Tekang Kbuten 16:4 - Udél Dwata: Gna Kesfasad ne Lomi Kesfasad

⁴ Sentungô Abram Hagar ne mlutut. Bè yóm ketngón Hagar du deng mlutut, deng mom hegmón ne là bud nadaten ke Saray.

Tekang Kbuten 16:4 Iomraidhean Croise

Tekang Kbuten 16:3

Tahu se, hedwey Saray ke Abram Hagar. Yóm kedwey Abram ni, deng sfolò halayen ne nô bè Kanan.

Tekang Kbuten 16:5

Ne yó mon Saray mò ke Abram, “Kóm salà yóm là bud kadat Hagar dou ni. Igò sem ou du yóm tehe hedwey du kóm, okóm lemwót bè yóm deng keblututen deng mom là bud nadaten dou. Dwata he kmukum du ke mahi du bélê te tahu.”

Tekang Kbuten 19:31

Sotu kdaw, mon yóm ngaen twogu mò yóm twolihen, “Deng nbuten tuha ne yóm mà te ne laen dù logi bè klamang nim benwu ni mò myehen kut anì wen ngà te.

Tekang Kbuten 21:9

Okóm bè yóm sotu kdaw, lemwót Ismaél yóm ngà Abraham bè Hagar, yóm libun Idyip heseken, nodoyen Isak yóm kun ngà Sara.

Tekang Kbuten 30:4

Tahu se, hestungóen ke Jakub Bilha, yóm ngà libun heseken.

2 Samwél 6:16

Yóm khuseken elem syudad yóm Slungan Dwata yó, temngel tembó beng Mikal yóm ngà Sol libun yehen Dabid. Tikóng tonen Dabid hkak ne madal bè solu Dwata, ne tey kekliten du.

Kem Udél Hlalak Tehe Selumun 30:23

ne sok myehen yóm libun alì kenlit kem tau ne yóm hesek libun ke mò tles yóm ogoten libun. Ni se koni yóm fat là gehbala kem tau du.

1 Kurin 4:6

Bè nim kdê tulónu kuy ni koni, kem dumuhu setwoli, hlédu ebélê me lewu me Apulus mò gna gónó ye temngel anì wen dnalang ye bè yóm tehe gel mon tau, yóm mon le, “Bê ye nulé yó kem gel hlolò le kuy.” Là hyuhen ke mtukul hegeta ye ne mtukul henwog ye.