Tekang Kbuten 16:10 - Udél Dwata: Gna Kesfasad ne Lomi Kesfasad

¹⁰ Bud mon yóm hógów Dwata, “Angat tey kehwen Dwata bólem, laen kô tau gembek msó kul.

Tekang Kbuten 16:10 Iomraidhean Croise

Tekang Kbuten 13:16

Angat hol hwenu bólem, laen kô dù gembek msó kul yóm kdê le, lómón ke nsóhem kfung te tonok.

Tekang Kbuten 16:9

Monen mò du yóm hógów Dwata, “Budi mulék ebè yóm libun amohem Saray ne holi heglaan béléen.”

Tekang Kbuten 17:20

Deng gungolu yóm hnihem gbak ebè Ismaél. Yó gónóm mon, nuyagu ne bud hwenu se kun ngà ne yó kem angat semfu gu béléen. Angat du mà yóm sfolò lewu kem tau mogot benwu ne yó kem semfu gu béléen bud nmou sotu but tau alì mbegel.

Tekang Kbuten 21:13

Senged snéen yóm kun ngà yóm libun hesek, angat tey kehbólu du ne yó kem bólen yó angat le baling sotu but tau se kul. Yakà ngaem du se kun.”

Tekang Kbuten 21:16

ne myón hlayuk wen dô lematu mitru klayuken. Yó hendemen, “Là kô gbeku du ke tonu katay yóm ngau.” Tey sidek kkiken bè yóm igoen myón bè yó.

Tekang Kbuten 21:18

Mdai dé, nam e bentik yóm ngà, henyuhem stulón du. Angat tey kehbólu kul yó kem semfu gu béléen, ne baling le sotu but tau alì mbegel se kul.”

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Kun Snulat Jan 1:18

Yóm Dwata, laen kô tau deng mton du he. Okóm tek són yóm kun Ngà yó deng hetngón du tekuy yóm kmò Maen, abay se hol le senged Maen yóm Ngaen, ne senflósen nô béléen yóm Ngaen yó.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

Kmukum 6:11

Sotu kdaw bè yó, wen hógów Dwata gu bè longit sut bè yóm benwu boluyen Ufra, myón laan yóm koyu boluyen ok nfun Juas yóm tau lemwót bè tbong yóm tehe Abisér. Nim Juas ni, wen ngaen logi boluyen Gidyun tolo hebnos kmusu bè yóm gónó le gel kemmes él grép anì là ton le du yó kem tau Midyan yóm kkusuhen.

Kmukum 6:16

Bnalà Dwata se, monen, “Kaem gbekem hewà kul abay se ou tmóbóng kóm. Yóm klahilem gemlà kul hol lómón ke tek sotu tau gnidahem.”