Tekang Kbuten 17:20 - Udél Dwata: Gna Kesfasad ne Lomi Kesfasad

²⁰ Deng gungolu yóm hnihem gbak ebè Ismaél. Yó gónóm mon, nuyagu ne bud hwenu se kun ngà ne yó kem angat semfu gu béléen. Angat du mà yóm sfolò lewu kem tau mogot benwu ne yó kem semfu gu béléen bud nmou sotu but tau alì mbegel.

Tekang Kbuten 17:20 Iomraidhean Croise

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 21:13

Senged snéen yóm kun ngà yóm libun hesek, angat tey kehbólu du ne yó kem bólen yó angat le baling sotu but tau se kul. Yakà ngaem du se kun.”

Tekang Kbuten 21:18

Mdai dé, nam e bentik yóm ngà, henyuhem stulón du. Angat tey kehbólu kul yó kem semfu gu béléen, ne baling le sotu but tau alì mbegel se kul.”

Tekang Kbuten 28:3

Yóm Dwata laen dù là gbeken du he hol tmóbóng kóm bè kebelem yehenem ne hol hwenen he bólem, anì yó angati baling mà yóm dê but tau talak tonok.

Kem Lingón 107:38

Tey któbóng Dwata yó kem kun tau, ne tey kehbólen kul. Balù yó kem ógóf le, laen kô mtón bélê le.