Tekang Kbuten 17:7 - Udél Dwata: Gna Kesfasad ne Lomi Kesfasad

⁷ Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Tekang Kbuten 17:7 Iomraidhean Croise

Tekang Kbuten 15:18

Bè yóm igoen mton du yóm yó koni, tódô gungol Abram yóm fasad Dwata du, monen, “Yó fasadu kóm, angat blayu bè yó kem bólem yóm klamang yóm tonok ni, lenwóten ditu bè kilil Idyip efet kól ditu bè Él Yufratis,

Tekang Kbuten 17:13

Tódô kdéen ngà logi bélê ye gotu tnulì ye lu. Ni se ilô bè lówó ye mò gónón gfan yóm klaen dù sónen yóm deng kesfasad te.

Tekang Kbuten 17:19

Okóm yó balà Dwata du monen, “Là. Angat wen hol ngà ye logi Sara ne yó boluyem du Isak. Béléen gónóhu hlan du yóm deng senfasad te laen dù tul sónen ni, kkólen bè yó kem angat semfu gu béléen. Ni se yóm hol fasad laen kô dù tul sónen.

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Tekang Kbuten 6:18

Okóm béléem, wen fasadu kóm là kô homongu kóm. Angat nitem elem yóm kafal nmoem yehenem ne yó kem ngaem logi ne yó kem towuhem.

Tekang Kbuten 9:16

Ke sok gel gfan bè lobun yóm léwés, tonu se dou ne yó mò gónóhu hemtulón du nawa yóm deng fasadu ebè yóm kdéen mowil talak tonok, yóm fasad laen dù sónen.

2 Samwél 7:24

Ne deng hbegelem yó kem tauhem Israél mò hol kóm nfun ne laen dù tul sónen, ne deng uu se baling hol kul Dwata.

1 Tutul Israél 16:14

Dwata se yóm hol gónó tekuy mogot. Gfan bè klamangen benwu yóm kmò kogoten tau.

Kem Lingón 81:10

Yakà ou du yóm sana kuy Dwata hol gónó mogot, yóm deng lemwà kuy gu bè benwu Idyip. Hol ye mnanga anì naw hol henken yu.

Kehewà 3:15

Tulónem yó kem tau Israél ou se yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Ou se yóm hógów kóm ebélê le. Yó se yóm dou boluy efet kól bè laen dù tul sónen. Yó se yóm angat bud gel taba le do yó kem lugod le elem hulin kdaw.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Kehewà 6:4

Tehe wen senfasad me. Yó fasadu kul, duhen yóm keblayu du kul yóm benwu Kanan yóm benwu tehe gónó le e milo.

Kehewà 6:7

Nmou yu mò hol dou tau ne ou se hol kuy Dwata. Angat tngón ye ou yóm sana kuy Dwata hol gónó mogot bè yóm angat kehewau kuy bè Idyip, yóm benwu gónó ye ghesek.

Isaya 61:8

Yó udél Dwata, monen, “Hol nóyóu yóm kukum tedeng ne alì kenbéu yóm tau gel hemgnok kem dumuhen ne yóm gel mulé udin. Angat dohò keblayu kul ofol yó kem dou tau. Ne wen senfasad me, yóm fasad laen kô dù sónen.

Jirimaya 31:1

Yó udél Dwata, monen, “Angat kól yóm kdawen bud ou se Dwata nulék yóm kdéen sfu Israél ne lu se yó kem dou tau.

Mika 7:20

Angat hol hegfanem bè yó kem kóm tau yóm là konol nawam ebélê me ne yóm tey kbong nawahem kum, lómón yóm deng tehe fasadem bè yó kem tehe fù me ekni le Abraham ne Jakub.

Matyu 22:32

‘Ou se sana kul Dwata le Abraham ne Isak ne Jakub.’ Bè yóm udél Dwata yó gónó ye temngón du yóm deng bud kehlowil Dwata kul. Abay se yóm Dwata, du se Dwata yó kem mowil, là bè yó kem là mowilen.”

Mark 10:14

Timbow ton Jisas nim nmò le ni, botong lenbuten lu, monen mò kul, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.

Kul Nmò 2:39

Yakà deng tehe fasad Dwata du tekuy se ekni, dalang se ebè yó kem angat bud lugod tekuy, kkólen bè yó kem dumu tau bè benwu mayuk. Balù kihu tau mimón yóm ktaba Dwata du, yóm Dwata hol gónó tekuy mogot, suen béléen yóm kun Tulus.”

Sulat Pol Ebè Yó Kem Tau Hemtahu Bè Rom 9:4

Lu se kem Ju deng néléken mò kem ngaen. Tehe tódô hegfan lem blóng le mlan bè yóm tey keDwatahen. Dê duléken mò fasad bélê le ne blayen bélê le yóm kun hlau hlanen bè Musis. Tey mtukul ktoloken du kul yóm kmò ktaba le ebéléen. Ne tey dê yóm fasaden kul.

Ifisus 2:2

Bè yóm kdaw yó, tódô lolò ye yóm sidek kul gel nmò yó kem tau là hemtahuhen bè Dwata. Tódô nimón ye Seitan, yóm gónó le kmulu yóm kdéen mtulus gu talak kmawang. Bud du se yóm gel malak yó kem tau là mimón ke Dwata.

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.

Hibru 8:10

Bud mon yóm gónó le mogot, ni se angat nmou bè yó kem tau Israél elem hulin kdaw mò lan le hloni ebéléu. Suu lem hendem le yóm dou hlau, ne bud hnóu lem nawa le snéen. Ne ou se baling kul Dwata, ne lu se baling dou tau.

Kmukum 2:1

Wen hógów Dwata gu bè longit lemwót bè Gilgal mógów etu bè Bukim. Yóm kkólen ditu, yó udélen ebè yó kem tau Israél, monen, “Deng hewau yu gu bè Idyip ne nwitu yu ebè nim tonok tehe fasadu yó kem tehe fù ye. Deng monu mò kuy là gbeku du ke là dnohou du yóm deng senfasad tekuy ditu bè Bulul Sinay.Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.