Tekang Kbuten 17:21 - Udél Dwata: Gna Kesfasad ne Lomi Kesfasad

²¹ Okóm bè yóm ngaem Isak, yóm ngà angat sut gu bè Sara halay hulin, béléen gónóhu hlan du yóm fasadu.”

Tekang Kbuten 17:21 Iomraidhean Croise

Tekang Kbuten 17:19

Okóm yó balà Dwata du monen, “Là. Angat wen hol ngà ye logi Sara ne yó boluyem du Isak. Béléen gónóhu hlan du yóm deng senfasad te laen dù tul sónen ni, kkólen bè yó kem angat semfu gu béléen. Ni se yóm hol fasad laen kô dù tul sónen.

Tekang Kbuten 18:10

Sotu bélê le mudél, monen mò ke Abraham, “Bè halay hulihen he, bud kesfuléku edini ne deng mngà logi yóm yehenem Sara.” Okóm ke Sara kun, nô tekwang yóm tau mudél yó seblà bè bak dól le, hnilungen yóm kestulón le.

Tekang Kbuten 18:14

Laen kô dù là gbek Dwata du. Halay hulihen he bud kesfuléku edini ne deng mngà logi ne Sara, hol lómón yóm deng monu koni.”

Tekang Kbuten 21:1

Ne deng nmò Dwata yóm deng fasaden ke Sara

Tekang Kbuten 46:1

Bè yóm kewót Jakub ebè Idyip gotu nwiten yóm kdê kimuhen ne nan mlan bè Birsiba. Bè yóm kkólen bè yó, nan demsù ebè Dwata bè yó, yóm Dwata yóm tehe maen Isak.

Tekang Kbuten 48:15

Ominen molu ke Jusif hlanen bè yó kem ngaen, monen, “Yó hem Dwata tehe lolò téméu Abraham ne mau Isak, hol tmóbóng kul ni kem ngà logi ni. Yó hem Dwata tendo malak dou efet nim kmoen ni hol tmóbóng kul.

Job 14:13

Ó Dwata, hol kóyóu dé ke bnosem o bè benwu yó kem tau deng matay. Hol bnosem o efet deng gotu mkó yóm kebutem do. Okóm hol eles hnutusem do yóm kdaw bud kehedemem do.

Kehewà 2:24

Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Kun Snulat Luk 1:55

Deng tey kkoduhen ke Abraham ne yó kem semfu gu béléen, ne laen kô dù sónen yóm kkoduhen tekuy.”

Kun Snulat Luk 1:72

Tehe tulónen yóm kkoduhen kul yó kem tehe fù tekuy, là kô nan e klifót du yóm tehe deng fasaden kul.

Kul Nmò 1:7

Bnalà Jisas lu, monen, “Deng eles tngón Mà yóm kdawen mò du bélê ye yóm snólók ye yó, abay se tek sónen du yóm wen kwalisen mò du. Laen dù tagad kuy hentngón du he.

Sulat Pol Ebè Yó Kem Tau Hemtahu Bè Rom 9:9

Ni se yóm tehe mon Dwata bè yóm fasaden ke Abraham, monen, “Halay hulin bude mógów edini ne angat mngà logi Sara, yóm tuha libunem.”

Glasya 3:29

Ke deng nfunen yu Krays, henged ye deng semfu gu bè Abraham ne, ne wen se kuy du yóm tehe fasad Dwata du ekni.

Hibru 11:9

Bè yóm deng kkól le bè yó, lemwót bè yóm kehtahuhen bè Dwata, hol lómón ke olon tau milo bè yóm benwu deng fasad Dwata du yó. Là mdengen kbenwu le. Tódô gel nwit le mógów yóm gónó le nô, senged se ke tehe Isak, yóm ngaen, ne yóm tehe téméen Jakub. Deng le gotu gomong snéen kul bè yóm benwu fasad Dwata ke Abraham.