Tekang Kbuten 17:11 - Udél Dwata: Gna Kesfasad ne Lomi Kesfasad

^11-12 Lenwóten ni, gotu tnulì ye yó kem ngà logi bélê ye deng wolu buteng le sut. Homong ye yó kem kul ngà logi yó kem hesek ye sut lem gónô ye, ne kem ngà logi yó kem hesek benli ye lemwót bè tólóng benwu. Yóm nmò ye ni mò ilô yóm deng kesfasad te.

Tekang Kbuten 17:11 Iomraidhean Croise

Tekang Kbuten 9:12

Nim fasadu kuy ni dalang se bè yóm kentihen mowil talak tonok, hol fasad laen kô dù tul sónen. Ni hol ilóen yóm fasadu kuy ni,

Kehewà 4:25

Yó nmò Sipura yóm tuha libun Musis, ma botu telem mò tulien yóm ngaen logi. Timbow deng ktulien du, ominen kemlé du bè ti Musis yóm kuliten. Bè yóm deng kloloen yóm adat bè kehtulì, yó monen mò ke Musis, “Uu se yóm tuha logihu mlan bè litô.” Lemwót bè yóm nmò Sipura yó gónó Dwata hlowil ke Musis.

Kul Nmò 7:8

Ne wen hlolò Dwata ke Abraham, duhen yóm kehtulì mò ilô yóm deng kesfasad le. Ne tahu se, mngà Abraham, duhen Isak. Timbow deng wolu kdawen sut,” mon Stéfén, “tnulì Abraham yóm ngaen. Ne timbow mngà se ke Isak, duhen Jakub, ne bud tnulì Isak se kun. Timbow mngà se ke Jakub, duhen yó kem sfolò lewu logi, ne bud gotu tnulì Jakub lu. Lu se yó kem tehe fù tekuy alì tótól.

Sulat Pol Ebè Yó Kem Tau Hemtahu Bè Rom 4:11

Deng gegna ne yóm kehtahu Abraham ke Dwata ominen yó he htulì. Hmò Dwata du yóm yó mò ilô yóm deng ktedeng ktonen du lemwót bè yóm deng kehtahu Abraham béléen. Ne duhen yó, lemwót bè yóm kehtahu Abraham ke Dwata, yó gónóhen baling mà kdéen tau hemtahu bè Dwata, baluen he ke là Ju le, ne baluen he ke là tnulì le. Tódô lemwót bè kehtahu le gónón tedeng kton Dwata kul.

Dwata 10:16

Yó gónóm mon, hol hfun ye ke Dwata klowil ye, bê ye abay bud hgel kulu ye.

Juswa 5:3

Tahu se, nmò Juswa yó kem suk lemnek hmò Dwata du yó ne gotu tnulien yóm kdéen logi Israél bè yóm benwu boluy le du Bulul Lemnek Gónó Htulì.