Tekang Kbuten 17:6 - Udél Dwata: Gna Kesfasad ne Lomi Kesfasad

⁶ Angat tey kehbólu kóm ne wen bè yó kem bólem yó baling tau hol geta. Ne tey kbólem efet tey dê kay but tau semfu gu béléem.

Tekang Kbuten 17:6 Iomraidhean Croise

Tekang Kbuten 13:16

Angat hol hwenu bólem, laen kô dù gembek msó kul yóm kdê le, lómón ke nsóhem kfung te tonok.

Tekang Kbuten 17:16

Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.”

Tekang Kbuten 17:20

Deng gungolu yóm hnihem gbak ebè Ismaél. Yó gónóm mon, nuyagu ne bud hwenu se kun ngà ne yó kem angat semfu gu béléen. Angat du mà yóm sfolò lewu kem tau mogot benwu ne yó kem semfu gu béléen bud nmou sotu but tau alì mbegel.

Tekang Kbuten 17:4

Yó bud mon Dwata mò du, “Yó hol fasadu kóm, uu se angat gónó le menmà yó kem dê but tau talak tonok.

Tekang Kbuten 26:22

Yó bud nmò Isak, bud hlayuk bè yó ne bud mokol dumu kokol. Laen dù bud mled du ne yóm kokol bud nokolen yó. Ne yó boluy Isak du, “Laen dù hemseng kum.” Yó monen, “Deng wen lan nmò Dwata anì laen dù hemseng tekuy bè yóm kut kbenwu bè ni ne gónón angat wen gendeng tekuy.”

Tekang Kbuten 28:3

Yóm Dwata laen dù là gbeken du he hol tmóbóng kóm bè kebelem yehenem ne hol hwenen he bólem, anì yó angati baling mà yóm dê but tau talak tonok.

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Tekang Kbuten 41:52

Yó bud monen, “Deng benlay Dwata ou ngà bè nim benwu gónóhu glayam.” Ne yó gónón moluy du Ifraim yóm gewu ngaen.

Tekang Kbuten 47:27

Deng le tódô menwu bè Gusén ne yó kem tau Israél, yóm benwu snakuf Idyip. Deng tey wen kendengen le bè yó ne deng tey kból le.

Tekang Kbuten 48:3

Yó monen mò ke Jusif, “Ó Ngà, yóm tehe knóu bè Lus bè benwu Kanan, hegfan béléu yóm Dwata laen dù là gbeken du ne wen oluhen dou.

Tekang Kbuten 48:4

Yó udélen ebéléu, monen, ‘Angat hwenu ngaem anì dê but tau semfu gu bélê le. Nim tonok ni, blayu kul ne laen dù tul sónen yóm kfun le du.’ ”