Tekang Kbuten 17:23 - Udél Dwata: Gna Kesfasad ne Lomi Kesfasad

²³ Bè yóm kdaw yó, tódô henmung nimón Abraham Dwata, tnulien Ismaél yóm ngaen ne kdê yó kem logi nô béléen.

Tekang Kbuten 17:23 Iomraidhean Croise

Tekang Kbuten 14:14

Timbow gungol Abram yóm deng kegef le ke Lat, gotu htabahen yó kem kun kwen hulung mit sfatay bè yó bè kamfuen. Yó kwen le, tlu latu bud sfolò wolu. Ne omin le kemtes yóm fat kem tau hol geta megef ke Lat. Ngang le kemtes kul efet le gefet ditu bè benwu Dan.

Tekang Kbuten 17:9

Bud mon Dwata mò ke Abraham, “Dalang se kóm Abraham, hol loloem se kóm yóm senfasad te ni, kkólen bè yó kem angat bólem elem hulin kdaw.

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

Tekang Kbuten 34:24

Tahu se, móyô le, ne gotu le htulì yóm kdéen logi bélê le.

Kem Lingón 119:60

Là kóe tlek hanggà, tódô kendel nimónu yó kem hlauhem.

Kem Udél Hlalak Tehe Selumun 27:1

Béem salù yóm angat nmoem e lem haya, là kô tngónem du ke tedu angat kmoen.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Kul Nmò 16:3

Móyô Pol ke niten Timuti bè yóm kógów le. Yó nmoen, nan tnulì anì là kenbê le du yó kem Ju ke gbol lem blóng le. Abay se tódô kdê le bè yó, gotu tngón le tau Grik yóm maen.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

Glasya 6:15

Laen kô muhen yóm tnulì duhen ke là tnulì du. Yó dé hol bong muhen bè Dwata ke deng nô bélê tekuy yóm lomi klowil lemwót béléen.