Tekang Kbuten 17:16 - Udél Dwata: Gna Kesfasad ne Lomi Kesfasad

¹⁶ Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.”

Tekang Kbuten 17:16 Iomraidhean Croise

Tekang Kbuten 1:28

Ne wen oluhen kul, monen, “Hol ye mból anì tódô tfeng klamangen benwu yó kem angat lugod ye mò kmamal du. Hogotu kuy kentihen mowil lem él ne kentihen gel móyóng te kmawang ne kentihen ógóf nô talak tonok.

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 15:4

Bud gungol Abram yóm udél Dwata ebéléen, monen, “Yóm tau tóbóng lówóhem yó, là kô angat gfunen du kun yó kem kendengenem. Hol kóm ngà logi yóm angat mfun du.”

Tekang Kbuten 17:15

Yó bud mon Dwata mò ke Abraham, “Lenwóten ni, béem bud boluy ke yehenem Saray. Yó tles boluyen Sara.Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.

Tekang Kbuten 17:19

Okóm yó balà Dwata du monen, “Là. Angat wen hol ngà ye logi Sara ne yó boluyem du Isak. Béléen gónóhu hlan du yóm deng senfasad te laen dù tul sónen ni, kkólen bè yó kem angat semfu gu béléen. Ni se yóm hol fasad laen kô dù tul sónen.

Tekang Kbuten 17:6

Angat tey kehbólu kóm ne wen bè yó kem bólem yó baling tau hol geta. Ne tey kbólem efet tey dê kay but tau semfu gu béléem.

Tekang Kbuten 21:1

Ne deng nmò Dwata yóm deng fasaden ke Sara

Tekang Kbuten 24:60

Gu laan Ribika là deng lemwót na le na nolu, mon le, “Ó Ribika, uu se yóm libun angat henbaling Dwata yê yó kem hilu kati tau. Ne yó kem bólem, angat gotu genbà le yóm syudad yó kem hohon le.”

Tekang Kbuten 25:23

Yó mon Dwata mò du, “Yóm bnututem yó, lewu le. Angat wen lewu but benwu tendo sfohon semfu gu bélê le. Kemgis yóm sotuhen, fen là yóm sotuhen. Yóm twogu angat baling tóbóng lówó yóm twoli.”

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Tekang Kbuten 36:31

Lu se yó kem tau hol geta mogot bè Idom yóm gu laanen là deng wen kem tau hol geta mogot bè Israél.

Isaya 49:23

Yó kmò yó kem tau hol geta mogot bè yó kem benwu yó, lómón ke hol ngà le yu. Ne yó kem libun boi yehen le, lómó kmò le ebélê ye lómón ke hol kuy yê. Tey keheglaan le ebélê ye ne tey kadat le kuy. Angat wen lan le hegfan du ebélê ye yóm kadat le kuy. Bè yóm kmò le ebélê ye yó, bè yó gónó ye temngón du ou se yóm Dwata gónó ye mogot. Laen dù tau sidek nawan ke nangaten yóm któbóngu du.

Sulat Pol Ebè Yó Kem Tau Hemtahu Bè Rom 9:9

Ni se yóm tehe mon Dwata bè yóm fasaden ke Abraham, monen, “Halay hulin bude mógów edini ne angat mngà logi Sara, yóm tuha libunem.”

Glasya 4:23

Bè yóm kun keblutut yóm libun hesek, laen dù gónón stólóng se bè yó du kem dumu libun mlutut. Okóm yóm kun keblutut yóm libun là hesek du, tódô lemwót bè yóm fasad Dwata ke Abraham.

1 Pitér 3:6

Lómón yó se tehe nmò tuha libun Abraham ekni, boluyen Sara. Sal gel nimónen yóm tuha logihen, botong tabahen du dou gónó mogot. Ne yu kem libun hemtahu bè Dwata ni kmoen ni, yu se henged kun sfu Sara ke hyu yóm gel nmò ye, ne ke laen kô dù knikò ye bè tuha logi ye.