Tekang Kbuten 18:16 - Udél Dwata: Gna Kesfasad ne Lomi Kesfasad

¹⁶ Kewót le bè yó, yó kem tau yó koni, hlós le ebè yóm gónón gedwóng etu bè yóm syudad Sodom. Mung kul Abraham, nan e tolok kul yóm lan etu.

Tekang Kbuten 18:16 Iomraidhean Croise

Tekang Kbuten 18:15

Lemwót bè yóm klikò Sara, yó gónón hmalà yóm kkulihen, monen, “Là kóe kmuli dou.” Ne yó mon Dwata, “Kaem kmulihi koni.”

Tekang Kbuten 18:2

Ne yó nmoen, temngel ebè lewà, tódô wen tonen tlu kem tau mdà bè yó. Bè yóm ktonen kul, tódô kendel mdà ne hetlasik mógów ebélê le ne tódô hegdufok ebè tonok bè solu le.

Tekang Kbuten 18:22

Omin le lemwót yó kem lewu tau, mógów le etu bè Sodom, ne fen tebel likót bè Abraham ke Dwata.

Tekang Kbuten 19:1

Deng móyón kifu ne bè yóm kkól le bè Sodom yóm lewu kem hógów Dwata yó. Lemwót Lat, tolo myón bè bak tikeb yóm syudad yó. Unihen mton kul, tódô henmung mdà senlongen lu. Tódô hegdufok ebè tonok bè solu le

Kul Nmò 15:3

Tahu se, hewót le lu le Pol yó kem tau hemtahu bè Antyok. Bè yóm kógów le, mlan le bè prubinsya Funisya ne Samarya. Ket benwu gónó le slob, gel tulón le yóm deng kehtahu le bè Dwata yó kem tau là Ju le. Ya tey kligal le yó kem tau hemtahu bè yóm kungol le du yóm tulón le ni.

Kul Nmò 20:38

Yó gónón alì sidek kegnóm le du, abay se yóm kmon Pol du, “Sónen ni ne kton ye lem uyóhu.” Glok le momung ke Pol ebè yóm kafal gónón smakay.

Kul Nmò 21:5

Okóm timbow deng hto yóm buteng me lemwót, tódô me bud lemwót. Glok le gotu mung kum ebè kilil mohin yó kem tau hemtahu bè yó, balù yó kem tuha libun le ne yó kem ngà le. Ne gotu me mtud bukol bè kilil mohin, mni me bè Dwata.

Sulat Pol Ebè Yó Kem Tau Hemtahu Bè Rom 15:24

Tóe hlós ebè Spén, yóm benwu kem Kestilà, okóm naw hlun slob bélê ye bè yó bè Rom. Sok deng malù gsengel kegnómu du bè yóm kesegbótu bélê ye, yó he kehewót ye do.

3 Jan 1:6

Bè yóm kkól le dini, tey ktulón le du bè simbahan yóm alì kbong nawahem kul. Béem tenflok yóm któbóngem kul bè yóm kógów le. Hol nmoem yóm tóbóng gónón hligal Dwata.