Tekang Kbuten 17:8 - Udél Dwata: Gna Kesfasad ne Lomi Kesfasad

⁸ Nim tonok hanà tolo gónóm milo ni, blayu kóm ne bè yó kem sfuhem. Nim klamangen benwu Kanan ni, yó kem sfuhem funen ne laen kô dù sónen yóm kfun le du. Ne bud ou se hol kul Dwata.”

Tekang Kbuten 17:8 Iomraidhean Croise

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Tekang Kbuten 13:15

Yó se gónón e són matahem blayu kóm ne bè yó kem semfu gu béléem. Laen sónen yóm kfunem du.

Tekang Kbuten 13:17

Yó ne, lemwóti, bniwelem klamang nim tonok ni abay se gotu blayu kóm yóm klamangen.”

Tekang Kbuten 23:4

“Nim knóu lem blóng ye, olohe tau milo ebélê ye. Ke hyu bélê ye, hebli ye ou tonok mò gónóhu lembeng ke tuha libunu.”

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”

Tekang Kbuten 28:4

Dwata he hol tmóbóng kóm kkólen bè yó kem angat lugodem, lómón yóm tehe któbóngen ke téméem Abraham. Yóm benwu Kanan gónóm lemnok ni, uu he angat gemwa du, yakà tehe blay Dwata du ke téméem Abraham ekni.”

Tekang Kbuten 35:27

Kewót Jakub bè yó mulék ebè maen Isak bè Mamri, yóm benwu moni bè Hibron. Yó se yóm benwu hol kul gónó menwu le Abraham ne Isak.

Tekang Kbuten 36:7

Là hyu kesetnù le, yakà teyen wen yó kem ógóf nfun le ne là kóyówen bélê le yóm tonok bè yó.

Tekang Kbuten 37:1

Tódô khenek Jakub bè benwu Kanan bè yóm benwu tehe maen.

Tekang Kbuten 48:4

Yó udélen ebéléu, monen, ‘Angat hwenu ngaem anì dê but tau semfu gu bélê le. Nim tonok ni, blayu kul ne laen dù tul sónen yóm kfun le du.’ ”

2 Samwél 23:5

Deng nélék Dwata yóm dou fes lówó. Yakà deng wen fasaden do, yóm fasad laen dù sónen, fasad mdengen, lelen wen hgeten. Tendo knudung Dwata o anì laen dù hemenu, ne anì wen gónón e kól yó kem nmou.

1 Tutul Israél 16:18

Yó tehe fasaden kul, monen, “Blayu kuy yóm benwu Kanan mò hol kuy nfun.”

Kem Lingón 103:17

Okóm bè yó kem tau wen klikò le ke Dwata, laen kô dù sónen yóm kbong nawa Dwata kul. Balù hilu bud lugod le, yó ne yóm kehyu nawan ebélê le

Kem Lingón 105:11

Yó tehe fasaden kul, monen, “Blayu kuy yóm benwu Kanan mò hol kuy benwu nfun.”

Kem Lingón 105:9

Ni se yóm deng tehe senfasad le Abraham. Ne bud yó se fasaden ke Isak snéen yóm ngà Abraham.

Kehewà 32:13

Hendemem dé yóm tehe fasad mget nmoem bè yó kem tau tehe tóbóng lówóhem ekni le Abraham ne Isak ne Jakub. Yó tehe fasadem kul, laen dù tul sónen yóm keblayem kul ból lómó kwen le blotik bè longit ne yóm angat keblayem du bè yó kem ból le yóm tonok mò hlós nfun le.”

Kehewà 40:15

Ominen yó, tenwélem hnolo ta kulu le lómón yóm ketwélem ke mà le anì baling le mò blóng tau ebéléu se kul. Nim ketwélem kul ni mò ilô yóm klaen dù sónen yóm keseblóng yó kem lugod le ebéléu.”

Kehewà 6:4

Tehe wen senfasad me. Yó fasadu kul, duhen yóm keblayu du kul yóm benwu Kanan yóm benwu tehe gónó le e milo.

Kehewà 6:7

Nmou yu mò hol dou tau ne ou se hol kuy Dwata. Angat tngón ye ou yóm sana kuy Dwata hol gónó mogot bè yóm angat kehewau kuy bè Idyip, yóm benwu gónó ye ghesek.

Jirimaya 25:5

Yó tendo mon Dwata mò kuy, ‘Knogol ye ne yóm sidek gel lolò ye ne yóm sidek gel nmò ye, anì yó gnô ye ta yóm tonok deng blayu kuy dalang se ebè yó kem tehe fù ye mò hlós nfun ye efet kól bè sónen.

Jirimaya 31:1

Yó udél Dwata, monen, “Angat kól yóm kdawen bud ou se Dwata nulék yóm kdéen sfu Israél ne lu se yó kem dou tau.

Isikél 33:24

“Ó Tau Tonok, yó tendo udél yó kem dù tau menwu bè yó kem syudad deng gbà bè Juda, mon le, ‘Tek sotuhen se kun yóm Abraham. Baluen ke tek sónen du, béléen gónó Dwata bemlay du yóm klamang tonok. Ne ni, deng tekuy baling dê, yake blayen tekuy yóm tonok ni mò nfun tekuy.’

Hlolò 16:34

Ni kem hlolò Dwata ni, laen kô dù sónen yóm klolò le du. Yó kem tau Israél, là hyuhen ke là gotu lolò le du yó kem hlolò Dwata kul yó mò mkó salà le. Ket halay le mò du bede olon sulék. Tahu se, gotu nmò Musis yóm kdê hmò Dwata du yó. Là gomongen bè nili yóm tsaptér 17 kól bè tsaptér 18. Yó tulónen yóm nmò hol kenbê Dwata bè yó kem tau Israél anì mólós ktonen kul, duhen yóm là kken le litô ne bê le muget.

Sikaraya 8:8

Bud nwitu lu semfulék anì nô le bè ni bè Jirusalim. Lu se yó kem dou tau ne ou se kul Dwata. Là kóen na a monol yóm nawahu ebélê le ne angat hono tedeng yóm nmou bélê le.

Lista 25:13

Yó fasadu du, là kóen hotok yóm gel keseblóngen tau ebè Dwata, dalang se yó kem angat lugoden. Yó gónóhu mò du nim ni abay se tey sidek kekbéen du ke wen dumu dwata lennged hentahu yó kem tau Israél. Ne lemwót bè yóm deng kkóhen du yóm sidek bè yó kem tau Israél, wen lanu hmifót salà le.”

Lista 27:12

Yó udél Dwata ebè Musis, monen, “Mnegedi eta tfusù yóm bulul Abarim, tenngelem bè yó tahen yóm tonok blayu yó kem tau Israél.

Kul Nmò 7:5

Okóm yóm benwu gónó Dwata e hili ke Abraham ni,” mon Stéfén, “balù udì ke wen tonok blayen du ke mò hol kun. Okóm deng fasad Dwata du yóm klamangen, dalang se yó kem semfu gu béléen. Okóm yóm kdaw kfasad Dwata du ke Abraham nim ni, laen kô deng ngà Abraham he.

Dwata 26:18

Kemdaw ni deng henmóyô Dwata yu mò hol kun tau, lómón yóm deng fasaden kuy. Yó hloloen kuy, hol nimón ye yóm kdê hlauhen.

Dwata 32:49

“Lemwóti ne Musis, mógówi etu bè yó kem bulul bnoluy le Abarim bè benwu Muab, yó kem bulul sfatà syudad Jiriku. Ke dengi kól ditu, mnegedi eta Bulul Nibu. Bè yó tahen tenngelem eta yóm benwu Kanan móyón blayu yó kem tau Israél.

Dwata 32:8

Yó nmò yóm Dwata hol geta bè kdéen, wen mdengen benwu blayen bè ket bung tau talak tonok. Tódô eles hendemen yóm knóón bang gónó le nô yóm kdê le. Eles hendemen se yóm benwu geblà bè yóm kwen yó kem tau Israél.

Dwata 34:4

Omin Dwata mon du mò ke Musis, “Ni se yóm tonok tehe fasadu ke Abraham ne Isak ne Jakub mò angat blayu bè yó kem sfu le. Olohu hton du kóm tahen yóm tonok tu okóm là heflósu kóm etu.”

Dwata 4:37

Lemwót bè kbong nawahen yó kem fù ye, yó gónón mélék kuy mò kun tau. Ne mlan bè yóm tey kegbeken tódô du tehe mit kuy hewà gu bè Idyip.

Dwata 9:5

Là kô yó du gónó Dwata hemlus du kuy nim tonok ni ke mlan bè kehyu kmò ye ne bè kmò ye yóm tedeng. Yó dé gónón mlo kul lemwót bè yóm tendo kmò le sidek ne lemwót bè yóm tehe fasaden yó kem tehe fù ye le Abraham ne Isak ne Jakub.

Hibru 9:15

Yó gónóhem mon, Krays se yóm lomi lan deng nmò Dwata mò lan tekuy hloni ebéléen. Yó gónón mò du anì kdê yó kem tau deng tnaba Dwata, gotu ton le yó kem hyu tehe fasad Dwata kul, yóm hyu laen kô tul sónen. Hol tahu dohò nim ni, abay se deng wen fen matay. Yóm katayen yó, gotu lenwaen yó kem tau bè yó kem sidek tehe gel nmò le bè yóm tehe klolò le yó kem gna hlolò le kul.

Juswa 1:2

“Deng matay Musis, yóm tóbóng lówóhu. Yó gónóm mon, uu se tles mit kul yóm kdéen tau Israél na ye e nifal yóm Él Jurdan, mógów ye etu bè yóm tonok blayu kuy.

Deng Hegfan 21:7

Yóm tau gel matù bè yó kem sidek gel sut, ou se baling kun Dwata, ne du se baling dou ngà.