Tekang Kbuten 17:10 - Udél Dwata: Gna Kesfasad ne Lomi Kesfasad

¹⁰ Yó mò kóm hol fasad dou, kdéen logi bélê ye gotu htulì.

Tekang Kbuten 17:10 Iomraidhean Croise

Tekang Kbuten 17:11

Lenwóten ni, gotu tnulì ye yó kem ngà logi bélê ye deng wolu buteng le sut. Homong ye yó kem kul ngà logi yó kem hesek ye sut lem gónô ye, ne kem ngà logi yó kem hesek benli ye lemwót bè tólóng benwu. Yóm nmò ye ni mò ilô yóm deng kesfasad te.

Tekang Kbuten 17:23

Bè yóm kdaw yó, tódô henmung nimón Abraham Dwata, tnulien Ismaél yóm ngaen ne kdê yó kem logi nô béléen.

Tekang Kbuten 17:27

gomong yóm kdê hesek Abraham logi, yó kem sut lem gónóen ne yó kem deng benlihen.

Tekang Kbuten 21:4

Tikóng deng wolu buteng Isak sut, omin Abraham tmulì du, hol lómón yóm deng hlolò Dwata du.

Tekang Kbuten 34:15

Okóm són gónó me móyô kóm, ke ket logi bélê ye, gotu le htulì, lómón yóm kum.

Tekang Kbuten 34:22

Okóm són gónó le móyô nô lem blóng tekuy ne ssotu bélê te ke lolò tekuy yóm hlolò le, duhen ke gotu tekuy htulì yóm kut kwen, lómón yóm kul.

Kehewà 4:25

Yó nmò Sipura yóm tuha libun Musis, ma botu telem mò tulien yóm ngaen logi. Timbow deng ktulien du, ominen kemlé du bè ti Musis yóm kuliten. Bè yóm deng kloloen yóm adat bè kehtulì, yó monen mò ke Musis, “Uu se yóm tuha logihu mlan bè litô.” Lemwót bè yóm nmò Sipura yó gónó Dwata hlowil ke Musis.

Jirimaya 4:4

Kó ye yóm sidek nô lem hendem ye ne yóm sidek nô lem but blutut ye. Ke là nmò ye du yóm yó, yóm kebutu kuy hol lómón ke mkal yóm tey dilóf ofi là gbek tau hmatay du, gotu kenen yu lemwót bè yó kem salà ye.” Là gomongen bè nili yóm bérs 5 kól bè bérs 31. Yó tulónen bè ni kem bérs ni yóm angat kgida yóm sotu benwu bong yóm benwu Israél. Nim benwu bong ni, tey mfasang ne mbegel kem tauhen, benwu nô fi bwak yóm benwu Israél. Bè yóm angat kgida le bè Israél, gotu genbà le yóm benwu le ne gotu negef le yó kem tauhen. Ya tey sidek kegnóm Jirimaya du yóm igoen tmulón du kul yóm angat gfà le yó lemwót bè yóm là kimón le ke Dwata. Là gomongen bè nili yóm tsaptér 5. Yó tulónen bè nim tsaptér ni yóm kdók Jirimaya yó kem tau anì mebel le bè klamang yóm syudad Jirusalim ke wen sotu tau ton le tau gulit ne teneb bè Dwata ne ndaen yóm ktahuhen. Mon Jirimaya ke wen sotu tau ton le, gbek Dwata hmifót salà yó kem tau lem syudad Jirusalim. Okóm balù sotu ke wen ton le. Yó gónóm mon, là gselem ke Dwata ke tnafaken yó kem tauhen. Yó angat nmò Dwata, wen tey gida bong hwiten elem benwu le mò gemlà kul lemwót bè yóm là kimón le.

Kun Snulat Jan 7:22

Wen sotu tehe hlau Musis ekni bè ktulì ye kem ngà ye logi. (Okóm yóm hlau yó, là lemwóten bè Musis, hol lemwót bè yóm gónó tekuy gu semfu.) Anien he ke gbangà bè yóm Kdaw Kehegnô yóm ktulì ye yóm ngà ye, senged kmò ye du.

Kul Nmò 7:8

Ne wen hlolò Dwata ke Abraham, duhen yóm kehtulì mò ilô yóm deng kesfasad le. Ne tahu se, mngà Abraham, duhen Isak. Timbow deng wolu kdawen sut,” mon Stéfén, “tnulì Abraham yóm ngaen. Ne timbow mngà se ke Isak, duhen Jakub, ne bud tnulì Isak se kun. Timbow mngà se ke Jakub, duhen yó kem sfolò lewu logi, ne bud gotu tnulì Jakub lu. Lu se yó kem tehe fù tekuy alì tótól.

Sulat Pol Ebè Yó Kem Tau Hemtahu Bè Rom 2:28

Bè ktahuhen, yóm hol tahu tau Ju là lemwóten bè yóm deng kehtulien ne là yó du lewót gónó Dwata mfun du.

Sulat Pol Ebè Yó Kem Tau Hemtahu Bè Rom 3:25

Deng hógów Dwata Jisas mò na a matay bè salà tekuy. Hamaen litóen anì wen lan Dwata hmifót salà tekuy ke deng tekuy hemtahu bè Jisas. Ni se nmò Dwata anì hegfanen bélê tekuy yóm tey kun ktedeng. Bè gnan kdaw, tódô henbala Dwata yóm salà tau, tódô hiusen.

Sulat Pol Ebè Yó Kem Tau Hemtahu Bè Rom 3:28

Bud nulitu yóm monu yó koni, són yó gónón baling tedeng kton Dwata tekuy ke hemtahu tekuy bè Jisas. Là kóen lemwót bè klolò tekuy yóm hlau.

Sulat Pol Ebè Yó Kem Tau Hemtahu Bè Rom 3:30

Tek sotu se yóm Dwata. Ne tek sotu gónón tedeng kton Dwata yóm kdéen tau, són bè yóm kehtahu tekuy bè Jisas, tau Ju duhen ke tau là Ju le.

Glasya 3:28

Duhen yó, laen kô dù gónó ye stólóng kem tau hemtahu bè Krays, tau Ju duhen tau là Ju le, tau klifen duhen tau là klifenen, logi duhen libun. Tódô gotu senged yóm kdê ye lemwót bè yóm deng kessotu ye bè Krays Jisas.

Glasya 6:12

Yó kem tau tendo mubug kuy lemolò du yóm hlau bè logi, yó se yó kem tau olo le beyen heklabak ne hton salù bè yó kem dumu le. Abay se ke són yó tô tolok le yóm katay Krays bè kros, ke là hmung le du yóm hlau bè logi yó, angat wen gónó le hemsidek kul yó kem dumu le Ju.

Ifisus 2:11

Yu kem tau là Ju le, bê ye klifót yóm tehe kuy kmò ekni. Là kô ye semfu bè kem tau Ju se kuy, ne gel taba le kuy kem tau là tnulì. Tey kehegmón le du yóm deng ktulì le yó, igoen tek olon mlan te kulit kmò le du, là kóen mlan bè but blutut le.

Dwata 10:16

Yó gónóm mon, hol hfun ye ke Dwata klowil ye, bê ye abay bud hgel kulu ye.

Dwata 30:6

Wen óyô mimón angat blay Dwata kuy dalang se yó kem angat semfu gu bélê ye anì hol lemwót bè nawa ye yóm kbong nawa ye du ne mowil ye.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

Juswa 5:2

Bè yóm kdaw yó, bud mon Dwata mò ke Juswa, “Ó Juswa, moi kem suk lemnek lemwót bè yóm botu boluyen flint mò tuliem yó kem tau Israél.”

Juswa 5:4

Bè yóm tehe ktebel le yóm benwu Idyip yó kem tau Israél, tódô kdê yó kem logi bélê le deng le eles gotu tnulì. Blaem kogolen bè yó lem yóm fat folò halay le kegen le mógów lem yóm benwu laen hol wen tauhen, balù sotu bè yó kem ngà le logi hanà hulô ke deng tnulì le. Sotuhen, bè yóm kdaw kifal le Él Jurdan yó kem tau Israél, tódô kdê yó kem logi hulung mit sfatay tehe lemwót bè Idyip deng tnulì deng le gotu matay lem yóm benwu laen hol wen tauhen lemwót bè là kimón le ke Dwata. Igoen tey mget yóm tehe kmon Dwata du mò kul, “Là kô ye na a gehlós edu kuy yóm tey tonok tilob ne tonok tembas tehe fasadu yó kem tehe fù ye.”