Tekang Kbuten 17:17 - Udél Dwata: Gna Kesfasad ne Lomi Kesfasad

¹⁷ Tódô bud hegdufok ebè tonok Abraham. Okóm mom knulihen, yó hendemen, “Là kóen bud mngà ne yóm tau deng lematu halayen. Sélétem mom tô Sara ne igoen deng syóm folò halayen.”

Tekang Kbuten 17:17 Iomraidhean Croise

Tekang Kbuten 17:18

Ne yó bud monen mò ke Dwata, “Yake bè Ismaél dé gónóm hlan du yóm fasadem dou.”

Tekang Kbuten 17:3

Tódô hegdufok ebè tonok Abram.

Tekang Kbuten 18:11

Bè yóm kdaw yó, deng le tey tuha ne le Abraham lewu le Sara, lelen deng teflok yóm kwen hen-gifat Sara.

Tekang Kbuten 18:12

Yó gónó Sara gkuli tek sotu, hendemen, “Tedu tô kmò kngau du, blaem teye deng tuha, dalang se kun yóm tuha logihu.”

Tekang Kbuten 21:5

Deng lematu ne halay Abraham bè yóm ksut Isak.

Tekang Kbuten 21:6

Yó mon Sara, “Deng hefligal Dwata ou ne deng hkulihen ou. Yóm kdê tau mungol du nim ni angat le mung hligal kmuli béléu.”

Tekang Kbuten 21:7

Ne yó bud monen, “Bè yóm gnan kdaw, laen kô dù tau tô mon du mò ke Abraham angat htutù ngà yóm tuha libunem. Okóm ni deng wen ngau béléen balù yóm tey deng ktuhahen.”

1 Tutul Israél 21:16

Temngel eta Dabid, ne tonen yóm hógów Dwata gu bè longit tódô mdà bè gónón sóól tonok ne longit. Wen sudeng ayayen eta Jirusalim. Yó nmò Dabid ne yó kem dumu tau gel malak yó kem tau Israél, lemsek le nes sakù mò gónó le hegfan yóm deng kebà nawa le, omin le lemfen bè tonok.

Job 1:20

Omin Job hebkó mdà, gotu kenséen yóm nes bè lówóhen lemwót bè yóm tey klangagen. Ominen gotu tembulud weken ne tódô lemfen bè tonok bè solu Dwata.

Isikél 1:28

Yóm gu hilolen lómón ke wen léwés mnóng du, hol lómón yóm léwés gel gfan gu lem lobun ke kmulón. Yó se kmoen yóm klóón Dwata hono sminang deng hegfan béléu. Bè yóm ktonu du, botonge gefen bè tonok ne ominu mungol yóm mudél ebéléu.

Danyél 8:17

Yóm igò Gabrél hloni ebè yóm gónóhu mdà, ya tey sidek klikou, botonge gefen bè tonok. Ominen mudél ebéléu, monen, “Ó Ngà Tau, ni hol tennefem. Yó kem deng tonem yó, hnigaden yóm angat kmoen bè hol són kdaw.”

Lista 14:5

Lemwót le Musis lewu le Aron tódô le lemfen bè tonok bè solu yó kem tau mni le bè Dwata.

Lista 16:22

Okóm tódô le lemfen bè tonok le Musis ne Aron ne yó mon Musis mò ke Dwata, “Ó Dwata, uu se hlowil yóm kdéen mowil. Ke olohen tek sotu tau yóm mò sidek gotu homong lenbutem kô yóm kdéen tau?”

Lista 16:45

“Hlayuk ye bélê le ni kem tau nii, na gotu genlà lu.” Tódô le lemfen bè tonok le Musis lewu le Aron ne mni le bè Dwata.

Matyu 2:11

Yóm kkól le bè yó, tódô le husek elemen, ne ton le se yóm ngà lewu le Midi, yóm yéen. Uni le mton du, tódô le henmung mtud bukol klohoken ne ya tey kdóyón le du. Omin le makat yó kem kimu alì mebtes nwit le mò basa le du. Wen se tahu blówónen, ne wen se yóm alì minggel boohen boluyen insinsu ne mira.

Kun Snulat Luk 1:18

Ne mudél Sekariya ebè yóm hógów Dwata yó, monen, “Tedu kmò tô ketngónu du yóm ktahuhen nim tulónem do ni, igou deng tey tuha ne dalang se yóm dou tuha libun?”

Kun Snulat Jan 8:56

Yóm tehe fù ye Abraham,” mon Jisas, “tey kligalen, abay se deng eles tngónen yóm ksutu bè ni lem benwu. Tey kligalen yóm deng ktonen dou dini.”

Dwata 9:18

Ominen yó, bude mneged ebè Dwata ne fat folò butengu lemfen bè soluhen, balù udì ke mkene duhen ke minume. Yó gónóhu mò du yóm yó lemwót bè yóm deng kegsalà ye bè yóm kmò ye du yóm kenbê Dwata ne deng mom hebut ye Dwata.

Dwata 9:25

Yó gónóm mon, botong tehe fat folò butengu lemfen bè solu Dwata abay se deng tulón Dwata dou, deng eles hendemen ne yóm keglaen kuy.

Juswa 5:14

“Là,” mon yóm tau yó. “Ou se kmandér bè yó kem sendalù Dwata.” Tódô lemfen bè tonok Juswa lanen heglaan knóen béléen, monen, “Ó Sér, ou se tau tóbóng lówóhem. Tedu se hmoem dou du?”

Juswa 7:6

Timbow tngón Juswa nim gfà le ni, ya tey sidek kegnómen du dalang se yó kem tau gel malak yó kem tau Israél, botong geksê le nes bè lówó le. Tódô le hegluduk bè tonok bè solu yóm Slungan Fasad. Tódô le lemfen bè yó efet seklewet ne wen kfung sù le ta kulu le mò gónó le hegfan du yóm tey ksidek kegnóm le du.

Deng Hegfan 11:16

Omin le lemwót yó kem lewu folò fat tau tuha myón bè solu Dwata, gotu le lemfen bè soluhen, dóyón le Dwata, mon le,

Deng Hegfan 5:8

Timbow deng nwahen, tódô lemwót yó kem fat mtulus ne yó kem lewu folò fat tau tuha, gotu le hegluduk bè soluhen. Sket kul mogot heglung ne tukung blówón. Yó kem tukung blówón yó, tódô henok lemen yóm alì minggel boohen boluyen insinsu, yóm gel ntem le ebè Dwata. Yóm gel hboo le ebè Dwata yó, yó hnigaden yóm gel kni yó kem kun tau Dwata.

Kmukum 13:20

Yóm igoen dmilóf eta yóm ofi lemwót bè yóm gónô Manu demsù, tódô ton le Manu ne yehenen yóm hógów Dwata yó koni haway etta bè longit, mung bè dilóf ofi efet tódô lana lem mata le. Timbow tngón le hógów Dwata gu bè longit yóm tau yó koni, tódô le hegluduk bè tonok lewu le yehenen. Ne là bud ton le du ne yóm hógów Dwata yó.