Tekang Kbuten 18:1 - Udél Dwata: Gna Kesfasad ne Lomi Kesfasad

¹ Bè yóm knô Abraham bè yóm benwu moni bè yó kem koyu lembang nfun Mamri, bud hegfan béléen Dwata. Bè yóm kehegfanen béléen yó, deng gtungu kdaw ne tolo myón bè bak dólen.

Tekang Kbuten 18:1 Iomraidhean Croise

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Tekang Kbuten 13:18

Tahu se, bud nili Abram kamfuen, ne ditu gónón nô moni bè yó kem koyu lembang bè Mamri lem benwu Hibron. Ne bè yó gónóhen bud semsodò yó kem botu mò gónón demsù ebè yóm sana Dwata hol gónó mogot.

Tekang Kbuten 14:13

Okóm wen sotu tau lemwót bè yó mlóy etu bè Abram ne gotu tulónen du yóm kdéen. Yóm Abram ni tau Hibru, yóm menwu moni bè yó kem koyu lembang nfun Mamri yóm tau Amurayt. Yóm Mamri ni, wen lewu dumuhen setwoli logi boluy le Iskol ne Anér, hono kem kun dumu sofin Abram.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 17:22

Timbow deng kudél Dwata ebè Abraham, ominen tmagak du.

Tekang Kbuten 18:22

Omin le lemwót yó kem lewu tau, mógów le etu bè Sodom, ne fen tebel likót bè Abraham ke Dwata.

Tekang Kbuten 20:1

Kewót Abraham bè yó, subô ebè Négéb, ne nahen hlun nô bè yó bè yóm benwu boluyen Girar, yóm benwu nô bè blóng benwu Kadis ne yóm benwu Sur.

Tekang Kbuten 26:2

Yó gónó Isak mógów ebéléen, abay se deng hegfan béléen Dwata ne deng monen mò du, “Ó Isak, béi abay mógów ebè Idyip na a mebel ken ditu. Tódói nô bè ni bè Kanan yóm benwu gónóhu hemsù kóm.

Tekang Kbuten 35:27

Kewót Jakub bè yó mulék ebè maen Isak bè Mamri, yóm benwu moni bè Hibron. Yó se yóm benwu hol kul gónó menwu le Abraham ne Isak.

Tekang Kbuten 48:3

Yó monen mò ke Jusif, “Ó Ngà, yóm tehe knóu bè Lus bè benwu Kanan, hegfan béléu yóm Dwata laen dù là gbeken du ne wen oluhen dou.

2 Tutul Israél 1:7

Bè yóm kifu yó hegfan bè Selumun Dwata, bede hlanen bè knahen ne snólók Dwata, “Tedu de nóyóem? Mnihi béléu ne angat blayu kóm.”

Kehewà 4:1

Ne yó bud balà Musis ke Dwata, monen, “Mò kmoen se ke là dog hentahu le dou yó kem tau Israél ne ke là hnungol le du yóm angat tulónu kul? Mò kmoen se ke henkéng le yóm deng kehegfanem béléu ni.”

Kul Nmò 7:2

Omin Stéfén malà du, monen, “Yu kem dumuhu setwoli ne kem mau, hol hnungol ye nim tulónu kuy ni. Yóm hanà tehe yu he ekni, tódô hegfan ebè yóm fù tekuy Abraham yóm Dwata hol geta bè kdéen. Bè yóm kudél Dwata ebéléen yó, tolo nô bè Misuputamya he Abraham, là dengen mili ebè Haran.

Hibru 11:9

Bè yóm deng kkól le bè yó, lemwót bè yóm kehtahuhen bè Dwata, hol lómón ke olon tau milo bè yóm benwu deng fasad Dwata du yó. Là mdengen kbenwu le. Tódô gel nwit le mógów yóm gónó le nô, senged se ke tehe Isak, yóm ngaen, ne yóm tehe téméen Jakub. Deng le gotu gomong snéen kul bè yóm benwu fasad Dwata ke Abraham.

Hibru 13:2

Hol gel hnódó ye ke wen tau milo sut bélê ye. Deng wen se tau mò du, bede là tngónen du yóm hnódóhen, anì monem, hógów Dwata gu bè longit.

Juswa 5:13

Bè yóm igò Juswa móyón gdofì bè Jiriku, tódô kento tonen yóm tau mdà bè soluhen mogot sudeng. Omin Juswa hloni ebéléen ne snólóken, monen, “Tmau kóm de? Uu kô sotu bè yó kem sendalù me duhen ke hohon me?”