Tekang Kbuten 16:8 - Udél Dwata: Gna Kesfasad ne Lomi Kesfasad

⁸ Yó udélen, monen, “Ó Hagar, yóm hesek Saray, gónóm gu de? Gónóm tô e solu ni du?” Bnalà Hagar, monen, “Mlóye gu bè yóm libun amohu.”

Tekang Kbuten 16:8 Iomraidhean Croise

Tekang Kbuten 16:1

Yóm Saray yehen Abram, atil se kun. Okóm wen libun Idyip heseken boluyen Hagar.

Tekang Kbuten 16:4

Sentungô Abram Hagar ne mlutut. Bè yóm ketngón Hagar du deng mlutut, deng mom hegmón ne là bud nadaten ke Saray.

Tekang Kbuten 16:9

Monen mò du yóm hógów Dwata, “Budi mulék ebè yóm libun amohem Saray ne holi heglaan béléen.”

Tekang Kbuten 21:17

Ne bud mkik se kun yóm ngaen ne gungol Dwata. Ne wen hógów Dwata mudél ebè Hagar gu bè longit, monen, “Ó Hagar, moen de ke sbeweg kehedemem? Béi hlikò. Deng gungol Dwata yóm kkik ngaem.

Tekang Kbuten 3:9

Okóm tnaba Dwata yóm logi, monen, “Gónóm nô de?”

Tekang Kbuten 4:10

Omin Dwata bud mon du, “Tey, Kain, moen ni du ke nmoem nim tey sidek ni? Deng tonu litô twolihem dmanag bè tonok, lómón ke dawaten ou anì bnelesu.

1 Bok Kem Tau Hol Geta 19:13

Bè yóm kungol Ilaydya du, botong snefengen nes uyóhen ne hewà mdà bè bak yóm kilib. Yó mon yóm mudél yó, “Ó Ilaydya, tedu se nmoem bè ni ni du?”

1 Bok Kem Tau Hol Geta 19:9

Tikóng kól bè yóm bulul yó, ominen mógów ebè yóm sotu kilib, ne bè yó gónón nô kifu. Tódô mudél ebéléen Dwata, monen, “Ó Ilaydya, tedu nmoem bè ni ni du?”

2 Bok Kem Tau Hol Geta 5:25

Omin Gihasi bud husek elem gónô Ilaysa, ne mdà bè soluhen. Snólók Ilaysa, “Gónóm gu de Gihasi?” Bnalà Gihasi se, monen, “Laen dù gónów gu, Sér?”

1 Samwél 26:19

Duhen ni, dou gónó mogot, hol hnungolem udél yóm tóbóng lówóhem. Ke Dwata se yóm mdók kóm anì hnatayem o, hyu ke wen dsuu ebéléen anì henmóyóen. Okóm ke kul kóyô kem tau, Dwata he hol tmafak kul yóm kdê le deng matul do. Abay se deng lohem ou bè yóm dou benwu ne yó gónów là bud gnô lem blóng yó kem dou dumu ne gónów là bud tmaba ebè Dwata bè yó lómón yóm sana dou gel nmò.