Tekang Kbuten 16:7 - Udél Dwata: Gna Kesfasad ne Lomi Kesfasad

⁷ Bè yóm klóy Hagar yó, wen hógów Dwata gu bè longit semlong du bè yóm tbul él bè yóm benwu là hyu menwu du bè yóm lan mógów ebè Sur.

Tekang Kbuten 16:7 Iomraidhean Croise

Tekang Kbuten 20:1

Kewót Abraham bè yó, subô ebè Négéb, ne nahen hlun nô bè yó bè yóm benwu boluyen Girar, yóm benwu nô bè blóng benwu Kadis ne yóm benwu Sur.

Tekang Kbuten 21:17

Ne bud mkik se kun yóm ngaen ne gungol Dwata. Ne wen hógów Dwata mudél ebè Hagar gu bè longit, monen, “Ó Hagar, moen de ke sbeweg kehedemem? Béi hlikò. Deng gungol Dwata yóm kkik ngaem.

Tekang Kbuten 21:18

Mdai dé, nam e bentik yóm ngà, henyuhem stulón du. Angat tey kehbólu kul yó kem semfu gu béléen, ne baling le sotu but tau alì mbegel se kul.”

Tekang Kbuten 21:19

Ominen wen kokol hton Dwata ke Hagar ne tódô mógów edu nan e sulu yóm sning kulit ógóf nwiten. Ominen yó hinum yóm ngaen.

Tekang Kbuten 22:11

sen-gengen se wen hógów Dwata tmaba ebéléen gu bè longit, monen, “Ó Abraham, Abraham.” Mon Abraham se, “Hó. Ni ou.”

Tekang Kbuten 22:15

Ominen bud tmaba ebè Abraham bè gewuhen dulék yóm hógów Dwata tmaba gu bè longit yó koni, monen,

Tekang Kbuten 24:7

Yakà deng nwiten ou ebè yóm benwu ni yóm dou gónó mogot. Du se yóm Dwata nô bè longit. Niten ou gu lem gónô mà ne gu bè tonok yó kem dumuhu ne deng hol fasaden dou yóm angat keblayen du bè yó kem dou sfu nim tonok ni. Wen he hógów Dwata gu bè longit mò tukô gna kóm anì wen libun tonem ditu mò yehen yóm ngau.

Tekang Kbuten 25:18

Yó gónó le gel nô kul yó kem kun ból Ismaél, nô le bè blóng yóm benwu Habila ne Sur, bè yóm benwu fi dmata kdaw Idyip bè yóm lan mógów ebè Asirya. Htólóng le bè yó kem dumu ból Abraham.

Tekang Kbuten 31:11

Bè yóm knahu yó, wen hógów Dwata gu bè longit mudél ebéléu, monen, ‘Ó Jakub.’ Monu se, ‘Hó. Ni ou.’

Kehewà 15:22

Kewót Musis bè yó bè Mohin Hulô, bud nalaken yó kem tau Israél ebè Sur, bè yóm benwu là hyu menwu du. Botong tlu kdaw le mlan lem yóm benwu là hyu menwu du yó ne balù udì ke wen él ton le.

Kehewà 3:2

Bè yóm kkólen bè yó, wen hógów Dwata gu bè longit hegfan béléen bede hlingu bè dilóf ofi, mkal bè yóm sotu ngà koyu lefungu. Ton Musis yóm koyu lefungu tódô tfeng dilóf okóm là se kóen dog mlób.

Kem Udél Hlalak Tehe Selumun 15:3

Balù nô, gotu ton Dwata yóm kdéen, gotu tenngelen se ke sidek duhen hyu yóm nmò tau.

1 Samwél 15:7

Gotu hnatay Sol yó kem tau Amalikayt lemwót bè yó bè benwu Habila efet kól etu bè Sur yóm benwu fi dmata kdaw Idyip.