Tekang Kbuten 18:14 - Udél Dwata: Gna Kesfasad ne Lomi Kesfasad

¹⁴ Laen kô dù là gbek Dwata du. Halay hulihen he bud kesfuléku edini ne deng mngà logi ne Sara, hol lómón yóm deng monu koni.”

Tekang Kbuten 18:14 Iomraidhean Croise

Tekang Kbuten 17:16

Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.”

Tekang Kbuten 17:21

Okóm bè yóm ngaem Isak, yóm ngà angat sut gu bè Sara halay hulin, béléen gónóhu hlan du yóm fasadu.”

Tekang Kbuten 18:10

Sotu bélê le mudél, monen mò ke Abraham, “Bè halay hulihen he, bud kesfuléku edini ne deng mngà logi yóm yehenem Sara.” Okóm ke Sara kun, nô tekwang yóm tau mudél yó seblà bè bak dól le, hnilungen yóm kestulón le.

Tekang Kbuten 18:13

Ne mon Dwata mò ke Abraham, “Moen du ke mom knuli Sara, mom monen, ‘Tedu tô kmò kngau du, blaem teye deng tuha.’

Tekang Kbuten 18:15

Lemwót bè yóm klikò Sara, yó gónón hmalà yóm kkulihen, monen, “Là kóe kmuli dou.” Ne yó mon Dwata, “Kaem kmulihi koni.”

Tekang Kbuten 21:1

Ne deng nmò Dwata yóm deng fasaden ke Sara

Tekang Kbuten 21:2

ne mlutut ne mngà logi bè yóm tey deng ktuha Abraham. Sut yóm ngaen logi yó bè yóm deng tehe buteng Dwata du.

2 Bok Kem Tau Hol Geta 4:16

Ne yó mon Ilaysa mò du, “Lómón ni kdaw halay hulin, angati smiwi ngà logi.” Tey ketnga yóm libun yó, monen, “Là, Sér. Béem abay tnulón o kéng, tau Dwata.”

Job 42:2

“Ó Dwata, tngónu uu se yóm gembek mò du yóm kdéen. Laen kô dù tau gembek hemseng du yóm kóm atul.

Kem Lingón 90:13

Kilón de kkóhen yóm kebutem kum? Hol knoduhem mi sen, Dwata, kem tau tóbóng lówóhem.

Kem Lingón 93:1

Dwata se yóm hol dandónen geta mogot klamangen. Yó henged nes leseken, duhen yóm kegetahen ne yóm tey kekgisen. Tey mbegel kehdaen du yóm benwu, là kóen na a sliwo.

Kem Lingón 95:3

Abay se yóm gónó tekuy mogot, du se Dwata hol gembek bè kdéen. Du se hol dandónen geta gembek senta yó kem dwata kéng.

Isaya 50:2

Moen de ke là kenmón le dou yó kem dou tau bè yóm tehe kógówu elem blóng le yóm naw e kehewà kul? Moen de ke là bnalà le dou bè yóm ktabahu kul? Ilóem laen dù kgisu kô lemwà kul? Balù yó hem mohin, gbeku tódô hekti du lemwót bè udélu. Ne yó kem él mlel, gbeku tódô hekti kul anì gotu matay yó kem utón él nô lemen, ne henbalingu benwu là hyu menwu du.

Jirimaya 32:17

“Ó Dwata yóm hol dandónen geta, mlan bè yóm tey kfasangem nmoem longit ne tonok. Laen kô dù là gbekem du.

Jirimaya 32:27

“Ou se yóm sana Dwata hol gónó mogot, yóm Dwata yóm kdéen tau bè klamangen benwu. Laen kô dù là gbeku du.

Danyél 6:20

Timbow kól bè yó, ominen tmaba ke Danyél igò yóm tey ktafa nawan, monen, “Ó Danyél yóm tóbóng lówó yóm Dwata là matayen, gbeken lemwà kóm bè yó kem liyun kô yóm kóm Dwata tendo nimón?”

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.

Sikaraya 8:6

Ni se bud udél yóm Dwata laen dù là gbeken du, monen, Déke bè kuy kehedem du, yu kem dù tau tebel yóm kmoen ni, là dohoen yó kem tulónu kuy yó koni. Okóm béléu do, yóm Dwata laen dù là gbeken du, hol tahu dohò se yóm kdéen ni.

Lista 11:23

Ne yó balà Dwata du yóm udél Musis yó, monen, “Wen kô yóm là gbeku du? Móyón tonem ne ke tahu duhen ke là ni kem monu ni.”

Matyu 14:31

Omin Jisas kendel kemfô du bè sigelen, monen, “Tey udì kehtahuhem nim uu. Moen du ke megewu nawam do?”

Matyu 19:26

Temngel ebélê le Jisas, monen, “Ke bè tau, là gbeken du. Okóm bè Dwata, laen dù là gbeken du.”

Matyu 3:9

Ne bê ye abay tô ken-gel nawa yó dum kesfu ye gu bè yóm tehe Abraham ke yó tô lan ye gewà. Tódô tulónu kuy, balù ni he kem botu ni dé, botong gbek Dwata hembaling du tau mò semfu gu bè Abraham.

Mark 10:27

Temngel ebélê le Jisas, monen, “Ke bè tau, là gbeken du. Okóm bè Dwata, laen dù là gbeken du.”

Kun Snulat Luk 1:13

Okóm yó mon yóm hógów Dwata mò du, “Béi hlikò, Sekariya. Deng gefet bè Dwata yóm gel knihem béléen. Angat mngà logi yóm tuha libunem. Yó angat boluyem du Jan.

Kun Snulat Luk 1:18

Ne mudél Sekariya ebè yóm hógów Dwata yó, monen, “Tedu kmò tô ketngónu du yóm ktahuhen nim tulónem do ni, igou deng tey tuha ne dalang se yóm dou tuha libun?”

Kun Snulat Luk 1:37

Abay se yóm Dwata, laen kô dù là gbeken du.”

Kun Snulat Luk 8:50

Okóm gungol Jisas yóm tulónen, ne monen mò ke Jarus, “Béen tafa nawahem. Tódô hentahuhem ou, ne angat bud mulék hyu he yó tum ngaem.”

Sulat Pol Ebè Yó Kem Tau Hemtahu Bè Rom 4:21

Tey ken-gel nawan yóm kegbek Dwata dmohò du yóm fasaden béléen.

Ifisus 3:20

Duhen yó, hol gel dóyón tekuy dé Dwata, lemwót bè yóm alì kegbeken bélê tekuy, tey bong he yóm kun kegbek tmóbóng tekuy senta yóm gel hni tekuy béléen, ne senta yóm gel hendem tekuy snéen.

Dwata 30:3

ominen yó he bud mulék koduhen kuy yóm sana Dwata hol gónó mogot. Angat niten yu mulék gu bè yó kem benwu gónón deng e semkla kuy ne bud huléken ebélê ye yóm kehyu klowil ye.

Dwata 7:21

Yó gónóm mon, hol bê ye abay hlikò bélê le ni kem tau ni, yakà tendohen nô lem blóng ye yóm sana kuy Dwata hol gónó mogot. Du se yóm Dwata alì gembek, yóm Dwata hol knikò.

Flipay 3:21

Bè yóm angat kesfuléken edini, tenlesen yóm lówó tekuy mahil matay nii, ne heskélen bè yóm kun lówó là matayen. Yóm kegbeken mò du nim ni, bud yó se yóm kegbeken mogot du yóm klamangen.

Flipay 4:13

Laen dù là gbeku du lemwót bè yóm kfasang Krays béléu.

Hibru 11:19

Bè yóm tô kedsù Abraham yóm ngaen, yó hendemen gbek Dwata bud hlowil du balù ke deng matay. Bè ktahuhen, hol lómón ke deng tahu matay yóm ngaen, bede deng bud hlowil Dwata.

Kmukum 13:3

Sotu kdaw wen hógów Dwata gu bè longit sut bè yóm libun yó ne monen mò du, “Balù yóm katilem, okóm angati mlutut ne mngai logi.

1 Samwél 14:6

Yó udél Junatan ebè yóm tau mit klungen, monen mò du, “Géhéli, hnusek te kamfù yó kem Flistin là hemtahu bè Dwata yóó. Là tngónem du déke tnóbóngen tu Dwata. Ke tnóbóngen tu, laen kô dù hemseng du bè yóm kehegmoen kut baluen ke tek sónen tu.”