu ye, hninggel ye hmau kul ne tmolok kul.

Dwata 32:46

“Hol sù ye lem hendem ye yóm kdê udél Dwata toloku kuy kemdaw ni. Hol gel sensulit ye tmulón du bè yó kem ngà ye anì hol le hteneb mimón du.

1 Timuti 3:12

Yóm tau tô tmóbóng bè simbahan, là demweyen, ne hulung mit yó kem ngaen ne yó kem dumu fes lówóhen.

2 Timuti 1:5

Gel gbel lem nawahu yóm kóm kehtahu, là olon nô te kulit. Lómón yó se yóm tonu bè kun kehtahu yóm béhem Luwis, ne bè kun kehtahu yóm yéem Yunis. Ne ni se yóm bud tonu béléem ni.

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”

2 Timuti 3:15

Hentulónem nawa yóm deng dnalangem bè Sulat Dwata lemwót bè yóm hanà kudiem. Yó se gónóm temngón du yóm kehewà Krays Jisas kóm gu lem hatay mlan bè yóm kehtahuhem béléen.

Juswa 24:15

Ke là móyô ye lemolò du, hol eles nélék ye kemdaw ni ke dwata du de yóm lolò ye, yó kem kul dwata kéng tehe gel tnaba yó kem tehe fù ye nô sentu Él Yufratis, duhen ke yó kem dwata kul gel tnaba yó kem tau Amurayt yóm tehe fun yóm tonok gónó ye nô ni. Bong béléu dou ne yó kem fes lówóhu, tódô henlós me lemolò ke Dwata yóm sana Dwata hol gónó mogot.”

Kmukum 13:12

Ne yó mon Manu mò du, “Ke deng tahu se yóm monem, tedu se hlolò me du yóm ngà logi sut yó? Tedu se angat nmoen?”