Tekang Kbuten 16:11 - Udél Dwata: Gna Kesfasad ne Lomi Kesfasad

¹¹ Angat wen ngaem logi ne boluyem du Ismaél abay se deng gungol Dwata yóm kkikem lemwót bè yóm alì ksidek kegnómem du.

Tekang Kbuten 16:11 Iomraidhean Croise

Tekang Kbuten 17:19

Okóm yó balà Dwata du monen, “Là. Angat wen hol ngà ye logi Sara ne yó boluyem du Isak. Béléen gónóhu hlan du yóm deng senfasad te laen dù tul sónen ni, kkólen bè yó kem angat semfu gu béléen. Ni se yóm hol fasad laen kô dù tul sónen.

Tekang Kbuten 21:17

Ne bud mkik se kun yóm ngaen ne gungol Dwata. Ne wen hógów Dwata mudél ebè Hagar gu bè longit, monen, “Ó Hagar, moen de ke sbeweg kehedemem? Béi hlikò. Deng gungol Dwata yóm kkik ngaem.

Tekang Kbuten 37:25

Bè yóm igò le tolo mken tódô ton le yó kem tau stodol mógów gu ditu, hono kem tau mit udél swa semfu gu bè Ismaél. Bè yóm kógów le yó, lemwót le gu bè Gilyad mógów le ebè Idyip. Sket lenulón le yó kem kamél yóm kdê kay som gel hbalù le ne yó kem litok koyu gel nmò bulung ne nmò yó kem hboo alì tilob boohen.

Job 38:41

Ne tau du se hemtukô kul yó kem wak ke mebel le yóm mò tnukô le? Ne ke mni le béléu ken yó kem ngà le, tau du se hemtukô kul bè yóm kebel le ken?”

Kem Lingón 22:24

Là kô tódô bayaen kul yó kem tau élél, sal gel kenmónen lu ke wen gónó le glayam. Là kô knogolen kul, mom bnalaen lu ke tmaba le ebéléen.”

Kehewà 3:7

Omin Dwata bud mudél ebéléen, monen, “Deng tonu yóm alì keglayam yó kem dou tau bè Idyip. Gungolu yóm tey ktaba le ebéléu anì wen lemwà kul bè yóm gónó le ghesek. Gotu tngónu yóm kdê gónó le glayam.

Kehewà 3:9

Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Kun Snulat Luk 1:13

Okóm yó mon yóm hógów Dwata mò du, “Béi hlikò, Sekariya. Deng gefet bè Dwata yóm gel knihem béléen. Angat mngà logi yóm tuha libunem. Yó angat boluyem du Jan.

Kun Snulat Luk 1:31

Angat wen bnututem, ne mngai logi, ne boluyem du Jisas.

Kun Snulat Luk 1:63

Ne hningón Sekariya anì nogu le mò gónóhen smulat, ne yó snulaten, monen, “Jan boluyen.” Bè yóm ksulaten du yó, tey ketnga le du.

1 Samwél 1:20

ne là legenen bè yó mlutut Hana ne mngà logi. Yó boluyen du Samwél, monen, “Yó gónóhu moluy du Samwél nim ngà ni abay se deng hnihu bè Dwata.”