Tekang Kbuten 15:2 - Udél Dwata: Gna Kesfasad ne Lomi Kesfasad

² Okóm yó balà Abram du, monen, “Ó Dwata yóm hol dandónen geta, tedu se tô muhu du yóm ofol blayem dou yó ke laen dù ngau? Tek són angat gemfun du yó kem kendengenu, són Ilisér yóm tau lemwót bè Damaskus.

Tekang Kbuten 15:2 Iomraidhean Croise

Tekang Kbuten 14:15

Bè yóm kkól le Abram bè yóm benwu yó, nólólen yó kem tauhen. Yó nmò le, nundug le kifu yóm fat kem tau hol geta hohon le ne matù le bélê le. Bud ngang le kemtes kul efet kól bè Huba, yóm benwu sentu Damaskus.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 15:3

Laen kô dù ngà blayem dou. Yó gónóm mon, angat sotu bè yó kem tau tóbóng lówóhu fen gemfun du yó kem dou kendengen.”

Tekang Kbuten 24:10

Ominen lemwót yóm tóbóng lówó Abraham yó koni, yóm tau hogoten yóm kdê nfunen. Wen sfolò kamél nwiten hono wen lulón le ne mógów etu ebè yóm syudad gónón nô Nahor, yóm twoli Abraham, bè fi bwak bè yóm benwu Misuputamya.

Tekang Kbuten 24:2

Yó mon Abraham bè yóm tuha bè yó kem gel tóbóng lówóhen, yóm tau hogoten yó kem kdê nfunen, “Hsufitem lem blóng hahahu henmuem, smafai béléu.

Tekang Kbuten 25:21

Lemwót bè yóm là kngà Ribika, yó gónó Isak mni béléen bè Dwata. Ne bnalà Dwata se yóm hni Isak yó, ne mlutut Ribika.

Tekang Kbuten 39:9

Yóm kwalisen bè ni lem gónô, lómón yó se yóm dou kwalis, ne laen dù nalihen béléu, tek són uu yóm tuha libunen. Là kô gbeku du yóm sidek monem yó, tey salà bè Dwata yóm yó.”

Tekang Kbuten 43:19

Bè yóm kkól le bè bak dól yóm gónô, yó mon le bè yóm tau snalig Jusif,

Tekang Kbuten 44:1

Kogolen bè yó, yó udél Jusif ebè yóm tau gel snaligen bè gónóen, monen, “Gotu hennokem halay yó kem sakù le yó kem tau yó, yó se kbong gbek nwit le blayem kul ne gotu bud sù ye lu lem sakù le yó kem filak le.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Kem Udél Hlalak Tehe Selumun 13:12

Lebà nawahen yóm tau ke golun yóm sen-galu nawahen, okóm sok dohò yóm hendeenen tey hyu nawahen.

Kem Udél Hlalak Tehe Selumun 17:2

Lemwót bè yóm khulungen hedem yóm hesek, gónón mom baling kmulu béléen yó kem ngaen logi là gulit yóm amohen. Ne lemwót bè yóm khulungen hedem yó gónón gomong gumun bè kdê kendengen yóm amohen.

Kul Nmò 7:5

Okóm yóm benwu gónó Dwata e hili ke Abraham ni,” mon Stéfén, “balù udì ke wen tonok blayen du ke mò hol kun. Okóm deng fasad Dwata du yóm klamangen, dalang se yó kem semfu gu béléen. Okóm yóm kdaw kfasad Dwata du ke Abraham nim ni, laen kô deng ngà Abraham he.

Rut 2:6

Monen se mò ke Buas yóm tau yó, “Libun lemwót bè Muab mung ke Numi bè yóm kuléken.

1 Samwél 1:11

Wen fasad mget nmoen bè Dwata, monen, “Ó Dwata yóm Dwata laen dù là gbeken du, hol tenngelem o yóm sotu tóbóng lówóhem. Hol tenngelem yóm gónón sidek kegnómu du. Ke hentulónem o nawa ne ke bnalaem yóm hnihu ne ke hngaem o logi, wen fasadu kóm. Bud blayu kóm yóm ngà yó bè yóm klawihen mowil ne là kô gel kenleng du weken mò ilô yóm deng kehetfing du ebéléem.”