Tekang Kbuten 15:18 - Udél Dwata: Gna Kesfasad ne Lomi Kesfasad

¹⁸ Bè yóm igoen mton du yóm yó koni, tódô gungol Abram yóm fasad Dwata du, monen, “Yó fasadu kóm, angat blayu bè yó kem bólem yóm klamang yóm tonok ni, lenwóten ditu bè kilil Idyip efet kól ditu bè Él Yufratis,

Tekang Kbuten 15:18 Iomraidhean Croise

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Tekang Kbuten 13:15

Yó se gónón e són matahem blayu kóm ne bè yó kem semfu gu béléem. Laen sónen yóm kfunem du.

Tekang Kbuten 2:14

Ne yóm getluhen, boluyen Tigris, mlel etu fi dmata kdaw yóm benwu Asirya. Ne yóm gfat lelen, boluyen Yufratis.

Tekang Kbuten 24:7

Yakà deng nwiten ou ebè yóm benwu ni yóm dou gónó mogot. Du se yóm Dwata nô bè longit. Niten ou gu lem gónô mà ne gu bè tonok yó kem dumuhu ne deng hol fasaden dou yóm angat keblayen du bè yó kem dou sfu nim tonok ni. Wen he hógów Dwata gu bè longit mò tukô gna kóm anì wen libun tonem ditu mò yehen yóm ngau.

Tekang Kbuten 26:4

Angat hwenu bólem, lómón kwen le blotik bè longit. Angat gotu blayu kul yóm klamang yóm benwu Kanan ni. Ne angat mlan bélê le gónóhu tmóbóng yóm kdéen but tau bè klamangen benwu.

Tekang Kbuten 28:4

Dwata he hol tmóbóng kóm kkólen bè yó kem angat lugodem, lómón yóm tehe któbóngen ke téméem Abraham. Yóm benwu Kanan gónóm lemnok ni, uu he angat gemwa du, yakà tehe blay Dwata du ke téméem Abraham ekni.”

Tekang Kbuten 35:12

Yóm benwu ni, deng tehe hfunu ke téméem Abraham ne maem Isak, ne ni bud hfunu kóm snéen dalang se yó kem angat semfu gu béléem.”

Tekang Kbuten 50:24

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

2 Samwél 23:5

Deng nélék Dwata yóm dou fes lówó. Yakà deng wen fasaden do, yóm fasad laen dù sónen, fasad mdengen, lelen wen hgeten. Tendo knudung Dwata o anì laen dù hemenu, ne anì wen gónón e kól yó kem nmou.

1 Bok Kem Tau Hol Geta 4:21

Gotu nogot Selumun yóm tau hol geta yóm klamangen, nbuten bè Él Yufratis fi dmata kdaw efet kól etu bè tonok yó kem tau Flistin bè kilil mohin fi desdef, ne efet bud kól etu fi leged bè kilil Idyip. Lemwót yó kem tau menwu bè yó kem benwu deng gled le, gel le mayad bwis bè Selumun, ne mogot le béléen bè yóm klawihen mowil.

1 Bok Kem Tau Hol Geta 5:1

Yóm Hiram yóm tau hol geta bè Tayal, du se yóm tau hol kun dumu swè tehe Dabid. Timbow gungolen yóm deng ketles Selumun ke maen Dabid, yó gónón wen kem tau hógówen ebè Selumun mò mit yóm udélen dmóyón du.

1 Tutul Israél 16:16

Ni se yóm deng tehe senfasad le Abraham, ne bud yó se fasaden ke Isak snéen yóm ngà Abraham.

2 Tutul Israél 7:8

Bè yóm kmoen yó, nmò Selumun ne yóm kdéen tau Israél yóm Kehligal bè Slung, hitu kdaw le hmigal du. Tey tau wen sbung ebè yó lemwót bè kdéen ból Israél, kem tau lemwót bè Lebo-hamat hol fi debwak efet kól bè El Idyip hol fi leged.

2 Tutul Israél 8:7

Wen kem tau tolo nô bè benwu le sundu kem tau Israél du. Lu se yó kem dù tau Hitayt ne kem tau Amurayt ne kem tau Pirisayt ne kem tau Hibayt ne kem tau Jibusayt dù tebel bè yó,

2 Tutul Israél 9:26

Gotu gomong knamal Selumun yó kem tau hol geta lenwóten bè Él Yufratis fi dmata kdaw efet kól bè kilil benwu Idyip fi leged.

Nihimaya 9:8

Bè yóm deng ktonem yóm tey kteneben béléem, yó gónón wen senfasad ye. Yó fasadem du, blayem du yóm kul tonok yó kem tau Kanan ne yóm tonok yó kem tau Hitayt ne tau Amurayt ne tau Pirisayt ne tau Jibusayt ne tau Girgasayt. Yóm tonok fasadem du ni mò gónó le menwu yó kem angat semfu gu béléen. Ne là kô klifótem du yóm deng fasadem du yó abay se là kóen mili nawahem.

Kem Lingón 105:11

Yó tehe fasaden kul, monen, “Blayu kuy yóm benwu Kanan mò hol kuy benwu nfun.”

Kehewà 2:24

Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub.

Kehewà 23:23

Yóm hógówu gu bè longit eles tukô gna kuy ne nwiten yu ebè yóm benwu gónó le nô yó kem tau Amurayt ne yó kem tau Hitayt ne yó kem tau Pirisayt ne yó kem tau Kananayt ne yó kem tau Hibayt ne yó kem tau Jibusayt. Ne yó angat nmou bélê le ni kem tau ni angat gotu genlau lu.

Kehewà 3:8

Ne ni, denge mnaul elaan anì naw e lenwà lu lem tdok yó kem tau Idyip, nitu lu hewà gu bè yó. Nitu lu ebè yóm tonok hyu ne lamang, yóm tonok alì hyu mò du hulu ne angat tey wen tbasen. Ni kmoen ni, hanà le tolo menwu tahen yó kem tau Kanan ne kem tau Hitayt ne yó kem tau Amurayt ne kem tau Pirisayt ne kem tau Hibayt ne yó kem tau Jibusayt.Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Kehewà 32:13

Hendemem dé yóm tehe fasad mget nmoem bè yó kem tau tehe tóbóng lówóhem ekni le Abraham ne Isak ne Jakub. Yó tehe fasadem kul, laen dù tul sónen yóm keblayem kul ból lómó kwen le blotik bè longit ne yóm angat keblayem du bè yó kem ból le yóm tonok mò hlós nfun le.”

Kehewà 34:11

Yó kuy fasad do, hol nimón ye yó kem hlauhu kuy kemdaw ni. Bè yóm kógów ye elem yóm benwu deng tehe fasadu kuy angat gotu hdóhu lu yó kem tau Amurayt ne yó kem tau Kananayt ne yó kem tau Hitayt ne yó kem tau Pirisayt ne yó kem tau Hibayt ne yó kem tau Jibusayt.

Kehewà 34:24

Ou se angat hdó kul yóm kdéen tau bè yóm benwu deng fasadu kuy ne bud ou se angat hlamang du yóm benwu ye yó. Kogolen bè yó, laen kô dù tau mundug du yóm benwu ye bè yóm igò le mógów ebéléu tlu dulék sfalay yó kem logi bélê ye na a tmaba ebéléu.

Kehewà 6:4

Tehe wen senfasad me. Yó fasadu kul, duhen yóm keblayu du kul yóm benwu Kanan yóm benwu tehe gónó le e milo.

Kehewà 6:8

Angat nwitu yu ebè yóm benwu tehe fasadu ke Abraham ne Isak ne Jakub. Blayu kuy yóm benwu yó mò hol kuy nfun. Ou se yóm sana Dwata hol gónó mogot mon du nim ni.’ ”

Isaya 55:3

Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.

Jirimaya 32:22

Deng blayem yó kem tau Israél yóm tonok tehe fasadem yó kem tehe fù le, yóm tonok tilob ne tonok tembas.

Jirimaya 32:40

Angat wen senfasad me yóm fasad laen dù tul sónen. Fasadu kul yóm tendo keblayu kul yóm hyu. Suu bè nawa le yóm tendo klikò le dou ne là kô bud tebel le do.

Kul Nmò 7:5

Okóm yóm benwu gónó Dwata e hili ke Abraham ni,” mon Stéfén, “balù udì ke wen tonok blayen du ke mò hol kun. Okóm deng fasad Dwata du yóm klamangen, dalang se yó kem semfu gu béléen. Okóm yóm kdaw kfasad Dwata du ke Abraham nim ni, laen kô deng ngà Abraham he.

Dwata 12:20

Ke deng bang Dwata hlamang du yóm tonok ye lómón yóm deng fasaden kuy ne ke móyô ye mutón, gbek ye tmétê balù kihu nóyô utón ye.

Dwata 34:4

Omin Dwata mon du mò ke Musis, “Ni se yóm tonok tehe fasadu ke Abraham ne Isak ne Jakub mò angat blayu bè yó kem sfu le. Olohu hton du kóm tahen yóm tonok tu okóm là heflósu kóm etu.”

Dwata 7:1

Yó bud mon Musis, “Ke deng nwiten yu yóm sana kuy Dwata hol gónó mogot ebè yóm tonok hfunen kuy mò gónó ye henek nô, tey angat dê but tau lohen gu tahen, yó kem tau Hitayt ne yó kem tau Girgasayt ne yó kem tau Amurayt ne yó kem tau Kanan ne yó kem tau Pirisayt ne yó kem tau Hibayt ne yó kem tau Jibusayt. Nim hitu kem but tau lohen gu tahen ni, hono kem but tau alì wen ne tey le gembek senta ye.

Hibru 13:20

Deng hlowil Dwata yóm gónó tekuy mogot Jisas. Lemwót bè yóm katayen bélê tekuy yó, hol lómón ke du yóm hol geta bè yó kem semgyok ubiha, ne tekuy se yóm hol sen-gyoken. Yóm litô hamaen bélê tekuy, yó se hol hemget du yóm lomi lan nmò Dwata mò lan tau ebéléen, ne laen kô sónen yóm lan nmoen yó. Yó hem Dwata gónón lemwót yóm kenek nawa tekuy hol tmóbóng kuy anì gbek ye mò du yóm kun kóyô. Ne bud du se hembaling tekuy kem tau mò hol hefligal du hlanen bè Jisas Krays. Hol bê tekuy abay nmò sónen yóm kdóyón tekuy ke Krays.

Deng Hegfan 9:14

Mudél ebè yóm hógów Dwata lomi mféw yó koni, monen, “Hewaem ne yó kem fat hógów Seitan deng tehe fét là sekna bè kilil yóm él bong boluyen Yufratis.”