Tekang Kbuten 16:2 - Udél Dwata: Gna Kesfasad ne Lomi Kesfasad

² Yó mon Saray mò ke Abram, “Lemwót bè yóm là kehngà Dwata dou, yake sentungóem dé yóm libun heseku. Déke mngà anì mò dou.” Tódô nmung Abram yóm mon Saray mò du yó.

Tekang Kbuten 16:2 Iomraidhean Croise

Tekang Kbuten 11:30

Yóm Saray yehen Abram, atil se kun.

Tekang Kbuten 17:16

Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.”

Tekang Kbuten 18:10

Sotu bélê le mudél, monen mò ke Abraham, “Bè halay hulihen he, bud kesfuléku edini ne deng mngà logi yóm yehenem Sara.” Okóm ke Sara kun, nô tekwang yóm tau mudél yó seblà bè bak dól le, hnilungen yóm kestulón le.

Tekang Kbuten 19:31

Sotu kdaw, mon yóm ngaen twogu mò yóm twolihen, “Deng nbuten tuha ne yóm mà te ne laen dù logi bè klamang nim benwu ni mò myehen kut anì wen ngà te.

Tekang Kbuten 20:18

Yakà deng hatil Dwata lu yó kem libun lem gónô Abimélék lemwót bè yóm kwa Abimélék ke Sara yehen Abraham.

Tekang Kbuten 25:21

Lemwót bè yóm là kngà Ribika, yó gónó Isak mni béléen bè Dwata. Ne bnalà Dwata se yóm hni Isak yó, ne mlutut Ribika.

Tekang Kbuten 3:12

Ne yó balaen du yóm logi, monen, “Yó sem libun nmoem mò dumuhu bemlay du dou, ne tódô kenu.”

Tekang Kbuten 3:17

Ne yó udél Dwata ebè yóm logi, monen, “Deng nimónem udél tuha libunem ne deng kenem yóm bungu koyu nalihu kuy. Lemwót bè nim nmoem ni, tódô gomong megtafak béléem yóm klamangen tonok. Bè yóm klawihem mowil, ke là nam hol hgel mò nmò là kô wen gónóm ma mò ken ye.

Tekang Kbuten 30:22

Bè Rakél kun, là kô klifót Dwata du ne bnalaen yóm kun kni ne kóhen béléen yóm katilen anì mngà.

Tekang Kbuten 30:6

Yó mon Rakél, “Deng nfi Dwata ou. Deng hnungolen yóm knihu béléen, yó gónón bemlay dou ngà logi.” Ne yó gónón moluy du Dan yóm ngà sut yó.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Rut 4:11

Ne mon yó kem tuha ne kem dumu tau hmungol du, “El, mi se deng gemtanud du. Dwata he hol hból lówóhen yóm libun yehenem lómón yóm tehe kehbólen lówó le Rakél ne Liya yó kem libun alì wen ngà Jakub bélê le. Balingi kwasa he lem blóng yó kem kóm kwen kem tau semfu bè Ifrat ne balingi tótól he bè ni bè Bitlihim.